Shwèʼ 1:15 - The New Testament in the Babanki language

¹⁵ Mətsi chò tò nshə̀ʼ alə̀, viʼi və byɨməvə ə zaʼa ghɨ nə̀ məwum mbò be sə ŋwʉʼ tò kəshi kə mùʼ, Bità lù tɨmə əgàʼ à vəwenə ə̀ gàʼ la,

Shwèʼ 1:15 Referans Kwoze

1 Kolìntyàns 15:6

Ghə̀ ndiʼi li wèn ə wen a ndzɨ̀mtə̀sə wensə sə chò əghɨ ə tayn to ghayn ə mùʼ, viʼi fa vəwenə a ntìntìn bo diʼ ə zàʼa fa layn, və tsenəvə diʼ mù və pfʉkə li.

Kəmwetə 11:13

Nse shen no mwèʼè mwèʼè, tò a zhʉ ayì ə̀ bə̀ytə̀ əshyə ntə̀ʼ muʼ fa tì təshyə wum ə̀ zhwilə viʼi nkamsə sòmbo. Əfàyn ə vì a tətyɨm ə̀ viʼi vyi a və mfaŋə̀ tsu lì no nànto vəwenə mù sə ku əghoʼsə à Nyìngòŋ yì a ghə̀ diʼì a kàŋ.

Shwèʼ 21:20

Vəwenə zhʉ nyʉ̀ avenə sə ghoʼsə̀ Nyìngòŋ mù gàʼ à Bol la, “wu zi wu yen la ngwaʼ və Jus a və zi ko və lu taŋ əbyɨmə li be ghʉ soʼ Mosìs no nkayn.

Joyn 21:23

A le kənyʉ̀ ki a kə nè, ndzɨ̀mtə̀sə bàm Yesò sə sə gàʼa dyʉ̀ to la, na ghèn ko lu pfʉ̀. Alì, Yesò ə ko ngàʼa la ghə̀ ko a pfʉ̀. Ghə̀ ngàʼa la, “Ma le diʼ ə moʼtə la ghə̀ tsi to tsì zaʼa fa kətsi mà lù bwenə vi, ngəʼ ə wù ə sədiʼ ghò tsu a?”

Kəmwetə 3:4

Alì viʼi vətsenvə bù dìʼ tò və tyetə a Saldìs a vəwenə ghʉ ə̀ ndisə vəwenə sə̀ laynə. Vəwenə lu mòʼ ə ndisə fəfəsə yo vəwenə njèʼè a muʼu byìʼàndo vəwenə layn li ə nkwʉʼ.

Joyn 14:12

Ma gaʼa a ghə̀ŋ no nəmwèʼè la, a byɨmə no ndò a mò, ghə̀ a nè tənki tə nyʉ̀ titə a ma nè be nè chò no fa ali byìʼàndo ma bwenə dyʉ̀ a Tìʼ.

Ŋwàʼlə̀ Luk 22:32

alì ma jɨ̀məli a wù la kə byɨmə wù a fəŋ mè. Zhʉ a wù bwènsə̀li vi a mò wu tomsə vəlèmə̀ vyə”.

Matìyò 13:31

Yesò bè mò ngàyn tsen à vəwenə la, “Soʼo Fòyn Nyìngòŋ diʼ tò nə̀ shɨ fəkòʼ fə mostàd, a wìʼ nwe à wen a sɨm fə sə kwi.

Shwèʼ 10:23

Bità zhʉ a lì, ə̀ gàʼ à vəwenə la, vəwenə kwen ə̀ vì wenə̀ vəwenə tsi. Tʉʼ layn, Bità lù wenə̀ vəwenə bènə̀ viʼi vəbyɨməvə vətsenvə fa Joba,

Shwèʼ 11:1

Viʼi ntɨm Yesò nə̀ viʼi vəbyɨməvə vətsenvə vi a və ndìʼ a Judiyà zhʉ la viʼi tɨm be shìsə kənyʉ̀ kə Nyìngòŋ.

