Shwèʼ 19:9 - The New Testament in the Babanki language

⁹ Viʼi vətsenvə fa vəwenə a ntìntìn to kətʉ ə̀ tyèn la vəwenə ko a byɨmə kənyʉ̀ akì a Bol ngàʼà lì, bè gàʼ nyʉ̀ byɨvə tsenəvə à viʼi a shɨ byìʼì Jì yì a Bobo nkəŋə la və ntsi fa tsu. Bol mù ghʉ̀sə vəwenə ə̀ lyɨ̀ viʼi vəbyɨməvə vi wenə̀ vəwenə sə̀ dyʉ̀ tò mətsi ntsèm a ngə̀ŋ yì a Tylannùs nziʼi viʼi tsu, soʼo nyʉ̀ tsu wenə̀ viʼi.

Shwèʼ 19:9 Referans Kwoze

Shwèʼ 19:23

Ngəʼ ghoʼo tsen zìtə̀ a Efesùs a mətsi ayì byìʼì Jì yì a Bobo nkəŋə la viʼi ntsi fa tsu.

Shwèʼ 9:2

ə̀ gàʼ à wen la ghə̀ ku ŋwàʼlə̀ à yì, a ghə̀ dìʼì wìʼ a yì dìʼi wen, bènə̀ kədyòʼ kì a yì kiʼi ndi yì dyʉ̀ a aloʼ ntsèntə̀ Vəjew a Damaskus ə̀ ghaʼtə ndzɨ̀mtə̀sə Yesò no sətsèm ə̀ bwènsə̀ vì nə̀ vəwenə a Jelusalèm, lʉmə nə̀ ki.

2 Bità 2:12

Alì ndìʼsə̀sə ə dzɨŋ a sensə ə dèmə̀ nè to nyʉ̀ to nə̀ nyamsə ətòʼ, a və shɨtə to la viʼi ə nku zhwilə. Vəwenə ə tsəʼsə nyʉ̀, ko və kɨ. Nyìngòŋ ə lu byɨbsə vəwenə to nə̀ ə nyamsə ətòʼ a sensə.

Shwèʼ 14:4

Viʼi vi a və ndìʼ a ntə̀ʼ ayì sə kiʼi kəngə̀sə̀, viʼi vətsenvə tɨmə a bàm viʼi Jus, vətsenvə tɨmə a bàm viʼi ntɨm Yesò vi.

Ŋwàʼlə̀ Jud 1:10

Alì viʼi venə ə sə gàʼà nyʉ̀ byɨvə kumə nyʉ̀ vyi a vəwenə ə zhʉ, ko və lu kɨ. Vəwenə kwoʼtə ənyʉ̀ to nə̀ nyamsə tətòʼ, a diʼ nyʉ̀ a venə a və byɨsə vəwenə.

2 Bità 2:2

Viʼi Nyìngòŋ vətsenvə ə na dzɨ̀mtə̀ təziʼi təbyɨtə ə vəwenə be nshəmə ə ntsìnə̀sə kəfwaʼlə sə vəwenə na sensə to kədə̀ŋ, viʼi zìtə̀ ə ngaʼa əgaʼa ə əbyɨghə kumə Ji yì a ghə̀ diʼi nəmwèʼè.

Hibùlù 3:13

Ghə̀ŋ boŋsə gyamtə tyɨftə təwenə tyəŋtə to mətsi ə tsèm ə zàʼa ando Nyìngòŋ ə bo gaʼa a ghə̀ŋ, ndi kə mbyɨ na lobtə ghə̀ŋ ə ne la ghə̀ŋ to kətʉ.

1 Timotì 6:5

bè vi nə̀ kəngùmə̀ kə à viʼi vi a tətof tə vəwenə tə nyɨŋ li, ko vəwenə bè kɨ kənyʉ̀ ki a kə diʼ nəmwèʼè. Vəwenə ə kwòʼtə̀ la kənyʉ̀ kə Nyìngòŋ kə diʼ jì ə ko à vəwenə.

Lumans 11:7

Kə lə diʼi la viʼi Islel və ghoʼovə ə ghʉ li kəfo kì a vəwenə və tsèm tə kəŋ no nànto ə kiʼi, à kiʼi to təshɨ tə viʼi alə̀ ando Nyìngòŋ ə tsùʼtə. Viʼi no və ghoʼo tosə li tətyɨm ə zhʉ̀ fa Nyìngòŋ.

Lumans 9:18

Kə le diʼi la Nyìngòŋ ə sə kusə shinsə no tèbe ando a ghə̀ kòŋ ə kusə shɨnsə a wen. Ghə̀ kòŋ ə nè la wìʼ nkiʼi tyɨm ə toghə ghə̀ ne ando a ghə̀ kòŋ.

Shwèʼ 22:4

Mà nyàblə̀ nə̀ viʼi vəbyɨməvə a və ndzɨ̀mtə̀ Jì fi ghèn a no nkàntə̀ mò ə jèʼè fa tsu layn lə̀, ə̀ zhwilə vətsenvə. Mà nghaʼtə lʉmə nə̀ ki shwìnə̀ a mfɨŋ.

Shwèʼ 7:51

Stifèn gàʼ alə̀ ə̀ gàʼ la, “Ghə̀ŋ viʼi to kətʉ. Ghə̀ŋ shwintə li tìʼì tiʼi vəŋə, be ntosə tətyɨm tyəŋtə sə diʼ tò nə̀ viʼi a və ko kɨ̀ Nyìngòŋ. Ghə̀ŋ tyen li la ghə̀ŋ ko zì ghə̀ŋ zhʉ kənyʉ̀ a Kəzhwì kə ŋwòʼəkə gàʼà to nə̀ vətìʼ vəŋə və mbì.

