Biblia Todo Logo
Bib sou entènèt

- Piblisite -




Shwèʼ 15:4 - The New Testament in the Babanki language

4 Vəwenə nè dyʉ̀ zaʼa a Jelusalèm, nòyn viʼi vəbyɨməvə, nə̀ viʼi ntɨm Yesò bènə̀ vəchəʼ shisə vəwenə. Vəwenə shə̀ʼtə̀ à viʼi avenə ando Nyìngòŋ tə ngyàmtə̀ vəwenə, vəwenə nè no tè ghò a vəwenə tə nkəŋə ənè.

Gade chapit la Kopi




Shwèʼ 15:4
20 Referans Kwoze  

Bità gàʼ a lì viʼi vətsèm chiʼ tò la kùʼ. Bol wenə̀ Balnabas shə̀ʼtə̀ chwitə bènə̀ nyʉ̀ kanəvə a Nyìngòŋ tə gyàmtə̀ nè, vəwenə dìʼ à viʼi tɨm.


Vəwenə nè vì zaʼa a Antìyòk, ə̀ tsèntə̀ nòyn viʼi vəbyɨməvə no tsèm ə̀ shə̀ʼtə̀ nyʉ̀ vyi a Nyìngòŋ ə̀ gyàmtə̀, vəwenə ə̀ nè no tsèm, bè shə̀ʼtə̀ tò ando ghə̀ ku ji la viʼi tɨm byɨmə à Yesò.


Viʼi vəbyɨməvə baʼtə̀ jèʼ aghenə ə dyʉ̀ tènsə vəwenə a ji. Vəwenə dyʉ̀ chò fa loʼ Fònisiya nə̀ Samalìyà shə̀ʼtə à viʼi vəbyɨməvə vətsenvə tsu ando viʼi tɨm vətsenvə kwitə li ntsìnə̀ vəwenə ə̀ byɨmə Yesò. Soʼgho aghèn nè, viʼi vəbyɨməvə no vətsèm sə saŋlə̀ no nànto.


Mà zizi ko ma lu mwomsə ə gàʼ kənyʉ̀ a bwen to kikə a Yesò ə nè chò fa a mo. Ghə̀ nè li ma lyɨ ə dyʉ̀ nə̀ viʼi ətɨm ashɨ Nyìngòŋ, vəwenə sə zhʉ to fa wen, a diʼ byìʼì ə nyʉ̀ vyi a mà gàʼa nə̀ vi a mà nè.


Yès dyʉ̀ zaʼa a Jelusalèm, viʼi vəbyɨməvə shisə yes tsu nə̀ saŋlə ghə̀.


A sətsèn wìʼ vi à ghə̀ŋ ke ə mvì nə̀ əziʼi aghenə kə ghə̀ŋ à shìsə wen ko toŋtə tè wen.


Alìstakùs a yo wen diʼ a ngə̀ŋ nfɨŋ gàʼ la mà toŋtə ghə̀ŋ, Mak ə lèmə̀ Bànabàs gàʼ tamə ali. Ghə̀ŋ sə diʼ mù və gaʼa li a ghə̀ŋ kumə Mak. Ghə̀ vi, ghə̀ŋ shisə wen akayn.


A nə̀ viʼi a və shwèʼè wenə və Nyìngòŋ amuʼ, yès ə sensə ghə̀ŋ la ando Nyìngòŋ ə diʼ li ə boŋ tyɨm ə wen a ghə̀ŋ lə, kə ghə̀ŋ a nè ə boŋ tyɨm ə wen a ghenə lè to kədyàŋ.


Kənyʉ̀ ki a yès gàʼa diʼ la Nyìngòŋ ə mbaʼtə ntsìnə̀sə viʼi mbyi wenə vəwenə byìʼì kənyʉ̀ ki a Yesò ə nè. Ghə̀ lyesə li nku mbyɨsə viʼi ə be ku ntɨm a ghèn a yès viʼi ntɨm la yès ə nshə̀ʼtə̀ la ghə̀ kəŋ la viʼi vətsèm baʼtə̀ ntsìnə̀sə vəwenə, wenə və Nyìngòŋ.


