Shwèʼ 1:5 - The New Testament in the Babanki language

⁵ Joyn tə nku mu à viʼi tò nə̀ nkàntə̀ à mù alì luwèn à sə̀ diʼ mu, à fàŋ tò mətsì nshə̀ʼ alə̀ və nku mu à ghə̀ŋ nə̀ kəzhwì kə ŋwoʼəkə.”

Shwèʼ 1:5 Referans Kwoze

Matìyò 3:11

Mà ku mu à ghə̀ŋ tò nə̀ mu mə Amù ədiʼ la ghə̀ŋ kwitə li tətyɨm təŋtə fà ghə̀ŋ a mbyɨsə, alì wìʼ yì a ghə̀ vì fa mò a bàm, chò mò, a mà ko kwʉ̀ʼ no fa mpfen əshyèʼ a wen a nə̀ kəkòs kə byèʼè gwʉsə aghʉ wen. Ghə̀ ne ku mu à ghə̀ŋ nə̀ kəzhwì kə ŋwoʼkə be chòsə̀ viʼi vətsen və a zhìʼ.

Ŋwàʼlə̀ Luk 3:16

Joyn bwènsə̀ gàʼ a vəwenə vətsèm la “Ma a ku mu a ghə̀ŋ tò nə̀ mu mə amù, ali wi vì fa mò a bàm to chò mò, ma ko kwʉʼ no fampfen əzàs mpfʉ̀sə gwʉsə aghʉ wen. Ghə̀ a ku mu à ghə̀ŋ nə̀ kəzhwì kəŋwoʼkə ə bè chòsə̀ viʼi vətsen və a zhìʼ.

1 Kolìntyàns 12:13

Vəghəŋ nkaʼkə li ə sə diʼ to əwèn ə mùʼ a tʉʼ a kəzhwì kə Ŋwoʼkə nku mu a vəghəŋ, kò a ndiʼ la, vəghəŋ diʼ viʼi Jus, kò vəghəŋ ə ndiʼ viʼi ətɨm, kò vəghəŋ ə ndiʼ əkòs a wìʼ, ko vəghəŋ ndiʼi fa vəghəŋ a ngeŋsə. Nyìngòŋ ə ku li Kəzhwì na kènkə kə mùʼ, to a vəghəŋ vətsèm.

Taytùs 3:5

ghə̀ bwòŋsə̀ vəghəŋ. Ghə̀ ko ə̀ mbwòŋsə̀ vəghəŋ la vəghəŋ nè kənyʉ̀ kə jùŋə kə kətsenkə alì ghə̀ mbwòŋsə̀ vəghəŋ byìʼì kusə nshinsə wen əchò fà kəzhwì kə ŋwoʼkə. Kəzhwì kə ŋwoʼkə akènkə shʉ li vəghəŋ,vəghəŋ ə nlayn ə̀ mbe ku ntsìnə̀ fi à vəghəŋ.

Ŋwàʼlə̀ Mak 1:8

Mà ku mu à ghə̀ŋ tò nə̀ mu a lì ghə̀ diʼ vì ku mu à ghə̀ŋ nə̀ kəzhwì kə ŋwoʼəkə.”

Shwèʼ 19:4

Bol mù gàʼ la, “Joyn nku mu à viʼi vyi a və nkwitə tətyɨm tə vəwenə be gàʼ à viʼi a vyi la, vəwenə dìʼi byɨmə à wìʼ yì a ghə̀ ndiʼì nè vì fa wen a bàm, adiʼ Yesò.”

Shwèʼ 10:45

Vəjew vəbyɨməvə vi a wenə̀ və Bità mvi fa Joba a muʼu lì ndìʼ nə̀ kaynə ando Nyìngòŋ nku Kəzhwì kə ŋwòʼəkə à viʼi tɨm,

Joyn 1:31

Ma nko tə kɨ wen, ali tə vi sə ku mu nə̀ mu mə fwàyn baʼtə̀ tətyɨm ə təŋtə ndi ghə̀ sə vi, viʼi Islel yenə kɨ wen.”

Matìyò 3:6

Vəwenə nvì alì əbyɨmə mbyɨsə vəwenə à wen, ghə̀ ku mu a vəwenə a mù mə Jodàn.

Joyn 1:26

Joyn gàʼ la, “Ma ku mu a ghə̀ŋ to no nə̀ mu mə fwàyn, ali wìʼ diʼ a ghə̀ ti to no a ghə̀ŋ a ntìntìn luwen, ko ghə̀ŋ kɨ wen, no tèbe mò ə ko kwʉ̀ʼ ə shwèʼ to ne kəkòs kə a kə zatə mpfʉ̀sə gwʉsə a ghʉ ə wen.”

Joyn 1:33

Ma ko tə ndiʼ kɨ wen. Ma tə sə kɨ wen mu ma kɨ to byìʼì kənyʉ̀ ki a Nyìngòŋ tə sə tɨm mo la ma vi əku mu nə̀ mu mə fwàyn ə gàʼ la, ‘Wù lù yen no ndò to ando kəzhwì kə Ŋwoʼkə shiʼi vi nyʉ̀ʼmə faŋ a wen a kətʉ, wù mu kɨ la à diʼ wen yi a ghə̀ vi ə ku mu nə̀ Kəzhwì kə Ŋwoʼkə a viʼi.’