Shwèʼ 14:1 - The New Testament in the Babanki language

¹ Bol wenə̀ Balnabas dyʉ̀ a Ikonùm dyʉ̀ kwèn a ngə̀ŋ ntsèntə̀ viʼi Jus tò ando vəwenə ə̀ nè no fe a vəwenə ndyʉ̀, ə̀ ziʼi tsu no a ji kaynə, viʼi Jus nə̀ viʼi tɨm no vəghoʼo byɨmə à Bobo.

Shwèʼ 14:1 Referans Kwoze

Shwèʼ 18:4

Bol sə dyʉ̀ kwenə a ngə̀ŋ ntsèntə̀ Vəjew tò məntsi mə nzhʉtəmə no ntsèm, soʼtə̀ nyʉ̀ tsu wenə̀ Vəjew bènə̀ viʼi Glis, mwòmsə̀ ənè la vəwenə byɨmə kənyʉ̀ kì a ghə̀ ngàʼà.

Shwèʼ 13:51

Viʼi ntɨm Yesò a vyi ghòmtə̀ kəbyìʼ kə ntə̀ʼ akì fà vəwenə aghʉ ədìʼ la kə faŋ à vəwenə, ə̀ lù dyʉ̀ a ntə̀ʼ Ikonùm.

Shwèʼ 13:46

Bol wenə̀ Balnabas be sə̀ tùʼù shə̀ʼtə̀ dyʉ̀ tò a mbì la, “Kə tə bòŋ ando yès tə shə̀ʼtə̀ ntɨmə Nyìngòŋ à ghə̀ŋ a mbì, alì ghə̀ŋ ntensə sə dìʼì la ghə̀ŋ ko kwʉ̀ʼ ə lu kiʼi bwòŋ yi a ghə̀ faŋə̀ fa ghanə mùʼ lì. Yès a ghʉsə ghə̀ŋ luwèn ə dyʉ̀ à viʼi tɨm.

Shwèʼ 14:21

Bol wenə̀ Balnabas shə̀ʼtə̀ ntɨm jùŋ a Delbə̀, viʼi byɨmə sə diʼ ndzɨ̀mtə̀sə bàm Yesò no vəghoʼo. Vəwenə lù ə̀ bwènə̀ dyʉ̀ a Lista ə̀ chò dyʉ̀ a Ikonùm. Fa Ikonùm vəwenə dyʉ̀ zaʼa a Antìyòk a loʼ Bisidiyà,

Gàlesìyà 3:28

Nəkwoŋ ko be diʼ fa wù ə Jus wenə wìʼ yi a ko diʼ wù Jus. Nəkwoŋ ko be diʼ fa wìʼ yi a ghə̀ diʼi fa ngeŋ wenə wìʼ yi a ghə̀ diʼi kəkòs, ko ghə̀ diʼ a wùlɨm nə̀ wùwì, byìʼì ando ghə̀ŋ və tsèm sə tsèntə diʼ to kənyʉ̀ kə mùʼ vye və Yesò Klistò.

Lumans 10:12

Nyìngòŋ diʼ Bobo a viʼi və tsèm. Nəkwoŋ ko diʼ fa wù ə Jus nə̀ wù kətɨm. Ghə̀ bwaʼsə no ndò yi a ghə̀ loynə ə gyamtə fa wen.

Lumans 1:16

Ma diʼ nə̀ saŋlə byìʼì ntɨm ə jùŋ a ghèn ando ghə̀ diʼi kədyòʼ ki a Nyìngòŋ ə̀ bwòŋsə viʼi və byɨməvə tsu no və tsèm. Ghə̀ bwoŋsə viʼi və byɨməvə, zìtə̀ nə̀ viʼi Jus a ambì, kùmtə̀ nə̀ viʼi ətɨm.

Shwèʼ 19:17

Vəjew nə̀ viʼi tɨm vi a və ndìʼ a Efesùs nè zhʉ̀ kənyʉ̀ a kə yì chò sə̀ diʼ nə̀ fanə mù sə kuʼsə zhiʼ Bobo Yesò.

