Shwèʼ 18:1 - The New Testament in the Babanki language

¹ Bol nè gàʼà à viʼi Atèns myètə̀ ə̀ lù fà tsu ə̀ dyʉ̀ a ntə̀ʼ Kolìn.

Shwèʼ 18:1 Referans Kwoze

1 Kolìntyàns 1:2

Ma nyòʼò ŋwàʼlə̀ ghèn a ənòyn ə viʼi a və byɨmə li a Nyìngòŋ a və diʼ a ntə̀ʼ Kolìn, nə̀ viʼi a Nyìngòŋ ə tsuʼ li ə ne la vəwenə ndiʼ viʼi vəlaynəvə, diʼ mu ghə̀ lyɨ vəwenə chò fa Yesò Klistò. Ma nyòʼò a ghə̀ŋ, be nyòʼò a viʼi vətsèm no tèbe fè a vəwenə diʼ, dzàŋə zhiʼ ə Bobo vəghəŋ Yesò Klistò. Ghə̀ diʼ Bobo vəwenə be diʼ Bobo ə vəghəŋ.

2 Timotì 4:20

Elastùs tə ə faŋ a ntə̀ʼ Kolìn. Mà tə sə ə lu ə moʼtə Tlophimùs a ntə̀ʼ Miletùs, ghə̀ kwaʼa kwaʼa.

Shwèʼ 19:1

Andìʼ ando Abolòs ndìʼ a ntə̀ʼ Kolìn a shyə Akayà, Bol chò fa tì loʼ ayì ə̀ dyʉ̀ zaʼa a Efesùs ə̀ yèn viʼi vəbyɨməvə vətsenvə tsu,

2 Kolìntyàns 1:1

A nyòʼò mo Bol ə wù ə ntɨm ə Yesò Klistò mu à ntsuʼ Nyìngòŋ ntsuʼ mo fa wen a kòŋ. Ma nyoʼo ŋwàʼlə̀ ghèn a ntsèntə̀sə viʼi Nyìngòŋ vyi no vətsèm a və tsi a Kolìn, be nə̀ a ghə̀ŋ viʼi Nyìngòŋ vyi a ghə̀ŋ tsi ashə Akayà no vətsèm. Ma diʼ yo Timotì ə lèmə̀ ə vəghəŋ a byɨmə.

2 Kolìntyàns 1:23

Mà tə faŋ ke be ə vi a Kolìn byìʼì ando ma ko tə ə kòŋ ə vi ə kəŋkə̀ ghə̀ŋ a kənyʉ̀. Nyìngòŋ ə kɨ la ma gàʼà to nəmwèʼè.

Shwèʼ 17:15

Viʼi vi a wenə̀ və Bol nlu a muʼu tùʼmə̀ nə̀ wen ə̀ dyʉ̀ zaʼa a ntə̀ʼ Atèns ə mù ghʉ̀sə wen tsu bwènə̀ vì a Belì nə̀ ntɨm a Bol ntɨmə la Silàs wenə̀ Timotì zaŋsə vì kwetə wen.

Shwèʼ 17:16

Andìʼ ando Bol nkə̀ʼtə̀ Silàs wenə̀ Timotì a Atèns, ə̀ yèn la ntə̀ʼ ayì nkiʼi mənyo no nghoʼo. Kənyʉ̀ ki sə ku ngəʼ à wen no nànto.

Shwèʼ 18:8

Wutsen a andìʼ kətʉ kə ngə̀ŋ ntsèntə̀ akì a zhiʼi wen ndìʼ Klisbùs zhʉ ntɨm jùŋ a ghèn, wenə̀ viʼi ngwaʼa ngə̀ŋ wen, bènə̀ viʼi vətsenvə a Kolìn no və ghoʼo byɨmə à Bobo ə̀ shì mu.

2 Kolìntyàns 6:11

Yès ə gàʼà li a ghə̀ŋ a viʼi Kolìn to a ndayn, be kòŋ ghə̀ŋ no nànto.