Shwèʼ 19:10 - The New Testament in the Babanki language

¹⁰ Bol nè kənyʉ̀ akì a tì ngwʉ̀ʼsə səbò, Vəjew nə̀ viʼi tɨm vi a və ndìʼ a Asìyà zhʉ kənyʉ̀ byìʼì Bobo.

Shwèʼ 19:10 Referans Kwoze

Shwèʼ 20:31

Ghə̀ŋ ntùʼmə̀ lì be kwòʼtə̀ ando mà tə nziʼì ghə̀ŋ nə̀nchwì bènə̀ nəntʉʼʉ a tì ngwʉ̀ʼsə sènsə sətaʼ nə̀ məshɨ à mò ashɨ la ghə̀ŋ tuʼù kɨ̀ Nyìngòŋ.

2 Timotì 1:15

Wu kɨ la no viʼi və byɨməvə vi a və diʼì aloʼ ə Asìyà no və tsèm nyɨŋ li əmoʼtə mò. A ntìntìn ə vəwenə a diʼ Figelùs nə̀ Helmogenes.

Kòlòsyàns 3:11

Ali, ə nəkwoŋ ko diʼ ko ghə̀ lu ndiʼ a wìʼ, kò à diʼ wù ə Jus kò à diʼ wù ə Glek, kò və shɨtə li wen kò və ko shɨtə, kò à diʼ wù kətɨm. Ə nəkwoŋ kodiʼ a viʼi vi a diʼi əkos nə̀ viʼi vyi a və diʼ fa ngəŋ, ali kənyʉ̀ kə tokə diʼ to Yesò. Ghə̀ diʼ a ntìntìn viʼi wen və tsèm.

Gàlesìyà 3:28

Nəkwoŋ ko be diʼ fa wù ə Jus wenə wìʼ yi a ko diʼ wù Jus. Nəkwoŋ ko be diʼ fa wìʼ yi a ghə̀ diʼi fa ngeŋ wenə wìʼ yi a ghə̀ diʼi kəkòs, ko ghə̀ diʼ a wùlɨm nə̀ wùwì, byìʼì ando ghə̀ŋ və tsèm sə tsèntə diʼ to kənyʉ̀ kə mùʼ vye və Yesò Klistò.

Lumans 10:18

Ma sətsen ə bèm la, kə le diʼ la viʼi Jus ko zhʉ̀ kənyʉ̀ kə Nyìngòŋ mu? Vəwenə zhʉ li to no zhʉ, to ndə̀ŋndəŋ ando və nyoʼ li a Ŋwàʼlə̀ Nyìngòŋ la: “Və zhʉ li gɨsə nshə̀ʼtə̀sə to shì ə tsèm a mbi. Vəwenə shə̀ʼtə̀ li kənyʉ̀, və zhʉ to tətàŋ tə mbi tə tsèm.”

Lumans 10:12

Nyìngòŋ diʼ Bobo a viʼi və tsèm. Nəkwoŋ ko diʼ fa wù ə Jus nə̀ wù kətɨm. Ghə̀ bwaʼsə no ndò yi a ghə̀ loynə ə gyamtə fa wen.

Lumans 1:16

Ma diʼ nə̀ saŋlə byìʼì ntɨm ə jùŋ a ghèn ando ghə̀ diʼi kədyòʼ ki a Nyìngòŋ ə̀ bwòŋsə viʼi və byɨməvə tsu no və tsèm. Ghə̀ bwoŋsə viʼi və byɨməvə, zìtə̀ nə̀ viʼi Jus a ambì, kùmtə̀ nə̀ viʼi ətɨm.

Shwèʼ 16:6

Bol wenə̀ viʼi ndoŋsə wen jèʼ dyʉ̀ a Fligiya bènə̀ Gàlesìyà byìʼàndo Kəzhwì kə ŋwòʼəkə nko ghʉ̀sə la vəwenə shə̀ʼtə̀ ntɨm ə jùŋ a loʼ Asìyà.

Kəmwetə 1:11

ə gaʼa la, “Nyòʼo ənyʉ̀ venə a wù yenə lə̀ a tì ŋwàʼlə̀ ə̀ tɨ̀m à ntsèntə̀sə viʼi və byɨməvə shì sòmbo: tɨm a Efesùs, ne Smylna, nə̀ Belgamum, a Tatiliyà, nə̀ Saldìs, nə̀ Fìlàdefìyà bènə̀ a Ladesiyà.”