Alì byìʼì ətyɨm ə jùŋə Nyìngòŋ, ma sə diʼ kəfo kì a ma diʼi kəwenkə luwen. Ətyɨm ə jùŋə na ghenə ko lè kədyàŋ. Ma boŋsə li shwèʼ no nə̀ kədyoʼkə, shwèʼ chò no ndò a ntìntìn ə̀ viʼi ntɨm no tèbe ando à ko tə nlaynsə shwèʼè mò, à tə nshwèʼè ətyɨm ə jùŋə Nyìngòŋ na yi a mò a wèn.


Ghə̀ŋ ə̀ shisə vəlemə to ndə̀ŋndəŋ ando Yesò ə shisə li ghə̀ŋ, ndiʼ kùʼsə diʼ a Nyìngòŋ.


Bol toŋtə vəwenə ə̀ shə̀ʼtə̀ no nyʉ̀ tsèm a Nyìngòŋ ə ne à viʼi tɨm əchò fà wen a shwèʼ.


A sə ndiʼ ando Abolòs ngàʼà la ghə̀ a kòŋ ətɨmə dyʉ̀ a Akayà, viʼi vəbyɨməvə a Efesùs gyàmtə̀ wen ə̀ nyòʼ ŋwàʼlə̀ à viʼi vəbyɨməvə a Akayà gàʼà la vəwenə shisə wen no a nkàyn. Ghə̀ tɨmə̀ ə̀ dyʉ̀ tsu ə̀ sə ku gyàmtə̀ ghoʼghə à viʼi vyi a və sə ndiʼ mu və byɨmə li byìʼì bòŋə̀ tyɨm ə Nyìngòŋ.


“A tùʼmə̀ no ndo nə̀ ghə̀ŋ mu ghə̀ tùʼmə̀ nə̀ mo, à tuʼmə no ndo nə̀ mo, mu ghə̀ tùʼmə̀ nə̀ wìʼ yì a ghə̀ tɨmə mò.


Vəwenə tsèntə̀ fo a vyi ə̀ tɨ̀m Balnabas wenə̀ Saul la vəwenə lyɨ̀ ə̀ dyʉ̀ nə̀ wenəvə à vəchəʼ və ngə̀ŋ Nyìngòŋ.


Bol wenə̀ Balnabas kiʼi ntaŋ fànsə wenə̀ viʼi a vyi byìʼì ziʼi aghenə. Və mù tsuʼ Bol wenə̀ Balnabas bènə̀ viʼi vəbyɨməvə vətsenvə fa Antìyòk la vəwenə kuʼ ə̀ dyʉ̀ a Jelusalèm ə̀ yèn viʼi ntɨm Yesò nə̀ vəchəʼ wenə̀ vəwenə bèsə̀ kənyʉ̀ akènkə.


Viʼi ntɨm Yesò bènə̀ vəchəʼ vi ghaʼ ntsèntə̀ ə lye kənyʉ̀ akènkə.


Viʼi ntɨm Yesò nə̀ vəchəʼ bènə̀ nòyn viʼi vəbyɨməvə vi no tsèm mù ghʉ̀ la vəwenə a tsuʼ viʼi vətsenvə fà vəwenə a ntìntìn ə tɨm wenə̀ və Bol nə̀ Balnabas a Antìyòk. Vəwenə ntsùʼ Silàs wenə̀ Judàs a zhiʼ wen tsenghə ndìʼ Balabas. Vəwenə ndìʼ viʼi, a viʼi vətsèm ngumlə̀ vəwenə.


Vəwenə mù lù sə jèʼè shə̀ʼtə dyʉ̀ no a ntə̀ʼ ko a vəwenə ndyʉ̀ tsu, təsoʼ tì a viʼi vəbyɨməvə bènə̀ vəchəʼ a Jelusalèm ŋwʉʼʉ li ə̀ ghʉ la viʼi vəbyɨməvə nghʉ. Vəwenə gàʼ à viʼi ntə̀ʼsə ashì la vəwenə ə mwòmsə̀ əghʉ təsoʼ atì.


Swiv nou:

Piblisite


Piblisite