Bib sou entènèt

Shwèʼ 16:6 - The New Testament in the Babanki language

⁶ Bol wenə̀ viʼi ndoŋsə wen jèʼ dyʉ̀ a Fligiya bènə̀ Gàlesìyà byìʼàndo Kəzhwì kə ŋwòʼəkə nko ghʉ̀sə la vəwenə shə̀ʼtə̀ ntɨm ə jùŋ a loʼ Asìyà.

Gade chapit la Kopi

tounen moute ⬆

Shwèʼ 16:6
31 Referans Kwoze

Shwèʼ 18:23

ə̀ tsìtə tsu no alə̀. Ghə̀ nè lù fa tsu ə̀ jèʼè chò fa shì tsèm a Galesìyà bènə̀ Fligiya, gyàmtə̀ dyʉ̀ nə̀ ndzɨ̀mtə̀sə bàm Yesò ndi vəwenə nkiʼ tyɨmə toghə a shi aghèn.

Gàlesìyà 1:2

Yo və vəlemə və byɨmə vì a və diʼ ashen ə tɨmə ətoŋtə a ghə̀ŋ ntsèntə̀sə viʼi və byɨməvə vyi a və diʼi shə ə Gàlesìyà.

Shwèʼ 16:7

Vəwenə nè dyʉ̀ boʼsə a Misìyà sə kəŋə əkuʼ dyʉ̀ ji fa Bitinyà, Kəzhwì kə Yesò kə bè tènsə la kə vəwenə a kùʼ tsu.

Shwèʼ 11:12

Kəzhwì kə ŋwòʼəkə gàʼ à mò la mà dyʉ̀ yo vəwenə kə ma mɨŋmə. Viʼi vəbyɨməvə venə ntʉfə a və nlù fa Joba lə̀ bè vì, yo vəwenə dyʉ̀ a muʼu ə̀ dyʉ̀ zaʼa a Sisalìyà ə̀ dyʉ̀ kwèn a ngə̀ŋ wutsen və dzàŋə̀ nə̀ Kòneliyòs.

1 Bità 1:1

A nyòʼo mò ə Bità, ə wù ə ntɨm ə Yesò Klistò nyòʼo ŋwàʼlə̀ ghèn a ghə̀ŋ ə viʼi Nyìngòŋ vi a ghə̀ ntsùʼ li, mu və dzɨ̀m li shisə vəwenə, vəwenə nsaykə̀ nkaʼ alòʼ ə Bontùs nə̀ Gàlesìyà nə̀ Kàbàdosìyà nə̀ Esìyà nə̀ Bìtinìyà ə sə tsi tsu a nə̀ viʼi a və chò ji.

2 Timotì 4:10

byìʼì ando Demàs kòŋ li əfo mbyi luwèn, ə nyɨŋ moʼtə mo ə dyʉ̀ a Tèsàlonikà. Klesèns mbe lu ə ndyʉ̀ a Gàlesìyà, Taytùs ə dyʉ̀ a Dalmatiyà.

Gàlesìyà 3:1

Ghə̀ŋ nkoyn ə viʼi Gàlesìyà venə! Və lùʼ ghə̀ŋ lùʼu mu? A və tə diʼ mwetə to no ando və ə bayntə Yesò Klistò a kəntò a ghə̀ŋ!

Shwèʼ 19:10

Bol nè kənyʉ̀ akì a tì ngwʉ̀ʼsə səbò, Vəjew nə̀ viʼi tɨm vi a və ndìʼ a Asìyà zhʉ kənyʉ̀ byìʼì Bobo.

Kəmwetə 1:11

ə gaʼa la, “Nyòʼo ənyʉ̀ venə a wù yenə lə̀ a tì ŋwàʼlə̀ ə̀ tɨ̀m à ntsèntə̀sə viʼi və byɨməvə shì sòmbo: tɨm a Efesùs, ne Smylna, nə̀ Belgamum, a Tatiliyà, nə̀ Saldìs, nə̀ Fìlàdefìyà bènə̀ a Ladesiyà.”

Kəmwetə 1:4

A tɨmə mò ə Joyn tɨmə̀ toŋtə à ghə̀ŋ ə ntsèntə̀sə viʼi və byɨməvə vi sòmbo a mbʉ̀ʼ Asìyà. Boŋə tyɨm bènə̀ mbwaʼmə̀ a ndiʼ à ghə̀ŋ fà Nyìngòŋ yì a ghə̀ diʼ, mu ghə̀ ndìʼ, be diʼ əlù ndiʼ, bènə̀ mbwaʼmə̀ à ghə̀ŋ fà əzhwi vi ə sòmbo a və diʼ a mbì kəfòyn kə̀ Nyìngòŋ.

Hibùlù 11:8

Ablaham ə mbyɨmə a Nyìngòŋ ando ghə̀ dzàŋ wen, ghə̀ lu dyʉ̀ alòʼ yi a ghə̀ ne ku a wen. Ghə̀ ə ndyʉ̀ ali ko ghə̀ ntɨmə kɨ lòʼ a yi.

2 Timotì 1:15

Wu kɨ la no viʼi və byɨməvə vi a və diʼì aloʼ ə Asìyà no və tsèm nyɨŋ li əmoʼtə mò. A ntìntìn ə vəwenə a diʼ Figelùs nə̀ Helmogenes.

