Shwèʼ 15:3 - The New Testament in the Babanki language

³ Viʼi vəbyɨməvə baʼtə̀ jèʼ aghenə ə dyʉ̀ tènsə vəwenə a ji. Vəwenə dyʉ̀ chò fa loʼ Fònisiya nə̀ Samalìyà shə̀ʼtə à viʼi vəbyɨməvə vətsenvə tsu ando viʼi tɨm vətsenvə kwitə li ntsìnə̀ vəwenə ə̀ byɨmə Yesò. Soʼgho aghèn nè, viʼi vəbyɨməvə no vətsèm sə saŋlə̀ no nànto.

Shwèʼ 15:3 Referans Kwoze

Shwèʼ 14:27

Vəwenə nè vì zaʼa a Antìyòk, ə̀ tsèntə̀ nòyn viʼi vəbyɨməvə no tsèm ə̀ shə̀ʼtə̀ nyʉ̀ vyi a Nyìngòŋ ə̀ gyàmtə̀, vəwenə ə̀ nè no tsèm, bè shə̀ʼtə̀ tò ando ghə̀ ku ji la viʼi tɨm byɨmə à Yesò.

Shwèʼ 21:5

Andìʼ ando yès ntsìtə li kwʉ̀ʼ, mù sə kəŋə əlù, vəwenə fʉ̀kə̀ no vətsèm wenə̀ ki vəwenə nə̀ vunə ə̀ vì ətensə yes a chʉ̀ a mù, yo vəwenə gwʉ̀ʼtə alwi yo vəwenə tsu ə̀ jɨ̀m.

Taytùs 3:13

Zenàs ə wù soʼò nsoʼsə wenə̀ Abolòs nè sə nlù, wu gyàmtə̀ ku no tè gho ayì a vəwenə kəŋ əlù nə̀ kəwenkə ndi vəwenə zaŋsə.

1 Kolìntyàns 16:11

Kə wìʼ fa ghə̀ŋ a chasə ə wen. Ghə̀ŋ gyàmtə̀ wen, ghə̀ jeʼ to nə̀ mbwaʼmə ə bwenə vi byìʼì ando yo vəlemə vətsenvə ə kəʼtə wen.

1 Kolìntyàns 16:6

Ma ne vi ə tsitə vəghəŋ zhʉ tseghə ə zàʼa ando lɨm na bayn, mà ne sə nlù ə dyʉ̀ no tèbe fè, ə ghə̀ŋ gyamtə ku fo vyi a mà lù nə̀ wenəvə.

Lumans 15:24

ma kɨli la ma na sə dyʉ̀ a Sɨ̀ben ə chò yèn ghə̀ŋ ndiʼ vəghəŋ yen mə a fəshinə fə zhʉ̀ alə, ghə̀ŋ be gyàmtə̀ mò, a mo jèʼ.

Shwèʼ 15:12

Bità gàʼ a lì viʼi vətsèm chiʼ tò la kùʼ. Bol wenə̀ Balnabas shə̀ʼtə̀ chwitə bènə̀ nyʉ̀ kanəvə a Nyìngòŋ tə gyàmtə̀ nè, vəwenə dìʼ à viʼi tɨm.

Shwèʼ 28:15

A ndìʼ a lì mu viʼi vəbyɨməvə a Lum zhʉ li la yes ə vì, vəwenə lù ə̀ vì yèn yes a kəshi kə woŋ a Abyùs, vətsenvə vì yèn yes a kəshi yì a viʼi jèʼ mvì tsi tsu və ndzàŋə̀ nə̀ “nə̀ Ngə̀ŋ sə To”. Bol nè yèn vəwenə no a zhʉ̀ kò ə̀ kù kəzòŋ à Nyìngòŋ, ə̀ zìtə̀ sə̀ kiʼ tyɨm toghə.

Shwèʼ 13:52

Ndzɨ̀mtə̀sə bàm Yesò shì a sə ndìʼì a Antìyòk faŋ a bàm sə saŋlə̀ no nànto, Kəzhwì kə ŋwòʼəkə be tisə vəwenə.

