Bib sou entènèt

Shwèʼ 15:8 - The New Testament in the Babanki language

⁸ Nyìngòŋ a ghə̀ kɨ nyʉ̀ tsèm a və diʼì a tyɨm ə̀ no ndò diʼì li a ndayn la viʼi tɨm zì və byɨmə a Bobo a ji la, ghə̀ ne li Kəzhwì kə ŋwòʼəkə mvi à vəwenə ndə̀ŋndəŋ ando kə mvi à vəghəŋ.

Gade chapit la Kopi

« Previous

tounen moute ⬆

Shwèʼ 1:24

Vəwenə nè a lì mù jɨ̀m gàʼà la, “Bobo, wù kɨ tətyɨm tə viʼi no vətsèm. Diʼi wìʼ yì a wù tsuʼu fa ntìntìn viʼi venə vəbò,

Gade chapit la

Shwèʼ 10:47

“Viʼi venə diʼ mu Kəzhwì kə ŋwòʼəkə vì li à vəwenə ando kə mvi à yès. A lè zì à be tàʼsə̀ ghò la kə vəwenə shi mu a?”

Gade chapit la

Mà ne zhwilə viʼi vì a və dzɨ̀mtə̀ ntsìnə̀ wen ə ntsèntə̀sə viʼi və byɨməvə no sətsèm ə kɨ la mà dìʼ wìʼ yì a ghə̀ kɨ təkwòʼtə̀ tə viʼi bènə̀ ənyʉ̀ a vəwenə kòŋə̀ ənè. Mà ne lòʼ no ndò fà ghə̀ŋ ə ntìntìn to a jì a ghə̀ tə nshyèʼè fa tʉ.

Gade chapit la

Hibùlù 4:13

Nò tèbe ghò a Nyìngòŋ ə nshɨtə ə diʼ to a ndayn a wen. Kəfo kə tsenkə ko diʼ a kə ə lyomtə fa wen, vəghəŋ diʼ lù tɨmə a wen ashɨ ə taŋ əchʉ̀ ə vəghəŋ kumə no tèbe ghò a vəghəŋ tə ne.

Gade chapit la

Shwèʼ 14:3

Byìʼì alə̀, Bol wenə̀ Balnabas tsi tsu no alə̀, gàʼà nyʉ̀ byìʼì Bobo kè nə̀ faynə. Bobo dìʼ la ntɨm yì a vəwenə nziʼi byìʼì boŋə tyɨm Nyìngòŋ ndìʼ nəmwèʼè, ə̀ kù kədyòʼ la vəwenə ndìʼì chwitə be nè nyʉ̀ kanəvə.

Gade chapit la

Shwèʼ 2:4

Kəzhwì kə Ŋwoʼəkə kwen à vəwenə a tətyɨm ə̀ nè no mə ndò a ghə̀ ndiʼì tsu zìtə̀ sə̀ gàʼà gaʼa Loʼo kədyàŋ ando kəzhwì akì ntensə wen la ghə̀ gàʼ.

Gade chapit la

Hibùlù 2:4

Nyìngòŋ ə nè li tamə nchwisə nyʉ̀ ə kaynəvə, to a tənkì a tənkì, ə be ku kəku a viʼi ando ghə̀ kòŋ chò fa kəzhwì kə Ŋwoʼkə ə diʼ la ntɨm a ghèn ne diʼ to no nəmwèʼè.

Gade chapit la

Shwèʼ 4:31

Andìʼ ando vəwenə njɨmə̀ mwètə̀, kəshi kì a vəwenə ndiʼì tsu lì nə̀ʼ! kəzhwì kə ŋwoʼəkə ku kədyòʼ à vəwenə no vətsèm vəwenə zìtə̀ sə̀ shə̀ʼtə̀ ntɨm yì a Nyìngòŋ nkəŋə la vəwenə nshə̀ʼtə̀ nə̀ tətyɨm tə to tə.

Gade chapit la

Joyn 21:17

Yesò ə be toŋtə wen, à aghayn a tàʼ, ə gàʼ la, “Saymun, Wàyn Joyn, wù kòŋ mò?” Kənyʉ̀ a kì kə sə ku ngəʼ a Bità ando Yesò be kùmtə bèm li, à sə diʼ aghayn a tàʼ la, “Wù kòŋ mò?” Ghə̀ mu gàʼ a Yesò la, “Wù kɨli no tèbe ghò a Bobo. Wù kɨli la ma kòŋ wù.” Yesò ə gàʼ a wen la, “Wù a zhisə byisə vənjɨ̀ shomsə.

Gade chapit la