Shwèʼ 11:12

Kəzhwì kə ŋwòʼəkə gàʼ à mò la mà dyʉ̀ yo vəwenə kə ma mɨŋmə. Viʼi vəbyɨməvə venə ntʉfə a və nlù fa Joba lə̀ bè vì, yo vəwenə dyʉ̀ a muʼu ə̀ dyʉ̀ zaʼa a Sisalìyà ə̀ dyʉ̀ kwèn a ngə̀ŋ wutsen və dzàŋə̀ nə̀ Kòneliyòs.

Shwèʼ 11:26

Ghə̀ nè kəŋə wen ə̀ yen, ə̀ lyɨ̀ wen wenə̀ wen dyʉ̀ a Antìyòk ə̀ tsì tsu ngwʉʼ mpfen ziʼì viʼi vəbyɨməvə no vəghoʼo. Andìʼ a Antìyòk a və nzìtə̀ sə toŋtə̀ ndzɨ̀mtə̀sə bàm Yesò nə̀ və Viʼi və byɨməvə.

Shwèʼ 11:29

Ndzɨ̀mtə̀sə bàm Bobo shì a sə ndiʼ tsu mù ghʉ̀ la no ndò diʼ ntɨmə gyàmtə̀ à viʼi vəbyɨməvə vi a və diʼ a Judiyà.

Shwèʼ 12:17

Ghə̀ chìʼ vəwenə tò nə̀ avu, ə̀ shɨ̀tə̀ shə̀ʼtə̀ à vəwenə ando Bobo yì vì nlyɨ wen mfʉ̀ nə̀ wen fà ngə̀ŋ mfɨŋ, bè gàʼ la vəwenə shə̀ʼtə̀ kənyʉ̀ a kènkə à Jems bènə̀ à viʼi vəbyɨməvə vətsenvə. Ghə̀ gàʼ a lì, ə lù dyʉ̀ a kəshi kə kədyàŋ.

Shwèʼ 14:2

Viʼi Jus vi a vəwenə ntyèn la vəwenə ko byɨmə à Bobo lì zìtə̀ sə bosə̀ viʼi tɨm vi la tinsə vəwenə sə mfwi à wèn viʼi avenə.

Shwèʼ 15:1

Viʼi vətsenvə lù fa loʼ Judiyà ə̀ shìʼi vì a Antìyòk ə zìtə̀ sə ziʼi viʼi vəbyɨməvə tsu gàʼà la, “Və fàŋ ke shɨ̀tə ndyə̀ wù ando soʼ Mosìs gàʼà kò Nyìngòŋ lù bwòŋsə̀ wù.”

Shwèʼ 15:3

Viʼi vəbyɨməvə baʼtə̀ jèʼ aghenə ə dyʉ̀ tènsə vəwenə a ji. Vəwenə dyʉ̀ chò fa loʼ Fònisiya nə̀ Samalìyà shə̀ʼtə à viʼi vəbyɨməvə vətsenvə tsu ando viʼi tɨm vətsenvə kwitə li ntsìnə̀ vəwenə ə̀ byɨmə Yesò. Soʼgho aghèn nè, viʼi vəbyɨməvə no vətsèm sə saŋlə̀ no nànto.

Shwèʼ 16:2

Viʼi vəbyɨməvə a və ndìʼ a Lista bènə̀ a Ikonùm nkɨ la Timotì kìʼ ntsìnə̀ jùŋə.

Shwèʼ 16:40

Bol wenə̀ Silàs nè fʉ̀ fà mfɨŋ ayì, ə̀ dyʉ̀ a ngə̀ŋ Lydiyà ə yèn viʼi vəbyɨməvə tsu, ə̀ shɨ̀tə̀ gàʼ à vəwenə ndi tomsə vəwenə ə byɨmə vəwenə nto dyʉ̀ tò nə̀ mbì mù lù ə̀ fʉ̀ fa ntə̀ʼ ayì.

