Shwèʼ 12:7 - The New Testament in the Babanki language

⁷ A sətsèn, ntsɨ̀ŋ ngə̀ŋ Bobo fʉ̀ a tì ngə̀ŋ ayì, ngə̀ŋ ayì bayn. Ntsɨ̀ŋ ayì nə̀ʼsə̀ Bità ə̀ gàʼ la, “Zàŋsə̀ lù.” Ando ghə̀ ngaʼa a lì, mfɨŋsə shìsə fəŋkə fà wen a akwoŋ.

Shwèʼ 12:7 Referans Kwoze

Shwèʼ 5:19

A nè sə ndiʼ tò nəntʉʼʉ ayì ntsɨ̀ŋ ngə̀ŋ Bobo vì bòʼ chʉ ngə̀ŋ mfɨŋ ayì ə̀ lyɨ̀ vəwenə ə̀ fʉ̀ nə̀ vəwenə ə̀ gàʼ à vəwenə la,

Shwèʼ 16:26

A sə laʼtə, nse nə̀ʼ no nəmwèʼè nəmwèʼè, ngə̀ŋ mfɨŋ yì sə kəŋ feŋ. Təchʉ̀ tə aloʼ tə bòʼkə̀ tò a zhʉ ayì no tətsèm, mfɨŋsə shì a və nkwiʼ afwen viʼi mfɨŋ tsu lì zàykə̀ no sətsèm.

Shwèʼ 10:30

Kòneliyòs bwènsə̀ gàʼ la, “A sə diʼ mətsi nkàʼ luwèn ndo mà tə njɨ̀mə̀ a mò a ngə̀ŋ a shèn a təzhʉ tə taʼ a mbwaʼa kəbə̀ŋ, à sə laʼtə mà yen ando wìʼ ə ti a mò a shɨ mu ghə̀ moʼ ndisə, sə fəfə fəfə be ŋwàŋtə̀,

Efisyàns 5:14

Kə diʼ alə̀ byìʼì ando à nè əbayn nè ənyʉ̀ byɨvə və kə̀ʼə̀ a ndayn. A le kənyʉ̀ ki a kə ne və ə gàʼ la: “Wu bʉnə lù fa mbinsə. Lu fa pfʉ̀ ndi əbaynə Klistò əbayn a wù.”

Shwèʼ 2:24

alì Nyìngòŋ nè ghə̀ lù fa pfʉ ə̀ bwòŋsə̀ wen fa kədyòʼ kə pfʉ byìʼàndo ji ko ndìʼ a pfʉ nzì ghə̀ lə̀ ghaʼa wen.

Ŋwàʼlə̀ Luk 24:4

Vəwenə bu kaynə kənyʉ̀ kènkə a sə tsen lyʉmə və bò, a və əmoʼ ndisə a sə baynə ŋwàŋtə̀ tɨmə a vəwenə mbyɨ.

Ŋwàʼlə̀ Luk 2:9

A sətsèn ntsɨ̀ŋ ngə̀ŋ Bobo fʉ̀ a vəwenə ashɨ, baynə Bobo vì kaʼ vəwenə, vəwenə sə diʼ nə̀ fàynə no nànto.

Shwèʼ 12:23

Ando vəwenə mbu zɨmə̀ tò zɨ̀mə, ntsɨ̀ŋ ngə̀ŋ Bobo tsen nè Helòd sə kwaʼa. Ngòngòŋ pfiʼ wen, ghə̀ pfʉ byìʼàndo ghə̀ nè la kə viʼi nghoʼsə̀ Nyìngòŋ, la və mbòŋsə̀ ghoʼsə̀ wen.

Shwèʼ 9:3

Ghə̀ ku, Saul mù fʉ̀ ə̀ jèʼ sə boʼsə dyʉ̀ a Damaskus, bayn tsenghə bvʉ̀tə̀ fʉ̀ fa kàŋ ə̀ bàŋ ə̀ kàʼa wen a kəshi a ghə̀ ndiʼì tsu.

Kəmwetə 18:1

Andìʼ ando ənyʉ̀ venə̀ ncho, mà yen ntsɨ̀ŋ ngə̀ŋ ə̀ Nyìngòŋ tsen ghə̀ shiʼi vì fa kàŋ. Ghə̀ ə̀ nkìʼ kədyòʼ nə̀ ə̀soʼ ghoʼoghə, əbayn ə wen ə chiʼtə nse no tsèm.

Hibùlù 1:14

Kə le diʼi la, ntsɨŋsə Nyìngòŋ sə ə diʼ to zhwi a və shyèʼ a Nyìngòŋ, Nyìngòŋ be tɨmə vəwenə la və gyamtə viʼi vi a Nyìngòŋ ə ndi ne bwòŋsə̀ vəwenə.

Shwèʼ 12:6

Andìʼ a nəntʉʼʉ əlaynsə a kətsi a yì a fòyn Helòd ndiʼi shisə Bità ədyʉ̀ nə̀ wen və soʼ wen a shɨ viʼi Bità ə̀ nyoŋ a kəntìntìn vəsugyèʼ la vəbò, bʉnə̀ mu və be shwìn wen nə̀ mpfɨŋsə. Vəsugyèʼ vətsenvə be ti a chʉ mbàyn, tsɨ̀ŋə̀ shi.

Matìyò 2:13

A ndiʼ ando viʼi və tofə və nbwenə li vì ntsɨ̀ŋ Bobo vì à Josèf a jòm ə gàʼà wen la,“Lu ə lyɨ̀ wàyn ghèn wenə lì wen fa shə̀ ə nyɨ̀ŋ dyʉ̀ a Ijìb byiʼàndo Helòd kəŋə wàyn a ghèn əzhwi. Ghə̀ŋ dyʉ̀ ghə̀ŋ fàŋ tò tsu əzaʼa fa a zhʉ a ma a gàʼ la ghə̀ŋ bwènə̀ ə vì.”

Shwèʼ 12:8

Ntsɨ̀ŋ ngə̀ŋ Bobo yì bè gàʼ à Bità la, “Shɨ̀tə̀ mòʼ ndisə shyə̀sə ə̀ wè gwʉsə aghʉ wù bè shɨ̀tə̀ kwìʼ kətəŋ kə̀.” Bità nè nè mwètə̀, ntsɨ̀ŋ ngə̀ŋ Nyìngòŋ ayì gàʼ à wen la, “Mòʼo kəgwʉ̀nə̀ kə̀ ə̀ dzɨ̀mtə̀ mò.”