Shwèʼ 13:4 - The New Testament in the Babanki language

⁴ Kəzhwì kə ŋwòʼəkə tɨm Balnabas wenə̀ Saul vəwenə shiʼi a ntə̀ʼ Selusìyà ə̀ kwen a kànuʼ ə̀ dyʉ̀ a loʼ Saybùs, ghə̀ diʼ a ntìntìn à mù.

Shwèʼ 13:4 Referans Kwoze

Shwèʼ 4:36

Wù loʼ Sayblùs tsen be fʉ̀ vì nə̀ ko a ghə̀ mbaʼlə̀ sɨm ə wen tsu ə̀ kù à viʼi ntɨm Yesò la vəwenə gətə à viʼi və byɨməvə. Zhiʼ wìʼ ayi ndìʼ Josèf, və ndzàŋ wen la Balnabas kənàʼ kikə diʼ la, “Ghə̀ nwe tətyɨm” Ghə̀ ndìʼ wù ngwàʼa ngə̀ŋ Levì.

Shwèʼ 13:2

Ando vəwenə nghoʼsə̀ Nyìngòŋ be bamə chʉ̀, Kəzhwì kə ŋwòʼəkə vì ə̀ gàʼ à vəwenə la, “Ghə̀ŋ tsuʼ Balnabas wenə̀ Saul, vəwenə nè shwèʼ yi a mà kəŋə la vəwenə nè.”

Shwèʼ 11:19

Viʼi vəbyɨməvə vi a və nlù nyɨŋkə byìʼì ngəʼ yi a ghə̀ ndiʼ ando və nzhwi Stifèn ə̀ sàykə̀ dyʉ̀ a loʼ Fònisiya nə̀ a loʼ Saybùs bènə̀ a ntə̀ʼ ghoʼo tsen, a və dzàŋə̀ la Antìyòk. Vəwenə nshə̀ʼtə̀ dyʉ̀ nə̀ ntɨm jùŋ tò à Vəjew.

Shwèʼ 27:4

Yès mù lù fà tsu sə ndyʉ̀ fwof sə chò ku ngəʼ a yès, yès lù ə̀ bàylə̀ dyʉ̀ jì fa shyə a fwof nko nchò fa tsu a mbyɨ̀ loʼ Saybùs,

Shwèʼ 20:23

alì kənyʉ̀ a mà nkɨ dìʼ tò la ando Kəzhwì kə ŋwòʼəkə diʼì li me à mò no a ntə̀ʼ ko a mà chò fa tsu, la mà dìʼ wù mfɨŋ ngəʼsə be kə̀ʼtə̀ mò tsu.

Shwèʼ 13:3

Andìʼ ando vəwenə mbam li chʉ̀ bè jɨ̀m myètə̀ vəwenə ghʉ avu vəwenə a tʉ Balnabas wenə̀ Saul mù gàʼ la vəwenə dyʉ̀ ə nè shwèʼ ayi.

Shwèʼ 15:36

Mətsi mə tsènə̀ chò, Bol gàʼ à Balnabas la, “Yowù bwènsə̀ jèʼ ə̀ ghayntə vəlèmə̀ və yowù a ntə̀ʼsə shì a yowù dìʼ mu yowù shə̀ʼtə̀ li ntɨm jùŋ tsu byìʼì Bobo ə yen la byɨmə vəwenə bo to dyʉ̀ tò nə̀ mbì lo.”