Shwèʼ 17:1 - The New Testament in the Babanki language

¹ Bol wenə viʼi wen jèʼ li chò fa ntə̀ʼ Amfibolis bènə̀ fa ntə̀ʼ Abòlòniyà ə̀ vì zaʼa a ntə̀ʼ Tèsàlonikà, a ngə̀ŋ tsèntə Vəjew tsen ndìʼ tsu.

Shwèʼ 17:1 Referans Kwoze

Filìbàyns 4:16

Tə̀ ando mà ə̀ ndìʼ a Tèsàlonikà, ghə̀ŋ bè tɨ̀m ə gyamtə à mò to aghayn aghayn.

1 Tèsàlonyà 1:1

A nyòʼò mò Bol nə̀ Silàs nə̀ Timotì nyòʼtə̀ ŋwàʼlə̀ ghèn a ghə̀ŋ nòynə ə viʼi və byɨməvə vi a və diʼi a ntə̀ʼ Tèsàlonikà. Ghə̀ŋ diʼ viʼi Nyìngòŋ ə Tìʼ vəghəŋ nə̀ Bobo Yesò Klistò. Nyìngòŋ ə diʼi ətyɨm ə jùŋ ghə̀ a ghə̀ŋ ə nè la ghə̀ŋ ə tsi nə̀ mbwaʼmə.

2 Tèsàlonyà 1:1

A nyòʼò mò Bol yo Silàs nə̀ Timotì nyoʼtə ŋwàʼlə̀ ghèn a ghə̀ŋ nòynə ə viʼi və byɨməvə vi a və diʼi a ntə̀ʼ Tèsàlonikà. Ghə̀ŋ diʼ viʼi Tìʼ vəghəŋ ə Nyìngòŋ, be diʼ viʼi Bobo Yesò Klistò.

Shwèʼ 20:4

Ghə̀ njèʼè wenə Sobatel wàyn Ballùs fa Belì, nə̀ Alistakùs nə̀ Sekundùs a vəwenə nlu fa Tèsàlonikà nə̀ Gayòs a ghə̀ nlu fa Delbə̀, nə̀ Tychicùs, nə̀ Tlophimùs a vəwenə nlu fa loʼ Asìyà bènə̀ Timotì.

2 Timotì 4:10

byìʼì ando Demàs kòŋ li əfo mbyi luwèn, ə nyɨŋ moʼtə mo ə dyʉ̀ a Tèsàlonikà. Klesèns mbe lu ə ndyʉ̀ a Gàlesìyà, Taytùs ə dyʉ̀ a Dalmatiyà.

Shwèʼ 27:2

Yès lù ə̀ dyʉ̀ kwèn a kəbaŋ kə a mù a kə nlu fa ntə̀ʼ Adlamitùm sə shiʼì dyʉ̀ fa shyə a baŋ a mù ndyʉ̀ tɨmə̀ tsu a loʼ Asìyà. Alistakùs, wù loʼ Macedonia tsen a ghə̀ nlu fa ntə̀ʼ Tèsàlonikà ndìʼ yo vəwenə a muʼu.

Shwèʼ 17:13

Andìʼ ando Vəjew a və ndìʼ a Tèsàlonikà nzhʉ la Bol be shə̀ʼtə̀ ntɨm jùŋ à viʼi Belì, vəwenə vì tsu sə bosə̀ la vəwenə zìtə̀ soyn.

Shwèʼ 17:11

Viʼi a və ndìʼ tsu nkòŋə̀ əzhʉtə kənyʉ̀ əchò viʼi Tèsàlonikà. Vəwenə nkòŋə̀ no a nkàyn əzhʉtə ntɨm jùŋ mù sə dzàŋə̀ Ŋwàʼlə̀ Nyìngòŋ tò mətsi ntsèm ndi yen la nyʉ̀ a Bol nshə̀ʼtə̀ diʼ tò nəmwèʼè lo.

Shwèʼ 16:13

kətsi kəzhʉtə kə Vəjew nè vì, yès lù fʉ̀ fa ntə̀ʼ ayì ə̀ dyʉ̀ a mbyɨ̀ àmù byìʼàndo yès nkɨ la adìʼ kəshi a Vəjew ndyʉ̀ zhùŋtə̀ tsu jɨ̀mə̀. Yès dyʉ̀ ŋwʉʼʉ tsu sə ziʼi ki vi a və mvì tsu.

Shwèʼ 15:21

A dìʼi nyʉ̀ vyi a Mosìs nziʼì, və sə tsi dzàŋə̀ a aloʼ ntsèntə̀sə tò a ntə̀ʼsə sətsèm a mətsi məzhʉ̀təmə no fà kəghaf.”

Shwèʼ 14:1

Bol wenə̀ Balnabas dyʉ̀ a Ikonùm dyʉ̀ kwèn a ngə̀ŋ ntsèntə̀ viʼi Jus tò ando vəwenə ə̀ nè no fe a vəwenə ndyʉ̀, ə̀ ziʼi tsu no a ji kaynə, viʼi Jus nə̀ viʼi tɨm no vəghoʼo byɨmə à Bobo.

Shwèʼ 17:10

Tʉʼ nè jɨ, viʼi vəbyɨməvə vi lyɨ̀ Bol wenə̀ Silàs ə̀ tɨm la vəwenə nyɨŋ ə̀ dyʉ̀ a ntə̀ʼ Belì byìʼì ngəʼ aghèn. Vəwenə dyʉ̀ tsu bè dyʉ̀ kwèn a ngə̀ŋ ntsèntə̀ Vəjew.

1 Tèsàlonyà 2:2

Ghə̀ŋ kɨ li la a ndiʼ mibu yès vi a Tèsàlonikà mu yès ə yen li ngəʼ no nànto, və be telə yès no nànto a ntə̀ʼ Filìbay. Nyìngòŋ ə vəghəŋ nè la yès shə̀ʼtə̀ ntɨm ə jùŋ a ghə̀ŋ mu ghə̀ lù fa Nyìngòŋ no nə̀ ətyɨm ə to ghə̀, no tèbe ando viʼi ə ko ə kòŋ ə zhʉtə.