Shwèʼ 1:9 - The New Testament in the Babanki language

⁹ Ando ghə̀ ngaʼà nyʉ̀ a venə ə mwètə̀, Nyìngòŋ lyɨ̀ wen ə̀ kuʼsə a kàŋ vəwenə yenə ando ghə̀ kuʼu. Ghə̀ kuʼ alə̀ ə̀ lè a tì mbòʼsə.

Shwèʼ 1:9 Referans Kwoze

Ŋwàʼlə̀ Mak 16:19

Bobo Yesò nè gàʼ à ndzɨ̀mtə̀sə bàm wen ə̀ myètə̀, və kuʼsə wen a kàŋ ə̀ ŋwʉ̀ʼsə wen a shyə kwoŋ toghə Nyìngòŋ.

Shwèʼ 1:2

əzaʼa fà zhʉ a Nyìngòŋ nlyɨ wen ə̀ kùʼsə a kàŋ. Mibu və sə lyɨ wen əkuʼsə a kàŋ mu kəzhwì kə ŋwoʼəkə ku li kədyòʼ, ghə̀ ziʼi nyʉ̀ vyi a viʼi ntɨm wen vi a ghə̀ ntsuʼù lì ndiʼi ne nè.

Kəmwetə 11:12

Nshə̀ʼtə̀sə sə̀ ghoʼkəsə asènsə sə̀ bò bwènsə̀ lù fa pfʉ ə̀ zhʉ gɨ̀ ə to tsen a ghə̀ gàʼà fʉ̀ fa kàŋ la, “Ghə̀ŋ kuʼ ə̀ vì ashə̀!” Vəwenə kuʼ ə̀ shwe a tì mbòʼsə viʼi kəbàyn ə̀ vəwenə ti ki.

Joyn 6:62

Ghə̀ŋ sətsen yen, Wàyn Wìʼ ghə̀ bwenə lù dyʉ̀ akàŋ, akəshi yi a ghə̀ tə ndiʼ tsu fa ambì, ghə̀ŋ a nè ghò?

Ŋwàʼlə̀ Luk 21:27

A bàm a tsu vəwenə yen wàyn wìʼ ghə̀ shiʼi a tyì mbòʼ kiʼ kədyòʼ nə̀ bayn ghoʼ ghə̀.

Kəmwetə 14:4

Viʼi avenə ndìʼ vi a vəwenə nko byɨsə təwen tə vəwenə wenə̀ və ki; à dìʼ vəwenə a vəwenə dzɨ̀mtə̀ wàyn bi ənjɨ̀ no fe a ghə̀ dyʉ̀; à dìʼ vəwenə a və̀ ndìʼ mu və zen li kətʉ kə vəwenə fà Wùmə̀nsòŋ vəwenə sə diʼ mbì ashɨ nkòʼ à Nyìngòŋ wenə̀ wàyn bi ənjɨ̀.

Kəmwetə 1:7

Ghə̀ŋ yen a! ghə̀ yì a ghə̀ vì a tì mbòʼsə. No viʼi vətsèm lu yen ə wen ə boʼsə nə̀ viʼi vyi a və nsù wen nə̀ ghoŋə lì. No viʼi vətsèm a kwi nse lu dì byìʼì wen. A dìʼ ə jì a kə lu ndiʼ.

Shwèʼ 1:11

ə̀ bèm à viʼi ntɨm Yesò vi la, “viʼi Galìlì, byìʼì ghò a ghə̀ŋ tɨmə̀ sə ki kuʼsə̀ nə̀ kaŋə alə̀ a? Yesò ghèn a və lyɨ̀ fà ghə̀ŋ a ntìntìn ghə̀ nkuʼ a kàŋ lə̀ lu be bwènə̀ vì tò a ji a ghə̀ŋ yì yen ghə̀ ndyʉ̀ fa tsu.”

1 Tèsàlonyà 4:17

Nyìngòŋ ə lu lyɨ vəwenə nə̀ vəghəŋ və tsèm vi a və bò tsì, və dyʉ̀ bumtə nə̀ Bobo a boʼsə akàŋ, vəghəŋ nə̀ wen faŋ to amuʼ to məzhʉ̀ ə tsèm.

1 Timotì 3:16

Kə diʼ tò no nəmwèʼè la byɨmə ə vəghəŋ ə kiʼ kənyʉ̀ kə lyomtəkə la Nyìngòŋ diʼi laynsə, kə ghoʼo nò alə: Klistò ə nlu li vi ə lyɨ̀ əwen wìʼ, kəzhwì kə Ŋwòʼəkə diʼi la ghə̀ diʼ a nkàyn ashɨ ə Nyìngòŋ, Ntsɨŋsə Nyìngòŋ yenə wen, və ziʼi ənyʉ̀ byìʼì wen a təloʼ tə tsèm, viʼi mbyi byɨmə à wen, Nyìngòŋ lyɨ̀ kuʼ nə̀ wen a kàŋ.