Shwèʼ 16:12 - The New Testament in the Babanki language

¹² nè lù fà tsu ə dyʉ̀ a Filibày, a ndiʼì no ntə̀ʼ to a ghə̀ ndiʼì a Macedonia. Nghoʼo viʼi a və ntsi tsu ndìʼ viʼi Lum. Yès tsìtə tsu no mətsi nshəʼ alə̀,

Shwèʼ 16:12 Referans Kwoze

1 Tèsàlonyà 2:2

Ghə̀ŋ kɨ li la a ndiʼ mibu yès vi a Tèsàlonikà mu yès ə yen li ngəʼ no nànto, və be telə yès no nànto a ntə̀ʼ Filìbay. Nyìngòŋ ə vəghəŋ nè la yès shə̀ʼtə̀ ntɨm ə jùŋ a ghə̀ŋ mu ghə̀ lù fa Nyìngòŋ no nə̀ ətyɨm ə to ghə̀, no tèbe ando viʼi ə ko ə kòŋ ə zhʉtə.

Filìbàyns 1:1

A nyòʼò mò Bol yo Timotì nyoʼo ŋwàʼlə̀ ghèn, yes diʼ viʼi əshwèʼ ə Yesò Klistò. Yes nyòʼò a ghə̀ŋ vyi a ghə̀ŋ kù li təwenə tyəŋtə a Nyìngòŋ a Filìbay no və tsèm ə sədiʼ ghə̀ŋ və Yesò Klistò. Yes ə nyoʼo tamə a ghə̀ŋ ə tʉtʉ ngə̀ŋ Nyìngòŋ nə̀ viʼi və shyèʼ və.

Shwèʼ 20:6

Yès dyʉ̀ zaʼa a Fìlìbày. Mətsi mì a və nzhɨ kəbayn kènə̀ fəshɨ̀ŋ fə tsu ne chò, yès kwen a nkànuʼ ə̀ lyɨ̀ mətsì ntàyn əjèʼ kwetə vəwenə a Tuwas, yo vəwenə tsi tsu ə woŋ mpfen.

Shwèʼ 16:21

Vəwenə ziʼi la vəghəŋ ə nè nyʉ̀ a soʼ vəghəŋ a nə̀ viʼi Lum ko byɨmə la vəghəŋ nè.”

Shwèʼ 16:9

A sə ndiʼ nəntʉʼʉ, kənyʉ̀ kə fʉ̀ vì a kə̀ʼ Bol a nə̀ jòm, ghə̀ yen wìʼ mu ghə̀ lù fa Macedonia, ghə̀ ti a wen a shɨ sensə̀ wen gàʼà la, “Dyaŋ ə̀ vì a Macedonia ə̀ gyàmtə̀ yès.”

Shwèʼ 16:10

Fa yì a bàm, yo vəwenə baʼtə̀ tò a zhʉ a yì əlu dyʉ̀ a loʼ Macedonia byìʼàndo yès nyen li la Nyìngòŋ ə kəŋə la yès dyʉ̀ shə̀ʼtə̀ ntɨm jùŋ à loʼ ayì.

Shwèʼ 18:5

Silàs wenə̀ Timotì nè lù fà Macedonia ə̀ vì a Kolìn. Bol ghʉsə no nyʉ̀ tsèm a ghə̀ ə̀ nè ə sə shə̀ʼtə tò ntɨm jùŋ à Vəjew be dìʼì laynsə̀ à vəwenə la Yesò dìʼ wìʼ yì a Nyìngòŋ tsuʼ li nghʉ.

Shwèʼ 19:21

A bàmə nyʉ̀ avenə, Kəzhwì kə ŋwòʼəkə nè, Bol ghʉ la ghə̀ a chò fa shyə loʼ Macedonia bènə̀ fa Akayà ə dyʉ̀ zaʼa a Jelusalèm. Ghə̀ bè ghʉ̀ la ghə̀ a tsìtə tsu ə mu chò dyʉ̀ a Lum.

Shwèʼ 19:29

Zɨmə aghenə sàykə̀ dyʉ̀ a ti ntə̀ʼ no tsèm, nòyn ayì shen ə̀ dyʉ̀ ghàʼ viʼi jèʼ Bol vətsenvə, andiʼ viʼi Macedonia ə̀ kwen ə̀ dyʉ̀ nə̀ vəwenə a kəshi kə ntsèntə̀ ntə̀ʼ. Təzhiʼ tə viʼi a vyi ndìʼ Gayòs wenə̀ Alistakùs.

Shwèʼ 20:1

Andìʼ ando ngəʼ yì me li, Bol dzàŋtə̀ viʼi vəbyɨməvə vi ə̀ gàʼ əgàʼ à vəwenə ətomsə nè la byɨmə vəwenə nto mù gàʼ à vəwenə la vəwenə faŋ tò a nkàyn. Ghə̀ gàʼ a lì lù dyʉ̀ a Macedonia.

Shwèʼ 20:3

ə tsi tsu vəsàŋ vətaʼ. A sə ndiʼ ando ghə̀ mbaʼtə̀ ədyʉ̀ a Sylia, ghə̀ zhʉ la Vəjew mbaʼtə əzhwi wen, ghə̀ mù ghʉ̀ la ghə̀ a bwènə̀ dyʉ̀ chò ji fa Macedonia.

Shwèʼ 27:2

Yès lù ə̀ dyʉ̀ kwèn a kəbaŋ kə a mù a kə nlu fa ntə̀ʼ Adlamitùm sə shiʼì dyʉ̀ fa shyə a baŋ a mù ndyʉ̀ tɨmə̀ tsu a loʼ Asìyà. Alistakùs, wù loʼ Macedonia tsen a ghə̀ nlu fa ntə̀ʼ Tèsàlonikà ndìʼ yo vəwenə a muʼu.

Lumans 15:26

byìʼì ando viʼi və byɨməvə a Màsìdonìyà nə̀ viʼi a Akayà tə nsaŋlə ə mòʼ əko la və gyàmtə̀ viʼi Nyìngòŋ vyi a və femə a Jelusalèm.

Filìbàyns 1:5

Ma kù kəzòŋ alə̀ byìʼì ando ghə̀ŋ gyàmtə̀ li mò ə shə̀ʼtə̀ ntɨm ə jùŋ ghèn ə zìtə̀ fa kətsi yi a ghə̀ŋ zhʉ ntɨm na ghèn ə zàʼa fa layn.