Shwèʼ 12:1 - The New Testament in the Babanki language

¹ Andìʼ a mətsi ayì, Fòyn Helòd bè zìtə̀ sə ku ngəʼ à viʼi vəbyɨməvə vətsenvə.

Shwèʼ 12:1 Referans Kwoze

Matìyò 24:9

Viʼi lu ghaʼtə ghə̀ŋ ə ku la və ku ngəʼ à ghə̀ŋ, be zhwilə ghə̀ŋ. Viʼi təloʼ tətsèm lu bàyn ghə̀ŋ tò byìʼì mò.

Joyn 15:20

Kə ghə̀ŋ lyesə kənyʉ̀ ki a mà tə ziʼi a ghə̀ŋ la, ‘wù ə shwèʼ ko tɨmə chò tìʼ shyèʼ wen.’ Vəwenə sətsen ə ndi mu vəwenə ə ntsuʼ li kəghʉ ə kòmkə, vəwenə be a ntsuʼ kənkə to ndə̀ŋndəŋ. Vəwenə sətsen ə ndiʼ mu vəwenə ə zhʉtə əziʼi ə ghomə, vəwenə be a zhʉtə əziʼi ghəŋə to alì.

Ŋwàʼlə̀ Luk 22:53

A ndiʼ a tʉʼ a ma ndiʼi vəghəŋ a tyì ngə̀ŋ Nyìngòŋ kò ghə̀ŋ lə ghaʼa mo; alì ghèn diʼ zhʉ a Satan tì nfɨnə̀ soʼo tsu.”

Joyn 16:2

Və ne ndzɨ̀mə̀ shisə ghə̀ŋ fa aloʼ ntsèntə̀. Ma gàʼà nəmwèʼè la əzhʉ̀ ə tseghə na vi, a wìʼ ne zhwi ghə̀ŋ, ghə̀ sə kwoʼtə la ghə̀ nè shwèʼ Nyìngòŋ.

Shwèʼ 4:30

Ne viʼi kɨ la wù kìʼ kədyòʼ ənè viʼi vəkwaʼkəvə to. Gyàmtə̀ yes ə dìʼ chwitə nyʉ̀ kanəvə a kədyòʼ Yesò wù shwèʼè wu ŋwoʼə.

Shwèʼ 9:31

No viʼi vəbyɨməvə vətsèm a Judiyà nə̀ Galìlì bènə̀ a Samalìyà nko be fàynə. Nòyn viʼi vəbyɨməvə mù sə ghoʼo vì tò vì, byɨmə vəwenə be to kuʼu tò kuʼu, Kəzhwì kə ŋwòʼəkə gyàmtə̀ vəwenə, vəwenə ntsi ando Bobo nkəŋə.

Matìyò 14:1

Andìʼ a tʉʼ a Helòd a ghə̀ nsoʼo shə Galìlì nzhʉ̀ soʼgho byìʼì nyʉ̀ a Yesò ə̀ nè,

Matìyò 14:3

A nsə ndiʼ a lì mu à ngàʼa tò wen la və ghaʼ Joyn wù ku à mù kwiʼ wen ə̀ mòʼ a mfɨŋ. Ghə̀ nè a lì ando wen Helòd nghaʼ shì Helodiyas wì lèmə̀ wen Filib, Joyn mù sə̀ taŋmə̀.

Matìyò 14:6

A lù sə ndiʼ ando və nzhɨ kətsi kə bwi Helòd, wàyn wùwì Helodiyas vì sə benə fa shɨ viʼi, kənyʉ̀ ki sə fwomə a wèn Helòd no nànto.

Shwèʼ 11:30

Vəwenə tsèntə̀ fo a vyi ə̀ tɨ̀m Balnabas wenə̀ Saul la vəwenə lyɨ̀ ə̀ dyʉ̀ nə̀ wenəvə à vəchəʼ və ngə̀ŋ Nyìngòŋ.

Shwèʼ 12:2

Ghə̀ ne li və zhwi Jems andiʼì lèmə̀ Joyn nə̀ fənyì fə.