Shwèʼ 16:5 - The New Testament in the Babanki language

⁵ Byìʼì alə̀, byɨmə yi a viʼi nkiʼi no a ntsèntə̀ viʼi vəbyɨməvə a ntə̀ʼ ko sə kwi dyʉ̀ tò nə̀ mbì. Viʼi be byɨmə no vəghoʼo tsèntə nòyn ayi tò mətsi tsèm.

Shwèʼ 16:5 Referans Kwoze

Shwèʼ 9:31

No viʼi vəbyɨməvə vətsèm a Judiyà nə̀ Galìlì bènə̀ a Samalìyà nko be fàynə. Nòyn viʼi vəbyɨməvə mù sə ghoʼo vì tò vì, byɨmə vəwenə be to kuʼu tò kuʼu, Kəzhwì kə ŋwòʼəkə gyàmtə̀ vəwenə, vəwenə ntsi ando Bobo nkəŋə.

Shwèʼ 2:47

be ghoʼsə̀ Nyìngòŋ. Viʼi vətsèm sə̀ ki vəwenə, vəwenə kuʼmə tò byìʼì ntsìnə̀ jùŋ yì a vəwenə ntsi. Bobo sə̀ kwʉ̀ʼsə̀ viʼi vi a ghə̀ mbwòŋsə̀ li à vəwenə a nòyn tò mətsì ntsèm.

Shwèʼ 6:7

Kənyʉ̀ kə Nyìngòŋ kə mù sə sàykə̀ dyʉ̀ tò nə̀ mbì, viʼi və byɨməvə a Jelusalèm bè sə̀ ghoʼo dyʉ̀ tò nə̀ mbì. Vəpfèm və ngə̀ŋ Nyìngòŋ no vəghoʼo zhʉ ziʼi aghenə bè byɨmə.

1 Bità 5:10

Ghə̀ŋ a nyenə ngəʼ to fəshyinə fə zhʉ̀ alə̀, ə Nyìngòŋ ə tisə ghə̀ŋ, ə ku kədyòʼ a ghə̀ŋ, a kə nè la ghə̀ŋ ə to no nànto. Ghə̀ diʼ Nyìngòŋ, kusə shinsə no nànto. A ndzàŋ wen ə dzàŋ ghə̀ŋ la ghə̀ŋ vi kwen a wen a tyi əbayn ə ghoʼoghə chò fa Yesò, a diʼ əbayn, ko andiʼ la ghə̀ lu mè.

Shwèʼ 15:41

Wenə Silàs jèʼ ə chò fa loʼ Sylia nə̀ Silisiyà, jèʼè nè la viʼi vəbyɨməvə tsu nto dyʉ̀ tò nə̀ mbì à vəwenə a byɨmə.

Kòlòsyàns 2:6

Ando ghə̀ŋ sə diʼ mù ghə̀ŋ ə byɨmə li Yesò Klistò la à diʼ Bobo ghə̀ŋ, ghə̀ŋ ntsi li to nə̀ viʼi vyi a və diʼi wenə wen a kənyʉ̀ kə mùʼ.

1 Kolìntyàns 15:58

Ma sə gàʼà a ghə̀ŋ a vəlemə vwomə və juŋəvə la, ghə̀ŋ shɨtə ghaʼ əbyɨmə ə ghəŋə, kə ghə̀ a nə̀ʼkə̀. Ghə̀ŋ ə nghablə, shyèʼ a Bobo to məzhʉ̀ ə tsèm byìʼì ando ghə̀ŋ kɨli la shwèʼè ghəŋə a wen zizi ko ghə̀ lu ə lè to kədyàŋ.

Lumans 16:25

Əkuʼsə ə dyʉ̀ a Nyìngòŋ. Ghə̀ kiʼi kədyòʼ ə ne la ghə̀ŋ ə tò a ghə̀ŋ əbyɨmə to ndə̀ŋndəŋ ando ntɨm ə jùŋ yì a ma shə̀ʼtə̀ kumə Yesò Klistò ə ngàʼa. Ghə̀ nè li vəghəŋ kiʼi ntɨm ə jùŋ na ghèn, mu ghə̀ ə nlyomtə li fa viʼi vətsenvə no fa kəgaf,

Shwèʼ 12:24

Kənyʉ̀ kə Nyìngòŋ kə sə sàykə dyʉ̀ tò nə̀ mbì.

Hibùlù 13:9

Kə ghə̀ŋ a moʼtə və lobtə ghə̀ŋ no tèbe nə nki əziʼi ə kò. Kə bòŋ la a ne ətyɨm ə jùŋə Nyìngòŋ ə nè tətyɨm ə təŋtə tə totə, kə a ndiʼ byìʼì təsoʼ tyitə a ghə̀ŋ ghʉ̀ kumə nyʉ̀ ə fozhɨvə. Təsoʼ na tentə ko gyàmtə̀ tebè viʼi vi və ghʉ̀ təwen tə no fa mphen.

2 Tèsàlonyà 2:16

Bobo vəghəŋ Yesò Klistò no fa wen a ngeŋ wenə Tiʼi vəghəŋ ə Nyìngòŋ yi a ghə̀ kòŋ vəghəŋ ə nè li la vəghəŋ ə̀ kiʼ ətyɨm ə zhʉ̀təghə to məzhʉ̀ ə tsèm be kɨ nəmwèʼè la və lu kiʼi əfo vyi a ghə̀ ghʉ̀ byìʼì ətyɨm ə jùŋ ghə̀ ə wen.

1 Tèsàlonyà 3:13

Ghə̀ŋ sətsen ə nə̀ nè alə̀, ghə̀ a nè tətyɨm təŋtə totə ndiʼ ko ghə̀ŋ nə̀ kiʼi mbyɨ, ko wìʼ lu kiʼ kənyʉ̀ ə gàʼ kumə ghə̀ŋ ashɨ Nyìngòŋ, ə Ti vəghəŋ, azhʉ̀ a Bobo vəghəŋ Yesò bwenə li vi wenə viʼi wen.

1 Tèsàlonyà 3:2

ə tɨm lèmə̀ yes Timotì yi a ghə̀ shwèʼè a Nyìngòŋ yo wen, shə̀ʼtə̀ ntɨm ə jùŋ kumə Yesò. Yes ə tɨm Timotì la ghə̀ vi ə nè ghə̀ŋ kiʼ ətɨm ə to ghə̀, tuʼ choʼsə Yesò,

Gàlesìyà 5:1

Klistò shisə li vəghəŋ fa əshyèʼ kəkòs, ndi vəghəŋ ə ndiʼ fa vəghəŋ a ngəŋ. Ghə̀ŋ nshɨtə lì ghaʼ təwen ə təŋtə, kə wìʼ be na bwensə ne ghə̀ŋ, ghə̀ŋ əshyèʼè kəkòs a soʼ.

Shwèʼ 11:21

Nyìngòŋ sə gyàmtə̀ ku àdyoʼ a vəwenə. Viʼi byɨmə no vəghoʼo ə̀ kù tətyɨm tə vəwenə à Bobo.

Shwèʼ 5:14

Lʉmə nə̀ ki a və mbyɨmə̀ à Bobo sə̀ kwʉ̀ʼsə̀ ghoʼo vì tò vi a nòyn ayì.

Shwèʼ 4:4

Nghoʼo viʼi a və nzhʉ ziʼi Bità wenə̀ Joyn byɨmə ə nè nòyn viʼi a və byɨmə kuʼu chò nkamsə tayn.