2 Kolìntyàns 1:8

Yès ə kəŋ la ghə̀ŋ kɨ ngəʼ shisə a yès nyenə a Esìyà a vəlemə vyesə. Yès tə yenə ngəʼ byɨ tsu no nànto ghə̀ cho kədyòʼ kyeskə yès, sə yenə la yès a pfʉkə.

1 Kolìntyàns 16:1

Ma gàʼà kənyʉ̀ kumə əfo vi a zizi və zhùŋtə̀ ə ku ə gyàmtə̀ tsu a viʼi Nyìngòŋ. Ma tə gàʼ la ntsèntə̀sə viʼi və byɨməvə shisə a sə diʼi a Gàlesìyà ə nè kənyʉ̀, ghə̀ŋ diʼ be ə ne to ali.

1 Kolìntyàns 12:11

Ənyʉ̀ na venə no ətsèm a ne to Kəzhwì na kènkə kə mùʼ lə. Kə kù no tèbe nki kəku kə kò, no tèbe a ndò, to ando kə kòŋ.

Shwèʼ 20:28

Ghə̀ŋ ntùʼmə̀ nə̀ təwen təŋtə bè tùʼmə̀ nə̀ viʼi vi a Kəzhwì kə ŋwòʼəkə ghʉ li à ghə̀ŋ a ti. Ghə̀ŋ ndiʼ ntùʼmə̀sə ntsèntə̀ viʼi vəbyɨməvə Nyìngòŋ a ghə̀ nè à sə diʼ ntsèntə̀ viʼi wen ə chò fa pfʉ Wàyn wen.

Shwèʼ 20:16

Andìʼ a lì mu Bol ghʉ li la yì ko chò ji fa Efesùs byìʼàndo ghə̀ nko kòŋ əle zhʉ a loʼ Asìyà. Ghə̀ nlɨfə a lì ando ghə̀ kəŋə əjèʼ kwen a Jelusalèm mibu kətsi kə Bentekòs kə vi kwʉ̀ʼ.

Shwèʼ 20:4

Ghə̀ njèʼè wenə Sobatel wàyn Ballùs fa Belì, nə̀ Alistakùs nə̀ Sekundùs a vəwenə nlu fa Tèsàlonikà nə̀ Gayòs a ghə̀ nlu fa Delbə̀, nə̀ Tychicùs, nə̀ Tlophimùs a vəwenə nlu fa loʼ Asìyà bènə̀ Timotì.

Shwèʼ 10:19

Ando Bità mbu kwòʼò tò kwoʼ la kənyʉ̀ kikə a kə yì fʉ̀ à yì a kə̀ʼ lì ə dìʼì la ghò lo, Kəzhwì kə ŋwòʼəkə gàʼ à wen la, “zhʉtə a Bità, viʼi diʼ a kəbə̀ŋ vətaʼ, kəŋə əyen wù.

Ŋwàʼlə̀ Luk 1:2

Vəwenə nyòʼo nyʉ̀ mu vəghəŋ Zhʉ li fà viʼi vyi a və n-yèn nyʉ̀ avyi no fa kənzìtə, ando və nlyɨ̀ kəshi.

Shwèʼ 6:9

alì viʼi ngə̀ŋ ntsèntə̀ vətsenvə a və ntoŋtə la, “Ngə̀ŋ ntsèntə̀ viʼi vyi a və ko bè ndìʼi kòs.” Zìtə̀ kəngùmə̀ wenə̀ və Stifèn. Vəwenə ndìʼ mu və fʉ̀ fà ntə̀ʼ Silen nə̀ fa ntə̀ʼ Alèksandìliyà boʼsə nə̀ loʼo Silisiyà bènə̀ fa loʼo Asìyà.

Shwèʼ 8:29

Kəzhwì kə ŋwòʼəkə gàʼ à Filib la ghə̀ dyʉ̀ ə̀ boʼsə a mbyɨ̀ fənkwenkwen ayì ndi wenə̀ wìʼ ayì njèʼè dyʉ̀ a muʼu.

Shwèʼ 21:27

Andìʼ ando mətsi a mì sòmbo nsə mè dyʉ̀, Vəjew vətsenvə mu lù fa loʼ Asìyà yen Bol a ngə̀ŋ Nyìngòŋ ə̀ nè ngəʼ zìtə̀ a tì nòyn viʼi vi, vəwenə ghaʼ Bol,

Lumans 16:5

Ghə̀ŋ toŋtə ənòyn ə viʼi və byɨməvə vi a və tsèntə a vəwenə ngə̀ŋ. Ghə̀ŋ toŋtə Èbènetùs, ə wùndoŋ ghom ə jùŋ yì. Ghə̀ ə ndiʼ mbì wìʼ ə byɨmə a Yesò alòʼ ə Esìyà.

1 Kolìntyàns 16:19

Ntsèntə̀ sə viʼi Nyìngòŋ shisə a sə diʼi ashen a Esìyà gàʼ la mà toŋtə ghə̀ŋ. Akwilà wenə Bìsilà nə̀ ntsèntə̀ viʼi və byɨməvə vi a ghə̀ŋ ghaʼa a vəwenə a ngə̀ŋ gàʼ la mà toŋtə ghə̀ŋ no akayn a əzhiʼ ə Bobo.

Swiv nou:

Lyen patwone

Piblisite

Piblisite