Shwèʼ 18:2 - The New Testament in the Babanki language

² Andìʼ ando ghə̀ ndyʉ̀ zaʼa tsu ə̀ yèn wu Jus tsen a və mbwi wen a loʼ Bontùs, zhiʼ wen diʼ Akwilà. Ghə̀ diʼ mu ghə̀ kwʉ̀ʼtə̀ mvi tò vi tsu wenə̀ wì wen Blisilyà. Vəwenə nlù fa Lum a loʼ Italì ə̀ vì tsu byìʼàndo fòyn Klodùs ndìʼ mu ghə̀ chòsə̀ li soʼ la Vəjew fʉ fà Lum no vətsèm. Bol lù dyʉ̀ yèn vəwenə,

Shwèʼ 18:2 Referans Kwoze

2 Timotì 4:19

Toŋtə Blisilyà wenə lɨmə wen Akwilà nə̀ viʼi ngwaʼ ngə̀ŋ nə̀ Onèsìpholùs à mò.

1 Kolìntyàns 16:19

Ntsèntə̀ sə viʼi Nyìngòŋ shisə a sə diʼi ashen a Esìyà gàʼ la mà toŋtə ghə̀ŋ. Akwilà wenə Bìsilà nə̀ ntsèntə̀ viʼi və byɨməvə vi a ghə̀ŋ ghaʼa a vəwenə a ngə̀ŋ gàʼ la mà toŋtə ghə̀ŋ no akayn a əzhiʼ ə Bobo.

Shwèʼ 18:26

Blisilyà wenə̀ Akwilà nè zhʉ̀ ziʼi yi a ghə̀ nziʼi nə̀ tyɨmə toghə a ngə̀ŋ ntsèntə̀ ə̀ gàʼ la Abolòs vì a vəwenə ngə̀ŋ. Ghə̀ vì, vəwenə shɨ̀tə̀ shə̀ʼtə̀ jì yì a wen a Nyìngòŋ kəŋ la viʼi ntsi fa tsu.

Shwèʼ 11:28

ghə̀ tsen diʼ a vəwenə a ntìntìn, a zhiʼ wen ndìʼ Agabus. Kəzhwì kə ŋwòʼəkə tensə wen, ghə̀ gàʼ a ntsèntə̀ ando jɨ̀ŋ byɨ ne ku təloʼ tətsèm. Jɨŋ ayì lù ku a tʉʼ a andiʼ Klodùs diʼ foyn ə ghoʼo.

Shwèʼ 18:18

Bol bè tsìtə no məntsi alə̀ wenə̀ viʼi vəbyɨməvə a Kolìn ə̀ mù tòŋtə vəwenə ə̀ lù wenə̀ Blisilyà bènə̀ Akwilà fà ntə̀ʼ Senchilì ə̀ dyʉ̀ a loʼ Sylia. Mibu vəwenə sə nkwen a nkanuʼ əlù, mu Bol kom li kətʉ kə wen byìʼàndo ghə̀ ndìʼ mu ghə̀ ghʉ li kənyʉ̀ kətsenkə a məkàyn wenə̀ Nyìngòŋ.

Shwèʼ 2:9

Vəghəŋ dìʼ a shèn vətsenvə diʼ mu və lù fa shyə Balthia, fa shyə Midìyà nə̀ Elam, fa Mesobotamiyà, fa Judiyà nə̀ Kabadosiyà, fa Bontùs nə̀ fa Asìyà.

1 Bità 1:1

A nyòʼo mò ə Bità, ə wù ə ntɨm ə Yesò Klistò nyòʼo ŋwàʼlə̀ ghèn a ghə̀ŋ ə viʼi Nyìngòŋ vi a ghə̀ ntsùʼ li, mu və dzɨ̀m li shisə vəwenə, vəwenə nsaykə̀ nkaʼ alòʼ ə Bontùs nə̀ Gàlesìyà nə̀ Kàbàdosìyà nə̀ Esìyà nə̀ Bìtinìyà ə sə tsi tsu a nə̀ viʼi a və chò ji.

Shwèʼ 27:1

Andìʼ ando və nghʉ li la yès kwenə a kəbaŋ kə à mù ə̀ dyʉ̀ a Italì, və ku Bol wenə̀ viʼi mfɨŋ vətsenvə à kətʉ kə vəsugyèʼ viʼi Lum kətsenkə, zhiʼ wen diʼ Juliyòs. Və ndzàŋə̀ nòyn Vəsugyèʼ a vyi nə̀ vəsugyèʼ və Fòn ghoʼo.

Shwèʼ 27:6

Kətʉ kə vəsugyèʼ kì yen kəbaŋ kə a mù a kə nlu fa ntə̀ʼ Alèksandìliyà sə dyʉ̀ a Italì ə̀ wè yes tsu, yo vəwenə lù.

Hibùlù 13:24

Ghə̀ŋ toŋtə tʉtʉ vəŋə nə̀ viʼi Nyìngòŋ no vətsèm. Viʼi və byɨməvə vyi a və tsi alòʼ ə Italì ətɨmə ətoŋtə a ghə̀ŋ.