Shwèʼ 1:16 - The New Testament in the Babanki language

¹⁶ “Vəlèmə̀ vwomə, nyʉ̀ venə a və chò kùmə̀ Judàs tə ndiʼ chò ndi lwinsə kənyʉ̀ kì a kəzhwì kə ŋwoʼəkə ə̀ nè Foyn Devìt gàʼ və bè nyòʼ a ŋwàʼlə̀ Nyìngòŋ byìʼì Judàs a ghə̀ tə sùʼ Yesò la ntsɨ̀ŋsə ngə̀ŋ Nyìngòŋ sə ghaʼ.

Shwèʼ 1:16 Referans Kwoze

Joyn 13:18

“Ma ko gàʼa tebè a ghə̀ŋ və tsèm. Ma kɨli ghə̀ŋ vyi a mà tsuʼ li. Alì, kənyʉ̀ kì a və nyoʼ a Ŋwàʼlə̀ Nyìngòŋ la, ‘Wìʼ ne zhɨ̀ to yo wen, sə diʼ mù ghə̀ bwenə li dzèm əwen a mò’.

Shwèʼ 1:20

“Byìʼè və nyoʼo li a ŋwàʼlə̀ Salms la, ‘Ngə̀ŋ wen faŋ tò zɨm, kə wìʼ lu ntsi tsu,’ bè nyòʼ la, ‘Wù kədyàŋ lyɨ kəshi kə wen nshwèʼè.’”

Matìyò 26:56

Nyʉ̀ venə diʼi fʉ̀ alə̀ ndi nè la nyʉ̀ vyi a Nyìngòŋ ngaʼà chòsə̀ fà nshə̀ʼtə̀sə wen la və lyɨ kəshi.” No a zhʉ̀ kò ndzɨ̀mtə̀sə bàm wen sə nyɨŋkə no sə tsèm mòʼtə̀ wen.

Matìyò 26:54

Mà sətsèn mù nè a lì mu kənyʉ̀ kì a və ə̀ nyòʼò li a ŋwàʼlə̀ Nyìngòŋ byìʼì mò ko a lyɨ kəshi.”

Matìyò 26:47

Yesò mbu gàʼà, Judàs a ndiʼì wìʼ muʼ fa ntìntìn ndzɨ̀mtə̀sə bàm wen shì njʉ̀sə̀ səbò kuʼu vì wenə̀ nòyn ə viʼi no ghoʼo. Vəwenə nkiʼ nyisə nə̀ mbàŋsə. A ntɨ̀m tʉtʉ vəpfèm və ngə̀ŋ Nyìngòŋ bènə̀ vəchəʼ və loʼ tɨ̀m vəwenə.

1 Bità 1:11

be kəŋ la kəzhwì kə Yesò kì a kə diʼi a vəwenə diʼ zhʉ̀ nə̀ ji yi a Yesò ə ndiʼ lù yenə ngəʼ fa tsù ə be diʼ kədyòʼ kə wen.

Ŋwàʼlə̀ Mak 14:43

Andìʼ ando Yesò mbu gàʼà tò gaʼa, Judàs a andiʼì wìʼ muʼ fa tì ndzɨ̀mtə̀sə bàm wen shì njʉ̀sə̀bò kuʼu vì wenə̀ nòyn ə viʼi ghə̀ kiʼ nyisə nə̀ mbàŋsə mu à tɨ̀m tʉtʉ vəpfèm və ngə̀ŋ Nyìngòŋ, nə̀ ndìʼsə̀sə təsoʼ bènə̀ vəchəʼ ntɨm vəwenə.

2 Bità 2:21

Kə sətsen ə ndiʼ alə̀, mù kə tə boŋsə boŋ la vəwenə faŋ kò və lu kɨ ji ntsìnə̀ ə tɨmə no fa mphen, chò ando vəwenə kɨ ə mbe bwensə ko və be zhʉ tebè əsoʼ ə laynə yì a və nku a vəwenə.

