Shwèʼ 19:8 - The New Testament in the Babanki language

⁸ Fà yì a bàm, Bol sə dyʉ̀ kwenə a tì ngə̀ŋ ntsèntə̀ gàʼà wenə̀ Vəjew a tì vəsàŋ vətaʼ nə̀ tyɨm toghə, soʼtə̀ nyʉ̀, kəŋə la vəwenə byɨmə la kənyʉ̀ kì a yi gàʼà byìʼì soʼ fòn Nyìngòŋ diʼ nəmwèʼè.

Shwèʼ 19:8 Referans Kwoze

Shwèʼ 1:3

Andìʼ ando Yesò yènə ngəʼ ghoʼo ə̀ pfʉ bè bwènsə̀ lù fa pfʉ, ghə̀ dìʼ wenə wen à viʼi ntɨm wen la yì lu li fa pfʉ nəmwèʼè. Ghə̀ ne a lì tò a jisə a jisə no aghayn à ghoʼoghə a tì mətsi məwum nkàʼ bè gàʼ à vəwenə kùmə soʼ fòyn Nyìngòŋ.

Shwèʼ 28:23

Vəwenə mù ghʉ̀ kətsi be vi yen Bol. Kətsi akì kə kwʉ̀ʼ, vəwenə fʉ̀ ə̀ vì a kəshi yì a Bol ntsi tsu lì no vəghoʼo. Ghə̀ zìtə̀ fa boʼòngə̀ŋ sə gàʼà à vəwenə, ə̀ gàʼ ə zaʼa fa nəntʉʼʉ, shɨ̀tə̀ shə̀ʼtə̀ kənyʉ̀ kì a ghə̀ ndiʼi shə̀ʼtə̀ à vəwenə byìʼì kəshi kə fòn Nyìngòŋ. Ghə̀ tàŋkə̀ ənè vəwenə kɨ byìʼ Yesò, dzàŋə̀ fa ŋwàʼlə̀ Soʼ yì a Mosìs bènə̀ fa vəŋwàʼlə̀ və nshə̀ʼtə̀ səghoʼkəsə ədìʼ la kənyʉ̀ kì a yi gàʼà dìʼ nəmwèʼè.

Ŋwàʼlə̀ Jud 1:3

Ma tə ə kòŋ ə nyòʼò a ghə̀ŋ, a doŋ shomsə jùŋ sə kumə ando Nyìngòŋ ə tsèntə bwòŋsə̀ vəghəŋ vətsèm, ali ə yen la kə bòŋ la mà zaŋsə nyòʼ ə tyɨftə ghə̀ŋ la ghə̀ŋ nè shwèʼè no nə̀ kədyoʼkə ə ghaʼ əbyɨmə yi a viʼi Nyìngòŋ ə kiʼi. Əbyɨmə ghenə diʼ to əmùʼ, mu Nyìngòŋ nku li a viʼi wen to ghayn əmùʼ.

Shwèʼ 19:9

Viʼi vətsenvə fa vəwenə a ntìntìn to kətʉ ə̀ tyèn la vəwenə ko a byɨmə kənyʉ̀ akì a Bol ngàʼà lì, bè gàʼ nyʉ̀ byɨvə tsenəvə à viʼi a shɨ byìʼì Jì yì a Bobo nkəŋə la və ntsi fa tsu. Bol mù ghʉ̀sə vəwenə ə̀ lyɨ̀ viʼi vəbyɨməvə vi wenə̀ vəwenə sə̀ dyʉ̀ tò mətsi ntsèm a ngə̀ŋ yì a Tylannùs nziʼi viʼi tsu, soʼo nyʉ̀ tsu wenə̀ viʼi.

Shwèʼ 18:19

Vəwenə jèʼè ə̀ dyʉ̀ zaʼa a ntə̀ʼ Efesùs, Bol ghʉsə Blisilyà wenə̀ Akwilà ə̀ dyʉ̀ a ngə̀ŋ ntsèntə̀ Vəjew wenə̀ vəwenə sə soʼtə̀ nyʉ̀ tsu.

