Shwèʼ 16:2 - The New Testament in the Babanki language

² Viʼi vəbyɨməvə a və ndìʼ a Lista bènə̀ a Ikonùm nkɨ la Timotì kìʼ ntsìnə̀ jùŋə.

Shwèʼ 16:2 Referans Kwoze

2 Timotì 3:15

Wù kwòʼtə̀ to ando və nlu sə ziʼì wù nə̀ ənyʉ̀ mu və fʉ̀ fa Ŋwàʼlə̀ Nyìngòŋ tò no fa ətʉ̀ʼ a wù mbo bu wàyn. Ənyʉ̀ a venə ə diʼ ə ku ətof à wù ndi wù byɨmə à Yesò Klistò a ghə̀ bwòŋsə̀ wù.

1 Timotì 5:10

viʼi kɨ la ghə̀ kiʼi ntsìnə̀ ə jùŋ, mu ghə̀ tùʼmə̀ li kwisə vunə wen, bè shisə viʼi ə ghayn no a nkàyn. A diʼ ə ndiʼ wìʼ mu ghə̀ tə ə ngyàmtə̀ viʼi və byɨməvə bè gyàmtə̀ viʼi vyi a və kiʼi ngəʼsə. A diʼ ə ndiʼ wìʼ mu ghə̀ be ə ku wen ə wen ə sə nè təshyèʼ tə jùŋtə tò a tənkì a tənkì.

Hibùlù 11:2

Viʼi tʉʼ ə mughə əbyɨmə Nyìngòŋ to a ji a ghèn, Nyìngòŋ bwomsə və wenə.

2 Timotì 3:11

Wù yen li ando və tə ntsuʼ kəghʉ ə kom mbè yenə ngəʼ shisə a və tə ku à mò a ntə̀ʼ Antìyòk. Wù kɨ ə nyʉ̀ vyi a və tə chò nə̀ mò a ntə̀ʼ Ikonùm nə̀ Lista, ma kwiʼi tò ətyɨm ə byèʼè ngəʼsə ashi, Bobo shìsə mò fa a ngəʼsə na shìsə no sətsèm.

1 Timotì 3:7

A diʼ ə ndi wìʼ, a no viʼi vətsenvə ə bwomsə ə wen, ndi kə ghə̀ ne diʼisə kətʉ ə fəŋ a kətam ə Deblə̀.

Shwèʼ 16:40

Bol wenə̀ Silàs nè fʉ̀ fà mfɨŋ ayì, ə̀ dyʉ̀ a ngə̀ŋ Lydiyà ə yèn viʼi vəbyɨməvə tsu, ə̀ shɨ̀tə̀ gàʼ à vəwenə ndi tomsə vəwenə ə byɨmə vəwenə nto dyʉ̀ tò nə̀ mbì mù lù ə̀ fʉ̀ fa ntə̀ʼ ayì.

Shwèʼ 14:21

Bol wenə̀ Balnabas shə̀ʼtə̀ ntɨm jùŋ a Delbə̀, viʼi byɨmə sə diʼ ndzɨ̀mtə̀sə bàm Yesò no vəghoʼo. Vəwenə lù ə̀ bwènə̀ dyʉ̀ a Lista ə̀ chò dyʉ̀ a Ikonùm. Fa Ikonùm vəwenə dyʉ̀ zaʼa a Antìyòk a loʼ Bisidiyà,

Shwèʼ 13:51

Viʼi ntɨm Yesò a vyi ghòmtə̀ kəbyìʼ kə ntə̀ʼ akì fà vəwenə aghʉ ədìʼ la kə faŋ à vəwenə, ə̀ lù dyʉ̀ a ntə̀ʼ Ikonùm.

Shwèʼ 6:3

Yès ə̀ mu sə gàʼà à ghə̀ŋ a vəlèmə̀ vyesə la, ghə̀ŋ tsuʼ viʼi sòmbo fà ghə̀ŋ a ntìntìn a və kiʼ ntsìnə̀ tofə, kəzhwì kə ŋwoʼəkə be tomsə̀ vəwenə ndi yès ku shwèʼ aghenə à vəwenə.

1 Timotì 5:25

Kə lə dìʼ to ndə̀ŋndəŋ la ando viʼi ə ne njùŋ ghə̀ zaŋsə diʼi a ndayn mu ghə̀ faŋ ke diʼi no te a zhʉ a yi, kə sə to ə və lyomtə njùŋ a yi.

Shwèʼ 1:15

Mətsi chò tò nshə̀ʼ alə̀, viʼi və byɨməvə ə zaʼa ghɨ nə̀ məwum mbò be sə ŋwʉʼ tò kəshi kə mùʼ, Bità lù tɨmə əgàʼ à vəwenə ə̀ gàʼ la,

Shwèʼ 14:1

Bol wenə̀ Balnabas dyʉ̀ a Ikonùm dyʉ̀ kwèn a ngə̀ŋ ntsèntə̀ viʼi Jus tò ando vəwenə ə̀ nè no fe a vəwenə ndyʉ̀, ə̀ ziʼi tsu no a ji kaynə, viʼi Jus nə̀ viʼi tɨm no vəghoʼo byɨmə à Bobo.

Shwèʼ 14:6

Bol wenə̀ Balnabas nè zhʉ̀ kənyʉ̀ akì ə nyɨŋ ə dyʉ̀ a Lista nə̀ Delbə̀, a andìʼ ə ntə̀ʼsə a Likoniya, bènə̀ bene nyɨŋ ədyʉ̀ a məntə̀ʼtə a mə mboʼsə̀ a loʼ a ghèn

Filìbàyns 2:22

No nkàntə̀ ghə̀ŋ ə kɨ əshwèʼ Timotì. Ghə̀ shyèʼè li yo wen ənè la viʼi byɨmə ntɨm ə jùŋ to ndə̀ŋndəŋ ji a wàyn nə̀ shyèʼè à tìʼ wen.