2 Timotì 4:2

wù ə nshə̀ʼtə̀ ntɨm ə jùŋ à viʼi no mənzhʉ̀ ntsèm. Wù nshə̀ʼtə̀ tò shə̀ʼtə̀ kò viʼi ə kòŋ ə zhʉtə, kò və faŋ ke kòŋ. Wù diʼi laynsə kənyʉ̀ ki a viʼi ə nè byɨsə, ə gàʼ la kə vəwenə bè nè, ə sensə la vəwenə ə nzhʉ ənyʉ̀ a venə. Wù sə ə ziʼì vəwenə, wù ə shɨtə ziʼi nə̀ ətyɨm ə zhʉtə ghə̀.

2 Timotì 3:5

Vəwenə lu ə nfɨsə̀ viʼi vyi a və ghoʼsə Nyìngòŋ, alì ken la vəwenə əzhʉ fa wen no fa mpfen. Kə wù ə nkiʼ kənyʉ̀ kətsenkə ə ne we nkì ə viʼi a venə.

2 Timotì 1:15

Wu kɨ la no viʼi və byɨməvə vi a və diʼì aloʼ ə Asìyà no və tsèm nyɨŋ li əmoʼtə mò. A ntìntìn ə vəwenə a diʼ Figelùs nə̀ Helmogenes.

Shwèʼ 28:22

Yès ə kəŋə zhʉ kwòʼtə̀ wu byìʼàndo yès ə chò no tè fa fe, zhʉ ando və gàʼà nyʉ̀ byɨvə byìʼì nkì nòyn ghenə a wu dìʼì tsu lə̀.”

Shwèʼ 24:21

Kənyʉ̀ kə mùʼ a mà ne dìʼ tò la, ando mà ndiʼì a vəwenə a ntìntìn, mà zɨmə ə̀ gàʼ la, ‘Və soʼo mò layn alə̀ byìʼàndo ma byɨmə la viʼi lə̀ lù fà pfʉ.’”

Shwèʼ 20:31

Ghə̀ŋ ntùʼmə̀ lì be kwòʼtə̀ ando mà tə nziʼì ghə̀ŋ nə̀nchwì bènə̀ nəntʉʼʉ a tì ngwʉ̀ʼsə sènsə sətaʼ nə̀ məshɨ à mò ashɨ la ghə̀ŋ tuʼù kɨ̀ Nyìngòŋ.

Shwèʼ 19:30

Bol nkəŋə ədyʉ̀ tsu əgàʼ à viʼi, alì viʼi vəbyɨməvə tensə la kə ghə̀ à dyʉ̀.

Shwèʼ 17:4

Vəjew vətsenvə zhʉ ə byɨmə nyʉ̀ vyi a Bol ngàʼà mù tsèntə̀ nòynə Bol wenə̀ Silàs. Nòyn viʼi Glis a və nghoʼsə̀ Nyìngòŋ bè tsèntə̀ vəwenə ə boʼsə nə̀ ki vəghoʼkəvə.

Shwèʼ 11:26

Ghə̀ nè kəŋə wen ə̀ yen, ə̀ lyɨ̀ wen wenə̀ wen dyʉ̀ a Antìyòk ə̀ tsì tsu ngwʉʼ mpfen ziʼì viʼi vəbyɨməvə no vəghoʼo. Andìʼ a Antìyòk a və nzìtə̀ sə toŋtə̀ ndzɨ̀mtə̀sə bàm Yesò nə̀ və Viʼi və byɨməvə.

Joyn 12:40

“Nyìngòŋ ə nè li, vəwenə nfyɨf ə be ntosə tətyɨm tə vəwenə, ndiʼ vəwenə ki tèbe ki ko və lu yenə, kwòʼtə̀ tèbe kənyʉ̀, ko andiʼ la və kɨ; byìʼàndo vəwenə sətsen ə yenə be kɨ nyʉ̀ a və bwensə ə vi a Nyìngòŋ ghə̀ chʉʼ vəwenə.”

Matìyò 26:55

Yesò mù gàʼ à nòyn yi la, “Ghə̀ŋ fʉ sə vì nə̀ nyisə bènə̀ mbàŋsə əvì ghaʼ mo sə mà dìʼ tsoŋ ale? Gaʼa kò mà tə nzhʉsə̀ tò vəghəŋ à tì ngə̀ŋ Nyìngòŋ ghoʼo dìʼsə̀ kò ghə̀ŋ lu nghaʼa mò byìʼì ghò?

Matìyò 16:4

A dìʼ tò kəlyɨŋ kə byɨkə anə̀ kènkə a kə ko ghʉ tyɨm wen à Nyìngòŋ a kə zì kə mbèmə̀ kəchwitə. Ghə̀ŋ ko a yen kəchwitə kətsenkə əchò tò nchwi Jonà.” Ghə̀ gàʼ a lì ə lù mòʼtə̀ vəwenə.

Matìyò 15:14

Ghə̀ŋ ghʉsə vəwenə tò a lì, vəwenə diʼ mfyɨ̀f alì kəŋ ndìʼì jì a vətsenvə. Kənfyɨf kə sətsèn ə ndìʼì jì a kətsenkə, vəwenə à tsèntə̀ fəŋkə a nkwòŋ no vətsèm.”

1 Kolìntyàns 16:9

byìʼì ando ji kəʼli a mò la mà shɨtə ne shyèʼ ashen, no tèbe ando viʼi ə soynə mò, to kədə̀ŋ.