Shwèʼ 14:3 - The New Testament in the Babanki language

³ Byìʼì alə̀, Bol wenə̀ Balnabas tsi tsu no alə̀, gàʼà nyʉ̀ byìʼì Bobo kè nə̀ faynə. Bobo dìʼ la ntɨm yì a vəwenə nziʼi byìʼì boŋə tyɨm Nyìngòŋ ndìʼ nəmwèʼè, ə̀ kù kədyòʼ la vəwenə ndìʼì chwitə be nè nyʉ̀ kanəvə.

Shwèʼ 14:3 Referans Kwoze

Hibùlù 2:4

Nyìngòŋ ə nè li tamə nchwisə nyʉ̀ ə kaynəvə, to a tənkì a tənkì, ə be ku kəku a viʼi ando ghə̀ kòŋ chò fa kəzhwì kə Ŋwoʼkə ə diʼ la ntɨm a ghèn ne diʼ to no nəmwèʼè.

Shwèʼ 20:32

A nə̀ luwèn mà ku li ghə̀ŋ a kəvu Nyìngòŋ nə̀ Ntɨm jùŋ byìʼì boŋə tyɨmə wen, a ghə̀ kiʼì à viʼi a ntùʼmə̀ nə̀ ghə̀ŋ. Nyìngòŋ a ngyàmtə̀ ghə̀ŋ, bwaʼsə̀ ghə̀ŋ nə̀ fo jùŋvə vi a ghə̀ ghʉ̀ tò à viʼi wen no vətsèm.

Shwèʼ 20:24

A kòŋ à cho tè ghò nə̀ mò, mà diʼi myètə shwèʼ yi a Bobo Yesò tə kù la mà ə nè. Shyèʼ ayi diʼ la mà shə̀ʼtə̀ ntɨm jùŋ byìʼì boŋə tyɨmə a Nyìngòŋ kìʼ a viʼi.

1 Tèsàlonyà 2:2

Ghə̀ŋ kɨ li la a ndiʼ mibu yès vi a Tèsàlonikà mu yès ə yen li ngəʼ no nànto, və be telə yès no nànto a ntə̀ʼ Filìbay. Nyìngòŋ ə vəghəŋ nè la yès shə̀ʼtə̀ ntɨm ə jùŋ a ghə̀ŋ mu ghə̀ lù fa Nyìngòŋ no nə̀ ətyɨm ə to ghə̀, no tèbe ando viʼi ə ko ə kòŋ ə zhʉtə.

Lumans 1:16

Ma diʼ nə̀ saŋlə byìʼì ntɨm ə jùŋ a ghèn ando ghə̀ diʼi kədyòʼ ki a Nyìngòŋ ə̀ bwòŋsə viʼi və byɨməvə tsu no və tsèm. Ghə̀ bwoŋsə viʼi və byɨməvə, zìtə̀ nə̀ viʼi Jus a ambì, kùmtə̀ nə̀ viʼi ətɨm.

Ŋwàʼlə̀ Mak 16:20

Ndzɨ̀mtə̀sə bàm wen lyɨ̀ ntɨm ə jùŋə aghèn sə̀ shə̀ʼtə̀ dyʉ̀ no fe. Bobo nè nyʉ̀ kanəvə à vəwenə a ntìntìn ndìʼi nchwi la ntɨm jùŋə aghèn dìʼ nəmwèʼè. Amèyn.

Shwèʼ 5:32

Yès dìʼ viʼi və yenəvə a nyʉ̀ venə, ndə̀ŋndəŋ to nə̀ kəzhwì kə ŋwoʼəkə a Nyìngòŋ ə ku a viʼi a və zhʉ fà wen.”

Shwèʼ 2:22

Bità gàʼ a lì bè gàʼ la, “Ghə̀ŋ viʼi Islel, ghə̀ŋ tuʼù zhʉtə nyʉ̀ venə a mà kə ə gàʼ lə̀! Yesò ə wù Nazalèt ndìʼ wìʼ a Nyìngòŋ ndiʼì li à ghə̀ŋ a ndayn. Ghə̀ ndìʼì əchò fa nyʉ̀ kanəvə bènə̀ chwitə a ghə̀ nè əchò fà wen ə Yesò à ghə̀ŋ a ntìntìn. Nkàyntə̀ ghə̀ŋ ə kɨ nyʉ̀ avenə.

Shwèʼ 13:46

Bol wenə̀ Balnabas be sə̀ tùʼù shə̀ʼtə̀ dyʉ̀ tò a mbì la, “Kə tə bòŋ ando yès tə shə̀ʼtə̀ ntɨmə Nyìngòŋ à ghə̀ŋ a mbì, alì ghə̀ŋ ntensə sə dìʼì la ghə̀ŋ ko kwʉ̀ʼ ə lu kiʼi bwòŋ yi a ghə̀ faŋə̀ fa ghanə mùʼ lì. Yès a ghʉsə ghə̀ŋ luwèn ə dyʉ̀ à viʼi tɨm.

Joyn 4:48

Yesò ə gàʼ a wen la, “wìʼ fa ghə̀ŋ zizi ko ghə̀ lu byɨmə no fa mphen, a bwen la ghə̀ yen nchwi nyʉ̀ ə kaynəvə a mà nè.”

Shwèʼ 4:31

Andìʼ ando vəwenə njɨmə̀ mwètə̀, kəshi kì a vəwenə ndiʼì tsu lì nə̀ʼ! kəzhwì kə ŋwoʼəkə ku kədyòʼ à vəwenə no vətsèm vəwenə zìtə̀ sə̀ shə̀ʼtə̀ ntɨm yì a Nyìngòŋ nkəŋə la vəwenə nshə̀ʼtə̀ nə̀ tətyɨm tə to tə.