Shwèʼ 23:6

A sə ndiʼ ando Bol nyen li la fa ntìntìn viʼi a və ndìʼ a ntsèntə̀ ayì, vətsenvə ndìʼ Və Falàsi, vətsenvə diʼ Vəsadùsis, ghə̀ mù zɨ̀mə no a gɨ to la, “Vəlèmə̀ vwomə, mà dìʼ alə̀ diʼ wu Falàsi, mu vətìʼ vwomə bè ndìʼ tò Və Falàsi. Və soʼo mò a shèn luwèn byìʼàndo mà byɨmə la Nyìngòŋ lu nè viʼi lu fà pfʉ.”

Shwèʼ 23:1

Bol ki dyʉ̀sə̀ nə̀ viʼi vi a ntsèntə̀ ayì ə̀ gàʼ à vəwenə la, “Vəlèmə̀ vwomə, mà ko kwòʼò kwoʼ la ntsìnə̀ yì a mà tsi a shɨ Nyìngòŋ ə zaʼa fa layn dìʼ ale lo. Mà kɨ la ghə̀ dìʼ to nkàyn”

Shwèʼ 22:1

“Vəlèmə̀ vwomə, nə̀ vətìʼ vwomə, ghə̀ŋ zhʉtə kənyʉ̀ a ma ti a ghə̀ŋ a shɨ əgàʼ ndi gyàmtə̀ wen ə ghom a.”

Shwèʼ 15:7

Vəwenə nè gùmə̀ a kənyʉ̀ akì zaʼa a kəshi kətsenkə, Bità lù gàʼ la, “Vəlèmə̀ vwomə, ghə̀ŋ ə kɨ nəmwèʼè la Nyìngòŋ ntsuʼ li mò fa ghə̀ŋ a ntìntìn a tʉʼ mbì la mà nshə̀ʼtə̀ ntɨm jùŋ à viʼi tɨm ndi vəwenə zhʉ ə̀ byɨmə à Bobo.

Shwèʼ 13:38

Ghə̀ŋ nkɨ lì nəmwèʼè a vəlèmə̀ vwomə la, Nyìngòŋ lyesə li nyʉ̀ byɨvə ghə̀ŋ byìʼì kənyʉ̀ kì a Yesò ghèn nlù nè, a diʼì kənyʉ̀ kì a ma gàʼà à ghə̀ŋ luwèn.

Shwèʼ 13:15

Və dzàŋ nyʉ̀ fa ŋwàʼlə̀ soʼ Mosìs bènə̀ fa vəŋwàʼlə̀ və nshə̀ʼtə̀ sə ghoʼkəsə, viʼi vyi a və ntisə nyʉ̀ a ngə̀ŋ ntsèntə̀ tɨm wìʼ la ghə̀ gàʼ à vəwenə la, “Vəlèmə̀ vyesə, a zhʉ a ghə̀ŋ kiʼi kənyʉ̀ əgàʼ a kə a gyàmtə̀ ətosə byɨmə viʼi venə, ghə̀ŋ ə gàʼa.”

Shwèʼ 7:2

Stifèn gàʼ la, “Vətìʼ vwomə nə̀ vəlèmə̀ vwomə, ghə̀ŋ zhʉtə a! Nyìngòŋ yì a ghə̀ kiʼi bayn ə ghoʼghə mvi à Ablaham, tìʼ vəghəŋ mbì, a tʉʼ a ghə̀ mbu tsi a loʼ Mesobotamiyà mibu ghə̀ sə lu ədyʉ̀ ntsi a ntə̀ʼ Halan,

Shwèʼ 2:37

Viʼi avenə nè zhʉ̀ nyʉ̀ vyi a Bità ngàʼà, və sə̀ ku ngəʼ à vəwenə a tətyɨm no nànto. Vəwenə mù bèm à Bità wenə̀ viʼi ntɨm Yesò vətsenvə vi la, “Vəlèmə yès lè zì yès ne ale?”

