Shwèʼ 13:10 - The New Testament in the Babanki language

¹⁰ ə̀ gàʼ à wen la, “Wù dìʼ alə̀, diʼ wù Deblə̀, wù ko kòŋ əyen kənyʉ̀ kə jùŋə kə no mpfen. Wù kɨ li jisə mənàŋ sə byɨsə no sətsèm, be mwòmsə əkaʼsə nyʉ̀ nəmwèʼè kùmə̀ Bobo a ndzɨ̀ŋsə.

Shwèʼ 13:10 Referans Kwoze

Joyn 8:44

Ghə̀ŋ diʼ vunə tìʼ ghə̀ŋ, ə Deblə̀, kəŋ ə nè to kənyʉ̀ ki a tìʼ ghèn ə kòŋ la ghə̀ŋ ə nè. Ghə̀ ə nzhwi viʼi no fa kənzìtə̀ kə mbi, ko andiʼ la ghə̀ kòŋ nəmwèʼè byìʼàndo ghə̀ diʼ wu ndzɨŋ. A diʼ a zhʉ a ghə̀ zhò ndzɨŋ ghə̀ diʼi ntsìnə̀ wen byìʼàndo ghə̀ diʼ wù ndzɨŋ, be diʼ to no tìʼ ndzɨŋ.

Gàlesìyà 1:7

Ma ko gàʼà tebè la ntɨm ə jùŋə tsen be diʼ. Ma gàʼà la viʼi vətsenvə sə boŋsə sàsə̀ ətof ə ghəŋə, mwomsə ə nkwitə ntɨm ə jùŋ byìʼì ə Yesò.

2 Kolìntyàns 11:3

Ma gaʼa alə̀ fwàynə̀ la viʼi zizi və vi lobtə ghə̀ŋ ko ghə̀ŋ be a nghʉ kətʉ nzhʉ fa Yesò nə̀ tyɨm ə ghə̀ŋ no tsèm ndə̀ŋndəŋ ando Satan nvi nə̀ mənàŋ mə wen ə lobtə Ivè.

Matìyò 13:38

Sɨm yi diʼ mbi, ngwàʼ jùŋə yì diʼ viʼi vyi a və diʼi a ti Soʼo Fòyn Nyìngòŋ, kəfʉ̀ kì diʼ viʼi vyi a və diʼì a ti soʼ Deblə̀.

1 Joyn 3:8

A ə nè tè ndò nè mbyɨ mu ghə̀ dìʼ wù Deblə̀, byìʼàndo Deblə̀ ə ne li mbyɨ fa kənzìtə. Kənàʼ kə kənyʉ̀ a wàyn Nyìngòŋ ə̀ mvi a mbi dìʼ la ghə̀ mvi əbyɨsə təshyèʼ tə Deblə̀.

Ŋwàʼlə̀ Luk 11:52

“Ngəʼ ghoʼo diʼ à ghə̀ŋ ndìʼsə̀sə təsoʼ, byiʼ ando ghə̀ŋ lyòmtəli kənzàs a kə bòʼò chʉ̀ ngə̀ŋ tof, no nkàyntə̀ ghə̀ŋ ko kwen tsu, bè sə tàmə̀ viʼi vyì a və kəŋ əkwen a ngə̀ŋ tof a ghèn.”

2 Bità 2:15

Vəwenə moʼtə li ji ə jùŋ sə jèʼe fa ji ə̀ Balàm, ə wàyn Beyò yi a ghə̀ ə kòŋ əko yi a ghə̀ ə nkiʼ, fa nyʉ̀ ə byɨvə vyi a ghə̀ nè.

Shwèʼ 20:30

Zhʉ ne vì a viʼi ne fʉ̀ tò fà ghə̀ŋ a ntìntìn nzhò ndzɨ̀ŋsə, gùfə̀ viʼi vəbyɨməvə la və dzɨ̀mtə̀ vəwenə.

Matìyò 23:13

Yesò bwènsə̀ sə̀ gàʼà à ndìʼsə̀sə təsoʼ wenə viʼi Falàsi la, “Ngəʼ ghoʼo lu ndiʼ à ghə̀ŋ ndìʼsə̀sə təsoʼ wenə viʼi Falàsi byìʼì jì a ghə̀ŋ bɨ̀lə̀ ashɨ viʼi fa tsu. Ghə̀ŋ shwìnə̀ jì la kə viʼi kwen a soʼo Fòyn Nyìngòŋ. Ghə̀ŋ ko kòŋ əkwen tsu be tàmə̀ viʼi vətsenvə a və kòŋ əkwen.

Matìyò 15:19

Kwòʼtə byɨghə fʉ̀ tò fà wìʼ a tyɨm nə̀ nyʉ̀ byɨvə tsenəvə anə̀ ə zhwi, ə ntsi nə̀ wùwì ko wùlɨm a ko diʼ yə̀ nə̀ dzɨ̀mtə̀ ki, nə̀ tsoŋə, ə ndiʼ wùkəwam à wìʼ a kətʉ be gàʼà nyʉ̀ byɨvə tsenəvə byìʼì wìʼ.

Matìyò 3:7

Joyn ne yen ando viʼi Falàsi nə̀ viʼi Sadùsi mbe vì no və ghoʼo la ghə̀ ku mu à vəwenə kèn la vəwenə kwitə li tətyɨm tə vəwenə, ghə̀ mù gàʼ à vəwenə la,“Zhusə byɨ sènsə, a tofsə ndò ghə̀ŋ, ghə̀ŋ sə kəŋ nyɨŋ ngəʼ yì a Nyìngòŋ kəŋ tɨm a ghə̀ŋ a?

Joyn 1:23

Joyn ə bwensə gaʼa to ando nshə̀ʼtə̀ Isayà ə gàʼ la, “Ma diʼ wìʼ yi a ghə̀ dzàŋ gàʼ a nse zɨm la, ‘Ghə̀ŋ shɨtə jì Bobo ghə̀ nayn, ghə̀ sə vi ə chò fa tsu.’”

Ŋwàʼlə̀ Luk 11:39

Bobo mù gàʼ à wen la, “Ghə̀ŋ viʼi Falàsi, ghə̀ŋ lyɨ kaŋ vəŋə nə̀ ndoŋ seŋsə, ghə̀ŋ tuʼ shʉ̀ tò dzemə shisə, ali tətyɨm təŋtə diʼ mu tə lwinli tò nə̀ nkùf nə̀ nyʉ̀ byɨvə tsen və.

Efisyàns 4:14

Kə sətsen ndiʼ alə̀, ko vəghəŋ be a diʼ to nə̀ vwondyə a və diʼ to nə̀ nkanuʼ a əfwof ə̀ tenlə cho a mù. Kə vəghəŋ be a ne nyʉ vi a viʼi lobtə vəghəŋ nə̀ ndzɨŋsə diʼ to nə̀ tofə kəŋ tasə a diʼ nəmwèʼè