Shwèʼ 17:6

Vəwenə kwen tsu kò vəwenə lù yèn Bol wenə̀ Silàs mù ghàʼ Jasòn wenə̀ viʼi vəbyɨməvə vətsenvə ə̀ gùf ə̀ vì nə̀ vəwenə a shɨ viʼi nsoʼ, zɨmə̀ gàʼà la, “Viʼi venə diʼ mu vəwenə nəʼə li tò mbì tsèm, luwèn vəwenə vì li nzaʼa a vəghəŋ a ntə̀ʼ,

Shwèʼ 17:10

Tʉʼ nè jɨ, viʼi vəbyɨməvə vi lyɨ̀ Bol wenə̀ Silàs ə̀ tɨm la vəwenə nyɨŋ ə̀ dyʉ̀ a ntə̀ʼ Belì byìʼì ngəʼ aghèn. Vəwenə dyʉ̀ tsu bè dyʉ̀ kwèn a ngə̀ŋ ntsèntə̀ Vəjew.

Shwèʼ 17:14

Viʼi vəbyɨməvə tɨm Bol wenə̀ viʼi vətsenvə la vəwenə shiʼi dyʉ̀ a mbyɨ̀ àmù mə ghoʼomə̀ tò a zhʉ ayì, alì Silàs wenə̀ Timotì faŋ tò a Belì.

Shwèʼ 18:18

Bol bè tsìtə no məntsi alə̀ wenə̀ viʼi vəbyɨməvə a Kolìn ə̀ mù tòŋtə vəwenə ə̀ lù wenə̀ Blisilyà bènə̀ Akwilà fà ntə̀ʼ Senchilì ə̀ dyʉ̀ a loʼ Sylia. Mibu vəwenə sə nkwen a nkanuʼ əlù, mu Bol kom li kətʉ kə wen byìʼàndo ghə̀ ndìʼ mu ghə̀ ghʉ li kənyʉ̀ kətsenkə a məkàyn wenə̀ Nyìngòŋ.

Shwèʼ 18:27

A sə ndiʼ ando Abolòs ngàʼà la ghə̀ a kòŋ ətɨmə dyʉ̀ a Akayà, viʼi vəbyɨməvə a Efesùs gyàmtə̀ wen ə̀ nyòʼ ŋwàʼlə̀ à viʼi vəbyɨməvə a Akayà gàʼà la vəwenə shisə wen no a nkàyn. Ghə̀ tɨmə̀ ə̀ dyʉ̀ tsu ə̀ sə ku gyàmtə̀ ghoʼghə à viʼi vyi a və sə ndiʼ mu və byɨmə li byìʼì bòŋə̀ tyɨm ə Nyìngòŋ.

Shwèʼ 21:7

Yès lù fa ntə̀ʼ Tayà ə̀ jèʼ tò alə̀ ə̀ dyʉ̀ fʉ̀ a ntə̀ʼ Bolemyas ə̀ ghayntə viʼi vəbyɨməvə vətsenvə tsu yo vəwenə tsi

Shwèʼ 21:17

Yès dyʉ̀ zaʼa a Jelusalèm, viʼi vəbyɨməvə shisə yes tsu nə̀ saŋlə ghə̀.

Shwèʼ 22:5

Kətʉ kə tʉtʉ vəpfèm və ngə̀ŋ Nyìngòŋ nə̀ vəchəʼ və loʼ no vətsèm zì və tɨmə a nə̀ viʼi və yenəvə a nyʉ̀ venə a ma gàʼà lə̀. Vəwenə nyòʼò li vəŋwàʼlə̀, ə̀ kù kədyòʼ à mò gàʼà la mà dyʉ̀ ə̀ kù à vəlèmə̀ vwomə Vəjew a ntə̀ʼ Damaskus ə̀ ghaʼtə viʼi vyi a və ndzɨ̀mtə̀ Jì fi aghèn ə̀ vì nə̀ vəwenə a Jelusalèm ndi və ku ngəʼ à vəwenə.

Shwèʼ 28:14

Ando yès nkwen ə̀ vì tsu, yès kwetə viʼi vəbyɨməvə, vəwenə sensə la yo vəwenə tsi. Yo vəwenə tsi woŋ mpfen, yès mù chò dyʉ̀ a Lum.