Shwèʼ 17:12 - The New Testament in the Babanki language

¹² Nghoʼo viʼi tsu, nə̀ ki bènə̀ lʉmə və ghoʼokəvə a ndiʼì viʼi Glis byɨmə à Yesò.

Shwèʼ 17:12 Referans Kwoze

Efisyàns 5:14

Kə diʼ alə̀ byìʼì ando à nè əbayn nè ənyʉ̀ byɨvə və kə̀ʼə̀ a ndayn. A le kənyʉ̀ ki a kə ne və ə gàʼ la: “Wu bʉnə lù fa mbinsə. Lu fa pfʉ̀ ndi əbaynə Klistò əbayn a wù.”

Shwèʼ 13:50

Viʼi Jus venə sə bosə nghoʼo viʼi a ntə̀ʼ ayì nə̀ kì və ghoʼkəvə a və ngumlə̀ Nyìngòŋ la vəwenə nku ngəʼ à Bol wenə̀ Balnabas. Viʼi avenə mù dzɨ̀m ə̀ shìsə̀ vəwenə fà ntə̀ʼ ayì.

1 Kolìntyàns 1:26

Vəlemə vwomə, ghə̀ŋ bwensə kwòʼtə ando ghə̀ŋ ə ndiʼ mibu Nyìngòŋ ə dzàŋ ghə̀ŋ. Ghə̀ŋ sətsen ki a ghə̀ŋ a ntìntìn, ghə̀ŋ a yen la viʼi vyi a viʼi ə nlyɨ a viʼi və tofəvə ə nko ghoʼo, viʼi a və ə nyenə la à diʼ viʼi adyòʼ ə nko ghoʼtə, viʼi a və nyenə la və fʉ̀ fa ngwaʼ viʼi ə ko ə nko ghoʼtə.

Shwèʼ 14:1

Bol wenə̀ Balnabas dyʉ̀ a Ikonùm dyʉ̀ kwèn a ngə̀ŋ ntsèntə̀ viʼi Jus tò ando vəwenə ə̀ nè no fe a vəwenə ndyʉ̀, ə̀ ziʼi tsu no a ji kaynə, viʼi Jus nə̀ viʼi tɨm no vəghoʼo byɨmə à Bobo.

Jems 1:21

Kə mu sə diʼ la ghə̀ŋ maʼa ntsìnə̀sə byɨsə bènə̀ ntsìnə̀sə kəmɨ̀ŋ ghə̀ŋ ə̀ shìʼsə təwen təŋtə shi ntɨm yì a Nyìngòŋ ə we à ghə̀ŋ a tətyɨm a ghə̀ zì ghə̀ bwòŋsə ghə̀ŋ.

Jems 1:10

yì a ghə̀ kiʼi ghoʼ be nànə̀ la Nyìngòŋ ə shiʼsə li wen a nse. Kə diʼ alə̀ byìʼàndo wu ghoʼo chò cho tò ndə̀ŋndəŋ ando dzudzu agəŋ ə chò.

Shwèʼ 13:46

Bol wenə̀ Balnabas be sə̀ tùʼù shə̀ʼtə̀ dyʉ̀ tò a mbì la, “Kə tə bòŋ ando yès tə shə̀ʼtə̀ ntɨmə Nyìngòŋ à ghə̀ŋ a mbì, alì ghə̀ŋ ntensə sə dìʼì la ghə̀ŋ ko kwʉ̀ʼ ə lu kiʼi bwòŋ yi a ghə̀ faŋə̀ fa ghanə mùʼ lì. Yès a ghʉsə ghə̀ŋ luwèn ə dyʉ̀ à viʼi tɨm.

Joyn 7:17

No ndò a ghə̀ kòŋ ə ne kənyʉ̀ a Nyìngòŋ ə kəŋ, mu ghə̀ na yen əkɨ la ziʼi ə ghomə lù fa Nyìngòŋ mu ma ziʼi to kənyʉ̀ ə komkə lò.

Shwèʼ 2:47

be ghoʼsə̀ Nyìngòŋ. Viʼi vətsèm sə̀ ki vəwenə, vəwenə kuʼmə tò byìʼì ntsìnə̀ jùŋ yì a vəwenə ntsi. Bobo sə̀ kwʉ̀ʼsə̀ viʼi vi a ghə̀ mbwòŋsə̀ li à vəwenə a nòyn tò mətsì ntsèm.