Shwèʼ 10:23 - The New Testament in the Babanki language

²³ Bità zhʉ a lì, ə̀ gàʼ à vəwenə la, vəwenə kwen ə̀ vì wenə̀ vəwenə tsi. Tʉʼ layn, Bità lù wenə̀ vəwenə bènə̀ viʼi vəbyɨməvə vətsenvə fa Joba,

Shwèʼ 10:23 Referans Kwoze

Shwèʼ 11:12

Kəzhwì kə ŋwòʼəkə gàʼ à mò la mà dyʉ̀ yo vəwenə kə ma mɨŋmə. Viʼi vəbyɨməvə venə ntʉfə a və nlù fa Joba lə̀ bè vì, yo vəwenə dyʉ̀ a muʼu ə̀ dyʉ̀ zaʼa a Sisalìyà ə̀ dyʉ̀ kwèn a ngə̀ŋ wutsen və dzàŋə̀ nə̀ Kòneliyòs.

Shwèʼ 10:45

Vəjew vəbyɨməvə vi a wenə̀ və Bità mvi fa Joba a muʼu lì ndìʼ nə̀ kaynə ando Nyìngòŋ nku Kəzhwì kə ŋwòʼəkə à viʼi tɨm,

1 Bità 4:9

Ghə̀ŋ ə shɨtə shisə vəlemə vəŋə a ghə̀ŋ a loʼ to no nə̀ ətyɨm ə mùʼ, ko ghə̀ŋ dèmkə̀.

Hibùlù 13:2

Kə ghə̀ŋ ne lyesə ə nshɨtə shisə viʼi ghayn a ghə̀ŋ a loʼ byìʼì ando viʼi vətsevə nshɨtə li ə shisə viʼi ali, ko vəwenə kɨ la vəwenə shisə a diʼ ətsɨŋsə ngə̀ŋ Nyìngòŋ.

2 Kolìntyàns 8:21

Yès ə ne alə̀ byìʼì ando yès bàʼtə li ə ne to nyʉ̀ a və kwʉ̀ʼ ashɨ Nyìngòŋ benə ashɨ viʼi.

Shwèʼ 10:33

Mà mù tɨm ntɨm tò a zhʉ ayì, wù be sə kiʼ tyɨm jùŋghə be mvi tò vi. Luwèn lə̀, vəghəŋ sə tsèntə diʼ a shɨ Nyìngòŋ, kə̀ʼtə̀ əzhʉ nyʉ̀ tsèm a Bobo gaʼà la wù shə̀ʼtə̀ à yès.”

Shwèʼ 10:29

A lè kənyʉ̀ kì a Kòneliyòs yì tɨm ə̀ ndzàŋ mò, ko a ndiʼ la ma bèmə li kənyʉ̀ no mpfen, alì mvi tò vi. Shə̀ʼtə lì a mò a Kòneliyòs la, wù yì tɨm ə̀ ndzàŋ mò a gho lo?”

Shwèʼ 9:42

Soʼgho byìʼì kənyʉ̀ a kènkə sàykə dyʉ̀ a Joba no tsèm, viʼi no və ghoʼo bè byɨmə à Bobo.

Shwèʼ 9:38

Andìʼ a lì kò kəghaf kə ndiʼ əlù fa ntə̀ʼ Joba ə dyʉ̀ a Lida. Ndzɨ̀mtə̀sə bàm Yesò shìsə a sə ndiʼ a Joba nè zhʉ̀ la Bità dìʼ a Lida, vəwenə tɨm viʼi vəbò la və dyʉ̀ ə̀ gàʼ à wen la, vəwenə sensə̀ wen la ghə̀ nyɨŋ ə̀ shiʼi vì ə̀ yèn vəwenə.

Shwèʼ 1:15

Mətsi chò tò nshə̀ʼ alə̀, viʼi və byɨməvə ə zaʼa ghɨ nə̀ məwum mbò be sə ŋwʉʼ tò kəshi kə mùʼ, Bità lù tɨmə əgàʼ à vəwenə ə̀ gàʼ la,

Shwèʼ 9:36

Andìʼ a Joba, wùwì byɨmə tsen diʼ tsu a zhiʼ wen ndìʼ Tabita, andiʼ a gaʼa Glis zhiʼ a ghenə diʼ Dokas, kənàʼ ki diʼ “ngo.” Ghə̀ nè tò nyʉ̀ jùŋvə məzhʉ tsèm be ku gyàmtə̀ à viʼi kəmfem.

Shwèʼ 28:15

A ndìʼ a lì mu viʼi vəbyɨməvə a Lum zhʉ li la yes ə vì, vəwenə lù ə̀ vì yèn yes a kəshi kə woŋ a Abyùs, vətsenvə vì yèn yes a kəshi yì a viʼi jèʼ mvì tsi tsu və ndzàŋə̀ nə̀ “nə̀ Ngə̀ŋ sə To”. Bol nè yèn vəwenə no a zhʉ̀ kò ə̀ kù kəzòŋ à Nyìngòŋ, ə̀ zìtə̀ sə̀ kiʼ tyɨm toghə.