Shwèʼ 16:4 - The New Testament in the Babanki language

⁴ Vəwenə mù lù sə jèʼè shə̀ʼtə dyʉ̀ no a ntə̀ʼ ko a vəwenə ndyʉ̀ tsu, təsoʼ tì a viʼi vəbyɨməvə bènə̀ vəchəʼ a Jelusalèm ŋwʉʼʉ li ə̀ ghʉ la viʼi vəbyɨməvə nghʉ. Vəwenə gàʼ à viʼi ntə̀ʼsə ashì la vəwenə ə mwòmsə̀ əghʉ təsoʼ atì.

Shwèʼ 16:4 Referans Kwoze

Shwèʼ 15:2

Bol wenə̀ Balnabas kiʼi ntaŋ fànsə wenə̀ viʼi a vyi byìʼì ziʼi aghenə. Və mù tsuʼ Bol wenə̀ Balnabas bènə̀ viʼi vəbyɨməvə vətsenvə fa Antìyòk la vəwenə kuʼ ə̀ dyʉ̀ a Jelusalèm ə̀ yèn viʼi ntɨm Yesò nə̀ vəchəʼ wenə̀ vəwenə bèsə̀ kənyʉ̀ akènkə.

Shwèʼ 15:6

Viʼi ntɨm Yesò bènə̀ vəchəʼ vi ghaʼ ntsèntə̀ ə lye kənyʉ̀ akènkə.

Shwèʼ 11:30

Vəwenə tsèntə̀ fo a vyi ə̀ tɨ̀m Balnabas wenə̀ Saul la vəwenə lyɨ̀ ə̀ dyʉ̀ nə̀ wenəvə à vəchəʼ və ngə̀ŋ Nyìngòŋ.

Shwèʼ 15:4

Vəwenə nè dyʉ̀ zaʼa a Jelusalèm, nòyn viʼi vəbyɨməvə, nə̀ viʼi ntɨm Yesò bènə̀ vəchəʼ shisə vəwenə. Vəwenə shə̀ʼtə̀ à viʼi avenə ando Nyìngòŋ tə ngyàmtə̀ vəwenə, vəwenə nè no tè ghò a vəwenə tə nkəŋə ənè.