Shwèʼ 13:48

Viʼi tɨm nè zhʉ̀ kənyʉ̀ akì sə saŋlə no nànto be bwomsə̀ ntɨm jùŋ Bobo. Viʼi a Nyìngòŋ ntsuʼ li la vəwenə lù kiʼi bwòŋ a ghə̀ ko lu mè byɨmə à Bobo Yesò.

Shwèʼ 8:14

Andìʼ ando viʼi ntɨm Yesò nzhʉ fa Jelusalèm la viʼi Samalìyà byɨmə li ntɨmə Nyìngòŋ, vəwenə tɨm Bità wenə̀ Joyn à vəwenə.

Ŋwàʼlə̀ Luk 15:32

Kə yì boŋ la mà nè kəzhɨ kə ghoʼkə kèn byiʼàndo, kə tə̀ sə kə̀ʼə̀ la lèmə̀ wù ghèn tə pfʉ, alì ghə̀ sə diʼ a shə̀ luwen diʼ tò no to. Mà tə sə diʼ mu mà ghʉli la ghə̀ leli alì ghə̀ bwènə̀ vi. Wu lè gàʼ a vəghəŋ ko yi ndiʼ saŋlə a?’”

Shwèʼ 1:15

Mətsi chò tò nshə̀ʼ alə̀, viʼi və byɨməvə ə zaʼa ghɨ nə̀ məwum mbò be sə ŋwʉʼ tò kəshi kə mùʼ, Bità lù tɨmə əgàʼ à vəwenə ə̀ gàʼ la,

Shwèʼ 15:1

Viʼi vətsenvə lù fa loʼ Judiyà ə̀ shìʼi vì a Antìyòk ə zìtə̀ sə ziʼi viʼi vəbyɨməvə tsu gàʼà la, “Və fàŋ ke shɨ̀tə ndyə̀ wù ando soʼ Mosìs gàʼà kò Nyìngòŋ lù bwòŋsə̀ wù.”

Shwèʼ 15:4

Vəwenə nè dyʉ̀ zaʼa a Jelusalèm, nòyn viʼi vəbyɨməvə, nə̀ viʼi ntɨm Yesò bènə̀ vəchəʼ shisə vəwenə. Vəwenə shə̀ʼtə̀ à viʼi avenə ando Nyìngòŋ tə ngyàmtə̀ vəwenə, vəwenə nè no tè ghò a vəwenə tə nkəŋə ənè.

Shwèʼ 15:22

Viʼi ntɨm Yesò nə̀ vəchəʼ bènə̀ nòyn viʼi vəbyɨməvə vi no tsèm mù ghʉ̀ la vəwenə a tsuʼ viʼi vətsenvə fà vəwenə a ntìntìn ə tɨm wenə̀ və Bol nə̀ Balnabas a Antìyòk. Vəwenə ntsùʼ Silàs wenə̀ Judàs a zhiʼ wen tsenghə ndìʼ Balabas. Vəwenə ndìʼ viʼi, a viʼi vətsèm ngumlə̀ vəwenə.

Shwèʼ 15:32

Judàs wenə̀ Silàs, a ndiʼì nshə̀ʼtə̀sə səghoʼkəsə lyɨ̀ zhʉ no alə̀ əshə̀ʼtə̀ ntɨm ə̀ Nyìngòŋ a vəwenə ə be gàʼa nyʉ̀ à və tomsə̀ la vəwenə nto a vəwenə a byɨmə be kiʼ kədyòʼ.

Shwèʼ 17:15

Viʼi vi a wenə̀ və Bol nlu a muʼu tùʼmə̀ nə̀ wen ə̀ dyʉ̀ zaʼa a ntə̀ʼ Atèns ə mù ghʉ̀sə wen tsu bwènə̀ vì a Belì nə̀ ntɨm a Bol ntɨmə la Silàs wenə̀ Timotì zaŋsə vì kwetə wen.

Shwèʼ 20:38

Vəwenə ngàʼà tè a lì ko vəwenə lu nsaŋlə̀ byìʼì kənyʉ̀ kì a ghə̀ ngaʼà la vəwenə ko be lu yenə wen. Vəwenə lyɨ̀ wen ə̀ dyʉ̀ wè a nkànuʼ.