Shwèʼ 2:23

Və mbaʼlə̀ li Yesò aghèn ando Nyìngòŋ ə̀ nshɨ̀tə̀ li ə̀ ghʉ bè kɨ, ghə̀ŋ zhwi wen a ji la ghə̀ŋ ə̀ nku wen à viʼi ne nyʉ̀ byɨvə. Vəwenə bantə wen a kəntò,

Joyn 19:36

Ənyʉ̀ a venə ə fʉ̀ ndiʼ kənyʉ̀ ki a və nyoʼ a Ŋwàʼlə̀ Nyìngòŋ kwʉʼ, la, “Və ko lu kwaʼtə tebè kəkwoŋ kə wen no kə mùʼ,”

Joyn 10:35

Nyìngòŋ ə sətsen ə toŋtə viʼi vyi a kənyʉ̀ kə Nyìngòŋ kə ə vì a vəwenə la, ‘Vənyìngòŋ,’ vəghəŋ ə kɨ la və zizi ko və lu kwitə kənyʉ̀ kə Nyìngòŋ,

Ŋwàʼlə̀ Luk 22:47

Ando Yesò mbu gàʼà a sətsèn Judàs wu muʼ fa ntyìntyìn ndzɨ̀mtə̀sə bàm wen shisə njʉ̀sə̀ bò sə̀ tensə vì nə̀ nòynə viʼi. Judàs mù vìtə̀ boʼsə Yesò ə sə̀ kəŋ jì bwamtə wen,

Ŋwàʼlə̀ Mak 12:36

Kəzhwì kə ŋwoʼkə ne li Devìt gàʼ, gàʼà la, “Bobo Nyìngòŋ ngàʼa à Bobo ghom la, ŋwʉʼmə a shyə kwòŋ toghə mò əzaʼa fa tʉʼ a ma ghʉ viʼi kəbàyn wù à wù a tì aghʉ.”

Shwèʼ 28:25

Vəwenə gə̀sə̀ fà tsu tò nə̀ ntaŋ ando Bol ngàʼa kənyʉ̀ kènkə kə mùʼ tsu la, “Kəzhwì kə ŋwòʼəkə ə nè tò kənyʉ̀ kə tɨməkə əgàʼ à vətìʼ və vəghəŋ və mbì ə̀ chò fà nshə̀ʼtə̀ Azayà la:

Shwèʼ 28:17

Mətsi chò ntaʼ, Bol dzàŋtə̀ tʉtʉ Vəjew a ntsèntə̀. Vəwenə nè tsèntə̀, ghə̀ gàʼ à vəwenə la, “Vəlèmə̀ vwomə, Vəjew tə ghaʼ mo ə nè və shwìn mò a Jelusalèm be kù mo à viʼi Lum no tè ando mà ko tə̀ nè kənyʉ̀ kə byɨkə kətsenkə à viʼi vəghəŋ, kò a ndiʼ la mà gàʼà li ə̀ mbyɨsə tè kənyʉ̀ kətsenkə kùmə̀ ntsìnə̀ loʼ a ghə̀ nlu fà vətìʼ və vəghəŋ və mbì.

Shwèʼ 15:13

Vəwenə nè gàʼ ə̀ mwètə̀, Jems lù tɨ̀mə ə̀ gàʼ la, “Vəlèmə̀ vwomə, ghə̀ŋ zhʉtə mò a!.

Matìyò 26:14

Wìʼ muʼ fa ntìntìn ndzɨ̀mtə̀sə bàm Yesò shì njʉ̀sə̀ bò a və ndzàŋə̀ nə̀ Judàs Iskalìyòt lù dyʉ̀ yèn tʉtʉ vəpfèm və ngə̀ŋ Nyìngòŋ,

Joyn 17:12

Ma tə ə tuʼmə nə̀ vəwenə ando yo vəwenə tə bò diʼ to muʼ, ə ghʉ̀ vəwenə akayn nə̀ kədyòʼ kì a wù kù a mò. No wù mùʼ ə ko lè, a bwen to yì a ghə̀ tə ndiʼ lù lè, ndi kənyʉ̀ ki a ŋwàʼlə̀ wù gàʼa kwʉʼ.

2 Bità 1:21

Kə diʼ alə̀ byìʼì ando no tèbe kənyʉ̀ kə kò a və ə nyoʼo li a ŋwàʼlə̀ diʼ mu à ə̀ nshə̀ʼtə̀ kəzhwì kə Ŋwoʼkə Nyìngòŋ. Wìʼ ə ko ə nyoʼo kənyʉ̀ kə tsen kə byìʼì ətof ə ngeŋ ə wen.