Shwèʼ 19:16 - The New Testament in the Babanki language

¹⁶ Ando kə ngàʼa a lì, wìʼ ayì a ghə̀ nkiʼ kəzhwì kə byɨkə akì shen ə̀ ghaʼ vəwenə no vətsèm, ə̀ ghòm no a nkàyn. Vəwenə nyɨŋkə fʉ̀ fà ngə̀ŋ ayì mu və bàtə li ndisə vəwenə bè lyomsə vəwenə a ji byɨ.

Shwèʼ 19:16 Referans Kwoze

Ŋwàʼlə̀ Luk 8:29

Ghə̀ ngàʼa alì byìʼàndo Yesò sə nkəŋkə kəzhwì kəbyɨkə kyì la kə fʉ̀ fa wenə a wèn. Kəzhwì akyì nku ngəʼ a wen tò mənzhʉ̀ a mənzhʉ̀. No a zhʉ̀ kò a kə nku ngəʼ à wen, və ghaʼ kwìʼ akwoŋ wen bènə̀ afwen wen nə̀ mpfɨŋsə ə ghʉ wen a kəshi. Və nè ghʉ alì, ghə̀ tyintə mpfɨŋsə ashì tò tyintə, kəzhwì kə byɨkə akyì lyɨ̀ wen ə dyʉ̀ nə̀ wen a nse zɨm.

Ŋwàʼlə̀ Mak 5:15

ə̀ vì yèn Yesò nə̀ wìʼ yì a ghə̀ nkìʼ nòyn zhwì byɨvə lì ŋwʉʼ tsu mu ghə̀ moʼò li ndisə be diʼ à wen a tof. Viʼi vi yen a lì mù sə fànə̀ no nànto.

Ŋwàʼlə̀ Luk 8:35

Viʼi zhʉ alì ə fʉ̀ ədyʉ̀ yen kənyʉ̀ a ke nchò. Vəwenə vì yen Yesò bè yen wìʼ yì a zhwì byɨvə nfʉ fa wenə a wèn, ghə̀ ŋwʉʼ a wen ashɨ, mu ghə̀ moʼli ndisə bè dìʼ a wenə tof. Viʼi a vyì yen alì sə diʼ nə̀ fàynə.

Shwèʼ 3:8

Ghə̀ tsòʼ a kàŋ ə̀ zìtə̀ sə̀ jèʼè ə̀ dyʉ̀ kwèn a ngə̀ŋ Nyìngòŋ wenə̀ Bità nə̀ Joyn sə̀ tsòʼtə̀ kaʼa fa tsu saŋlə̀ be bwomsə̀ Nyìngòŋ.

Shwèʼ 19:15

A sə ndiʼ kətsi kətsenkə, vəwenə dyʉ̀ yèn wutsen ghə̀ kiʼ kəzhwì kə byɨkə. Vəwenə sə mwòmsə̀ ədzɨ̀m ə shìsə kəzhwì kə byɨkə akì, kə gàʼ à vəwenə la, “Mà kɨ Yesò bè kɨ Bol. Ghə̀ŋ ke dìʼ vəndò?”

Shwèʼ 19:17

Vəjew nə̀ viʼi tɨm vi a və ndìʼ a Efesùs nè zhʉ̀ kənyʉ̀ a kə yì chò sə̀ diʼ nə̀ fanə mù sə kuʼsə zhiʼ Bobo Yesò.

2 Bità 2:19

Vəwenə ə ghʉ viʼi a venə gàʼa la vəwenə a nè, ko viʼi a vyi ə be diʼ əkòs, ali nkàyntə̀ vəwenə diʼ əkòs a vəwenə a mbyɨsə. Kə diʼ alə̀ byìʼì ando no tèbe ghò nə̀ zhʉsə tisə wìʼ, ghə̀ sə shyèʼ to kəkòs a kəwenkə.