Shwèʼ 19:8

Fà yì a bàm, Bol sə dyʉ̀ kwenə a tì ngə̀ŋ ntsèntə̀ gàʼà wenə̀ Vəjew a tì vəsàŋ vətaʼ nə̀ tyɨm toghə, soʼtə̀ nyʉ̀, kəŋə la vəwenə byɨmə la kənyʉ̀ kì a yi gàʼà byìʼì soʼ fòn Nyìngòŋ diʼ nəmwèʼè.

Shwèʼ 18:8

Wutsen a andìʼ kətʉ kə ngə̀ŋ ntsèntə̀ akì a zhiʼi wen ndìʼ Klisbùs zhʉ ntɨm jùŋ a ghèn, wenə̀ viʼi ngwaʼa ngə̀ŋ wen, bènə̀ viʼi vətsenvə a Kolìn no və ghoʼo byɨmə à Bobo ə̀ shì mu.

Shwèʼ 17:12

Nghoʼo viʼi tsu, nə̀ ki bènə̀ lʉmə və ghoʼokəvə a ndiʼì viʼi Glis byɨmə à Yesò.

Shwèʼ 17:4

Vəjew vətsenvə zhʉ ə byɨmə nyʉ̀ vyi a Bol ngàʼà mù tsèntə̀ nòynə Bol wenə̀ Silàs. Nòyn viʼi Glis a və nghoʼsə̀ Nyìngòŋ bè tsèntə̀ vəwenə ə boʼsə nə̀ ki vəghoʼkəvə.

Shwèʼ 13:43

Viʼi nè gə̀sə̀ fà ngə̀ŋ ntsèntə̀ yì, viʼi Islel dzɨ̀mtə̀ dyʉ̀ nə̀ Bol wenə̀ Balnabas no vəghoʼo. Vəwenə ndìʼ wenə̀ viʼi tɨm vətsenvə a və kwitə li sə diʼ tò nə̀ viʼi Jus. Bol wenə̀ Balnabas sensə viʼi a vyi la vəwenə ghʉ tətyɨm tə vəwenə ntsi tò a ti boŋə tyɨm Nyìngòŋ.

Shwèʼ 11:21

Nyìngòŋ sə gyàmtə̀ ku àdyoʼ a vəwenə. Viʼi byɨmə no vəghoʼo ə̀ kù tətyɨm tə vəwenə à Bobo.

Shwèʼ 9:20

mù zìtə̀ lù fa tsu dyʉ̀ a aloʼ ntsèntə̀sə ə̀ shə̀ʼtə̀ ntɨm jùŋ byìʼì Yesò gàʼà la, “Ghə̀ dìʼ Wàyn Nyìngòŋ.”

Shwèʼ 21:28

mù sə zɨmə gàʼà la, “Wo viʼi Islel, ghə̀ŋ gyàmtə̀! Ghèn dìʼ wìʼ yì a ghə̀ jèʼè ziʼì nyʉ̀ byɨvə byìʼì viʼi Islel nə̀ soʼ Mosìs bènə̀ ngə̀ŋ Nyìngòŋ ghèn. A sə diʼ luwèn, ghə̀ be nlyɨ̀ viʼi tɨm ə̀ nkwen wenə̀ vəwenə a ngə̀ŋ Nyìngòŋ, sə mbyɨ shi nè la kə və ndiʼ ŋwoʼo.”

Shwèʼ 20:21

Mà tə mpfàntə̀ Vəjew wenə̀ viʼi tɨm la vəwenə kwitə tətyɨm tə vəwenə fà vəwenə mbyɨsə ə̀ bwènə̀ vì à Nyìngòŋ, ə̀ byɨmə à Bobo vəghəŋ Yesò Klistò.

Shwèʼ 17:17

Ghə̀ ndyʉ̀ a ngə̀ŋ ntsèntə̀ Vəjew ə̀ sòʼtə nyʉ̀ avenə tsu wenə̀ vəwenə bènə̀ viʼi vətsenvə vi a və ngumlə̀ Nyìngòŋ. Ghə̀ mbe dyʉ̀ soʼtə̀ tò nyʉ̀ avenə a təwoŋ no mə ntsi ntsèm wenə̀ viʼi vi a ghə̀ mvi bùmtə̀ tsu.

Shwèʼ 16:1

Bol wenə̀ Silàs jèʼ ə̀ dyʉ̀ zaʼa Delbə̀ nə̀ Lista. Wu byɨmə tsen ntsi tsu, zhiʼ wen diʼ Timotì, lì wen be diʼ wu byɨmə, a ndìʼ Jus, alì tìʼ wen diʼ wu Glis.