Shwèʼ 18:4

Bol sə dyʉ̀ kwenə a ngə̀ŋ ntsèntə̀ Vəjew tò məntsi mə nzhʉtəmə no ntsèm, soʼtə̀ nyʉ̀ tsu wenə̀ Vəjew bènə̀ viʼi Glis, mwòmsə̀ ənè la vəwenə byɨmə kənyʉ̀ kì a ghə̀ ngàʼà.

Shwèʼ 17:17

Ghə̀ ndyʉ̀ a ngə̀ŋ ntsèntə̀ Vəjew ə̀ sòʼtə nyʉ̀ avenə tsu wenə̀ vəwenə bènə̀ viʼi vətsenvə vi a və ngumlə̀ Nyìngòŋ. Ghə̀ mbe dyʉ̀ soʼtə̀ tò nyʉ̀ avenə a təwoŋ no mə ntsi ntsèm wenə̀ viʼi vi a ghə̀ mvi bùmtə̀ tsu.

Shwèʼ 14:1

Bol wenə̀ Balnabas dyʉ̀ a Ikonùm dyʉ̀ kwèn a ngə̀ŋ ntsèntə̀ viʼi Jus tò ando vəwenə ə̀ nè no fe a vəwenə ndyʉ̀, ə̀ ziʼi tsu no a ji kaynə, viʼi Jus nə̀ viʼi tɨm no vəghoʼo byɨmə à Bobo.

Shwèʼ 13:46

Bol wenə̀ Balnabas be sə̀ tùʼù shə̀ʼtə̀ dyʉ̀ tò a mbì la, “Kə tə bòŋ ando yès tə shə̀ʼtə̀ ntɨmə Nyìngòŋ à ghə̀ŋ a mbì, alì ghə̀ŋ ntensə sə dìʼì la ghə̀ŋ ko kwʉ̀ʼ ə lu kiʼi bwòŋ yi a ghə̀ faŋə̀ fa ghanə mùʼ lì. Yès a ghʉsə ghə̀ŋ luwèn ə dyʉ̀ à viʼi tɨm.

Shwèʼ 13:14

Vəwenə lù fa Bègà ə̀ kuʼ ə̀ dyʉ̀ a Antìyòk yì a ghə̀ ndiʼì a loʼ Bisidiyà. A sə ndiʼ a kətsi kə zhʉtə kə viʼi Islel, vəwenə dyʉ̀ kwèn a ngə̀ŋ ntsèntə̀ ə̀ shiʼi ŋwʉʼʉ a nse.

Shwèʼ 18:26

Blisilyà wenə̀ Akwilà nè zhʉ̀ ziʼi yi a ghə̀ nziʼi nə̀ tyɨmə toghə a ngə̀ŋ ntsèntə̀ ə̀ gàʼ la Abolòs vì a vəwenə ngə̀ŋ. Ghə̀ vì, vəwenə shɨ̀tə̀ shə̀ʼtə̀ jì yì a wen a Nyìngòŋ kəŋ la viʼi ntsi fa tsu.

Shwèʼ 19:7

Lʉmə ndìʼ a ntìntìn viʼi avenə ə zaʼa a njʉ̀sə̀bò.

Shwèʼ 19:10

Bol nè kənyʉ̀ akì a tì ngwʉ̀ʼsə səbò, Vəjew nə̀ viʼi tɨm vi a və ndìʼ a Asìyà zhʉ kənyʉ̀ byìʼì Bobo.

Shwèʼ 20:31

Ghə̀ŋ ntùʼmə̀ lì be kwòʼtə̀ ando mà tə nziʼì ghə̀ŋ nə̀nchwì bènə̀ nəntʉʼʉ a tì ngwʉ̀ʼsə sènsə sətaʼ nə̀ məshɨ à mò ashɨ la ghə̀ŋ tuʼù kɨ̀ Nyìngòŋ.