Shwèʼ 12:9 - The New Testament in the Babanki language

⁹ Bità boʼsə ntsɨ̀ŋ ngə̀ŋ Bobo yì wenə̀ wen fʉ̀ fà mfɨŋ yì. Ghə̀ mfʉ a lì, kò ghə̀ lu nkɨ la kənyʉ̀ kì a ntsɨ̀ŋ Bobo yì nè lì ndiʼ a ndayn. Ghə̀ nkwòʼtə̀ la à tsi jòm tsi wen.

Shwèʼ 12:9 Referans Kwoze

Hibùlù 11:8

Ablaham ə mbyɨmə a Nyìngòŋ ando ghə̀ dzàŋ wen, ghə̀ lu dyʉ̀ alòʼ yi a ghə̀ ne ku a wen. Ghə̀ ə ndyʉ̀ ali ko ghə̀ ntɨmə kɨ lòʼ a yi.

Shwèʼ 26:19

“Mà ko tə tyèn a fòn Aglibà, ənè kənyʉ̀ kì a bayn yi tə fʉ̀ fa kàŋ və gàʼ à mò la mà nè.

Shwèʼ 10:3

A sə ndiʼ kətsi kətsenkə, a təzhʉ tə taʼ a mbwaʼà kəbə̀ŋ, ntsɨ̀ŋ ngə̀ŋ Nyìngòŋ fʉ̀ à wen a kə̀ʼ sə à tsi jòm tsi wen, ghə̀ yen ando ghə̀ kwenə mvi ntoŋtə wen la, “Kòneliyòs.”

Shwèʼ 11:5

Ghə̀ gàʼ la, “Mà ndìʼ a ntə̀ʼ Joba jɨ̀mə̀, kəbàs kə kəfo kətsenkə fʉ̀ à mò a kə̀ʼ a jòm, diʼ to nə̀ kəbàs kə ndisə kə ghoʼokə, və shiʼsə vì nə̀ kəwenkə fa kàŋ mu və ghaŋsə fa yì təsoŋ tə kàʼ. Və shiʼsə a lì ə̀ ghʉ̀ à mò a mbyɨ̀.

Shwèʼ 10:17

Bità sə kayntə̀ la, Nyìngòŋ ə kəŋə əziʼi la ghò à yì byìʼì kənyʉ̀ kènkə a kə fʉ̀ à yì a kə̀ʼ lə lo. Ando ghə̀ mbu kantə̀ mu viʼi vi a Kòneliyòs yì tɨmə lì bèmtə̀ li ə̀ nkɨ ngə̀ŋ Simon ə̀ vì tɨ̀mə à yì a chʉ mbàyn,

Shwèʼ 9:10

Andìʼ a lì, ndzɨ̀mtə̀ bàm Yesò tsen diʼ a Damaskus, a zhiʼ wen ndìʼ Ananyàs. Bobo fʉ̀ à wen a kə̀ʼ a jòm ə̀ tòŋtə wen la, “Ananyàs!” Ghə̀ byɨmə ə̀ gàʼ la, “Mà ghèn a Bobo.”

Joyn 2:5

Li Yesò ə be gàʼ a viʼi vyi a və shwèʼè a kəshi kə làm ayì la, “Ghə̀ŋ nè no ghò a ghə̀ ne gàʼ.”

Shwèʼ 12:8

Ntsɨ̀ŋ ngə̀ŋ Bobo yì bè gàʼ à Bità la, “Shɨ̀tə̀ mòʼ ndisə shyə̀sə ə̀ wè gwʉsə aghʉ wù bè shɨ̀tə̀ kwìʼ kətəŋ kə̀.” Bità nè nè mwètə̀, ntsɨ̀ŋ ngə̀ŋ Nyìngòŋ ayì gàʼ à wen la, “Mòʼo kəgwʉ̀nə̀ kə̀ ə̀ dzɨ̀mtə̀ mò.”