Shwèʼ 14:2

Viʼi Jus vi a vəwenə ntyèn la vəwenə ko byɨmə à Bobo lì zìtə̀ sə bosə̀ viʼi tɨm vi la tinsə vəwenə sə mfwi à wèn viʼi avenə.

Shwèʼ 13:5

Vəwenə nè dyʉ̀ zaʼa a ntə̀ʼ Salamìs a Saybùs ə̀ kwen tsu ə̀ shə̀ʼtə̀ ntɨm Nyìngòŋ a aloʼ ntsèntə̀ Vəjew. Vəwenə ndiʼ wenə̀ və Joyn Mak, a ghə̀ njèʼè gyàmtə̀ vəwenə.

Joyn 12:20

Viʼi vətsenvə vi a nko diʼ viʼi Jus mbe ku a Jelusalèm ə kuʼsə Nyìngòŋ a kəshi kə kəzhɨ ki,

Joyn 7:35

Tʉtʉ viʼi Jus vətsenvə sə kayntə to fa vəwenə ngeŋsə bèmə̀ la, “Wìʼ ghèn le kəŋ ə dyʉ̀ fe a vəghəŋ zi kò və lə be yenə wen a? Ghə̀ be kəŋ ə dyʉ̀ a ntə̀ʼ sə tɨm shì a viʼi vəghəŋ tə nyɨŋkə dyʉ̀ tsu, ə nziʼi viʼi tɨm a vyi mu?

Kòlòsyàns 3:11

Ali, ə nəkwoŋ ko diʼ ko ghə̀ lu ndiʼ a wìʼ, kò à diʼ wù ə Jus kò à diʼ wù ə Glek, kò və shɨtə li wen kò və ko shɨtə, kò à diʼ wù kətɨm. Ə nəkwoŋ kodiʼ a viʼi vi a diʼi əkos nə̀ viʼi vyi a və diʼ fa ngəŋ, ali kənyʉ̀ kə tokə diʼ to Yesò. Ghə̀ diʼ a ntìntìn viʼi wen və tsèm.

Gàlesìyà 2:3

Taytùs ndiʼ to yo wen ali kò və lu kàyn la və diʼ ə shətə ndyə̀ wen no tèbe ando ghə̀ ndiʼ wù ə Gɨ̀lìs.

Shwèʼ 19:10

Bol nè kənyʉ̀ akì a tì ngwʉ̀ʼsə səbò, Vəjew nə̀ viʼi tɨm vi a və ndìʼ a Asìyà zhʉ kənyʉ̀ byìʼì Bobo.

Shwèʼ 2:47

be ghoʼsə̀ Nyìngòŋ. Viʼi vətsèm sə̀ ki vəwenə, vəwenə kuʼmə tò byìʼì ntsìnə̀ jùŋ yì a vəwenə ntsi. Bobo sə̀ kwʉ̀ʼsə̀ viʼi vi a ghə̀ mbwòŋsə̀ li à vəwenə a nòyn tò mətsì ntsèm.

Shwèʼ 14:19

Vəjew vətsenvə lù vì fa ntə̀ʼ Antìyòk a Bisidiyà nə̀ fa Ikonùm ə bòsə nòyn yi ghə̀ zhʉ tò kənyʉ̀ a vəwenə ngàʼà, mù tèmlə Bol ə̀ gùf fʉ̀ nə̀ wen fà ntə̀ʼ ayì, kwòʼtə̀ la ghə̀ pfʉ li.

Shwèʼ 16:2

Viʼi vəbyɨməvə a və ndìʼ a Lista bènə̀ a Ikonùm nkɨ la Timotì kìʼ ntsìnə̀ jùŋə.

2 Timotì 3:11

Wù yen li ando və tə ntsuʼ kəghʉ ə kom mbè yenə ngəʼ shisə a və tə ku à mò a ntə̀ʼ Antìyòk. Wù kɨ ə nyʉ̀ vyi a və tə chò nə̀ mò a ntə̀ʼ Ikonùm nə̀ Lista, ma kwiʼi tò ətyɨm ə byèʼè ngəʼsə ashi, Bobo shìsə mò fa a ngəʼsə na shìsə no sətsèm.