Shwèʼ 10:1 - The New Testament in the Babanki language

¹ Wutsen ndìʼ a ntə̀ʼ ghoʼo yì a və ndzàŋə̀ nə̀ Sisalìyà a zhiʼ wen ndìʼ Kòneliyòs. Ghə̀ ndìʼ kətʉ kə nòyn ə vəsugyèʼ a və mvì fa Italì.

Shwèʼ 10:1 Referans Kwoze

Shwèʼ 27:1

Andìʼ ando və nghʉ li la yès kwenə a kəbaŋ kə à mù ə̀ dyʉ̀ a Italì, və ku Bol wenə̀ viʼi mfɨŋ vətsenvə à kətʉ kə vəsugyèʼ viʼi Lum kətsenkə, zhiʼ wen diʼ Juliyòs. Və ndzàŋə̀ nòyn Vəsugyèʼ a vyi nə̀ vəsugyèʼ və Fòn ghoʼo.

Matìyò 27:27

Vəsugyèʼ və Bilate lyɨ̀ Yesò kwèn nə̀ wen ati ntuʼ. No vəsugyèʼ vətsèm vì ntsèntə̀ à wen a mbyɨ̀.

Shwèʼ 8:40

Ando Kəzhwì kə Bobo kə nlyɨ Filib lì, ghə̀ bvʉ̀tə̀ yèn wen ə wen a kəshi kətsenkə, a və dzò nə̀ Azotus mù sə jèʼè chòmə̀ no fa ntə̀ʼsə sətsèm tsu, shə̀ʼtə̀ ntɨm jùŋ, ə̀ kaʼ ə̀ jèʼ vì zaʼa a Sisalìyà, andiʼì ntə̀ʼ ghoʼo a ghə̀ ndiʼì tsu.

Shwèʼ 27:43

alì kətʉ kə vəsugyèʼ kì sə kəŋə ə bwòŋsə̀ Bol mù gàʼ à vəwenə la kə vəwenə à mwòm, ə̀ bòŋsə̀ gàʼ la no ndò a ghə̀ zì ghə̀ sàm tsòʼ ə̀ fʉ̀ a mbì ə sàm ə̀ tɨ̀m.

Shwèʼ 25:1

Andìʼ a bàmə mətsi ntaʼ ando Festus nkuʼù a kəkɨ a nə̀ gumnà Sisalìyà, ghə̀ lù kùʼ a Jelusalèm.

Matìyò 27:54

Kətʉ kə vəsugyèʼ kì a kə ntsɨ̀ŋə̀ Yesò lì wenə̀ vəsugyèʼ və tsenəvə nè yèn ando shi ntsɨ̀ŋtə̀ bènə̀ nyʉ̀ kanəvə tsenəvə vi a və mfʉ̀ faynə ə ghaʼ vəwenə, vəwenə mù gàʼ la, “Nəmwèʼè wìʼ ghèn tə ndiʼ wàyn Nyìngòŋ.”

Shwèʼ 27:31

alì Bol yen kənyʉ̀ akì ə̀ gàʼ a kətʉ kə vəsugyèʼ kì wenə̀ vəsugyèʼ və wen la, “Viʼi kəbaŋ venə fàŋ ke ŋwʉʼʉ tò a tì kəbaŋ a shèn mu wìʼ fà ghə̀ŋ ko a bwòŋ.”

Shwèʼ 25:13

A sə ndiʼ a bàmə vəsàŋ vəshyəʼ alə̀, Fòyn Aglibà wenə̀ Beniys vì a Sisalìyà ətoŋtə be shisə Festus.

Shwèʼ 23:33

Vəwenə lyɨ̀ wen wenə̀ vəwenə dyʉ̀ zaʼa a Sisalìyà ə̀ ku wen à gumnà ə boʼsə nə̀ ŋwàʼlə̀ yì a və tə kù à vəwenə lì.

Shwèʼ 23:23

Kətʉ kə vəsugyèʼ kə ghoʼokə kì dzàŋtə̀ tʉ vəsugyèʼ və wen la vəbò ə̀ gàʼ à vəwenə la, “Ghə̀ŋ lyɨ vəsugyèʼ təghɨ təbò ə boʼsə nə̀ vəsugyèʼ vətsenvə a və nyɨŋə a tʉ nyamsə məwum sòmbo, bènə̀ vi a və soynə nə̀ aghoŋ təghɨ təbò, wenə̀ vəwenə mbvʉ̀tə̀ ədyʉ̀ a Sisalìyà. Vè vəwenə mbaʼtə̀ əlù a təzhʉ abʉ̀muʼ nəntʉʼʉ layn.

Shwèʼ 22:25

Andìʼ ando və nkwìʼi wen mù sə kəŋə ə nghòmə̀, ghə̀ bèm à kətʉ kə vəsugyèʼ kətsenkə a kə nti boʼsə wen la, “Soʼ lè byɨmə la və ghom wù Lum kènla və soʼ li wen əyen la ghə̀ byɨsə li kənyʉ̀ lo?”

Shwèʼ 21:8

Tʉʼ lan, yès lù dyʉ̀ a Sisalìyà ə̀ dyʉ̀ kwèn a ngə̀ŋ wutsen a ghə̀ nshə̀ʼtə̀ ntɨm jùŋ Nyìngòŋ, zhiʼ wen diʼ Filib bè tsì tsu. Ghə̀ ndìʼ wìʼ muʼ fa ntìntìn viʼi vyi a və ntsuʼù a Jelusalèm lì.

Joyn 18:12

Vəsugyèʼ nə̀ kətʉ kə vəwenə, boʼsə nə̀ viʼi Jus vyi a və ntsɨŋ ngə̀ŋ Nyìngòŋ ə ghoʼo ə ghaʼ Yesò ə kwiʼ wen,

Joyn 18:3

Judàs mu lyɨ ə nòyn vəsugyèʼ benə viʼi vətsenvə a və nshyèʼè a ngə̀ŋ Nyìngòŋ, mu à tɨm tʉtʉ vəpfèm və̀ ngə̀ŋ Nyìngòŋ nə̀ viʼi Falàsi. Vəwenə ə vi ali, kiʼi əfo ghòŋ nə̀ nkàʼtə̀ nə̀ vəlamə.

Ŋwàʼlə̀ Luk 7:2

Kətʉ kə ve sugyèʼ viʼi Lum vətsenvə ndiʼ tsu, kiʼ wù shyèʼ wen, a ghə̀ nkòŋ wen no nə̀ nànto. Wù shyèʼ a ghèn nkwaʼa no nànto, sə diʼ tò mə pfʉ.

Ŋwàʼlə̀ Mak 15:16

Vəsugyèʼ vətsenvə lyɨ̀ Yesò kwèn nə̀ wen a fətin a tì ntuʼ mù dzàŋtə̀ vəsugyèʼ vi a və mfaŋə̀ no vətsèm.

Shwèʼ 10:24

ə̀ jèʼ dyʉ̀ kwèn a Sisalìyà a kənkùmtə̀ kə kətsi. Andìʼ a lì Kòneliyòs kə̀ʼtə̀ wenə̀ viʼi ngwàʼa ngə̀ŋ wen bènə̀ ndoŋsə wen a ghə̀ nlaʼà və vì.

Shwèʼ 21:31

A nè sə ndiʼ ando nòyn ayi ə̀ mwòmsə əzhwi Bol, və tɨm la və dyʉ̀ ə̀ shə̀ʼtə̀ à kətʉ kə vəsugyèʼ kə ghoʼokə viʼi Lum la Jelusalèm lɨmə la bèm.