Kəmwetə 1:4

A tɨmə mò ə Joyn tɨmə̀ toŋtə à ghə̀ŋ ə ntsèntə̀sə viʼi və byɨməvə vi sòmbo a mbʉ̀ʼ Asìyà. Boŋə tyɨm bènə̀ mbwaʼmə̀ a ndiʼ à ghə̀ŋ fà Nyìngòŋ yì a ghə̀ diʼ, mu ghə̀ ndìʼ, be diʼ əlù ndiʼ, bènə̀ mbwaʼmə̀ à ghə̀ŋ fà əzhwi vi ə sòmbo a və diʼ a mbì kəfòyn kə̀ Nyìngòŋ.

1 Bità 1:1

A nyòʼo mò ə Bità, ə wù ə ntɨm ə Yesò Klistò nyòʼo ŋwàʼlə̀ ghèn a ghə̀ŋ ə viʼi Nyìngòŋ vi a ghə̀ ntsùʼ li, mu və dzɨ̀m li shisə vəwenə, vəwenə nsaykə̀ nkaʼ alòʼ ə Bontùs nə̀ Gàlesìyà nə̀ Kàbàdosìyà nə̀ Esìyà nə̀ Bìtinìyà ə sə tsi tsu a nə̀ viʼi a və chò ji.

Shwèʼ 20:18

Vəwenə nè vì ghə̀ gàʼ à vəwenə la, Ghə̀ŋ kɨ li ando mà ntsi bè shwèʼ à ghə̀ŋ a ntìntìn tò fa mbì kətsì ando mà mvi a loʼ Asìyà.

Shwèʼ 19:22

Ghə̀ ghʉ a lì mù tɨ̀m viʼi vi vəbò a və ngyàmtə̀ wen a ndiʼì Timotì wenə̀ Elastùs, la vəwenə dyʉ̀ a Macedonia a mbì, ghə̀ be tsìtə a Asìyà.

Shwèʼ 19:8

Fà yì a bàm, Bol sə dyʉ̀ kwenə a tì ngə̀ŋ ntsèntə̀ gàʼà wenə̀ Vəjew a tì vəsàŋ vətaʼ nə̀ tyɨm toghə, soʼtə̀ nyʉ̀, kəŋə la vəwenə byɨmə la kənyʉ̀ kì a yi gàʼà byìʼì soʼ fòn Nyìngòŋ diʼ nəmwèʼè.

Shwèʼ 18:11

Ando ghə̀ ngaʼà a lì, Bol bè tsì a Kolìn ngwʉʼ mpfen nə̀ kəbyeʼ kə, shə̀ʼtə̀ tò ntɨm ə̀ Nyìngòŋ.

Shwèʼ 18:4

Bol sə dyʉ̀ kwenə a ngə̀ŋ ntsèntə̀ Vəjew tò məntsi mə nzhʉtəmə no ntsèm, soʼtə̀ nyʉ̀ tsu wenə̀ Vəjew bènə̀ viʼi Glis, mwòmsə̀ ənè la vəwenə byɨmə kənyʉ̀ kì a ghə̀ ngàʼà.

Shwèʼ 2:9

Vəghəŋ dìʼ a shèn vətsenvə diʼ mu və lù fa shyə Balthia, fa shyə Midìyà nə̀ Elam, fa Mesobotamiyà, fa Judiyà nə̀ Kabadosiyà, fa Bontùs nə̀ fa Asìyà.

Shwèʼ 6:9

alì viʼi ngə̀ŋ ntsèntə̀ vətsenvə a və ntoŋtə la, “Ngə̀ŋ ntsèntə̀ viʼi vyi a və ko bè ndìʼi kòs.” Zìtə̀ kəngùmə̀ wenə̀ və Stifèn. Vəwenə ndìʼ mu və fʉ̀ fà ntə̀ʼ Silen nə̀ fa ntə̀ʼ Alèksandìliyà boʼsə nə̀ loʼo Silisiyà bènə̀ fa loʼo Asìyà.

Shwèʼ 13:12

Wìʼ yì a ghə̀ nsoʼo shyə loʼ ayì zhʉ ziʼi byìʼì Bobo be yèn nyʉ̀ vyi a və nchò ə̀ sə diʼ nə̀ kaynə, mù byɨmə à Bobo.

Shwèʼ 19:20

Kənyʉ̀ kə Nyìngòŋ mù sə sàykə̀ dyʉ̀ tò dyʉ̀, viʼi no və ghoʼo byɨmə byìʼì nyʉ̀ kanəvə vi a vəwenə nyenə.