Shwèʼ 1:14 - The New Testament in the Babanki language

¹⁴ A ndìʼ a lì, vəwenə nghoʼo zhùŋtə̀ əjɨ̀m a ntsèntə̀ wenə̀ ki vətsenvə nə̀ Mèli ə lì Yesò bènə̀ vəlèmə̀ və wen.

Shwèʼ 1:14 Referans Kwoze

Efisyàns 6:18

Ghə̀ŋ sə ne nyʉ̀ a venə, ghə̀ŋ ə njɨ̀mə̀ a Nyìngòŋ to məzhʉ̀ ə tsèm, ando kəzhwì kə wen kə ə tisə ghə̀ŋ. Jɨ̀mə̀ la Nyìngòŋ gyamtə ghə̀ŋ no gho a ghə̀ŋ kəŋ. Ghə̀ŋ ə̀ tùʼmə̀, kə wìʼ ne ə lyesə ə jɨ̀m. Ghə̀ŋ mbe ə njɨ̀mə̀ a viʼi Nyìngòŋ no və tsèm.

Shwèʼ 6:4

Və a nè a lì yès mu nkiʼ zhʉ njɨ̀mə̀ be shə̀ʼtə̀ tò ntɨm ə jùŋ.”

Kòlòsyàns 4:2

Ghə̀ŋ ne njɨ̀mə̀ to jɨ̀mə̀, kə ghə̀ŋ a bwaʼ, ku kəzòŋ a Nyìngòŋ.

Shwèʼ 2:42

vəwenə bè kù təwen tə vəwenə sə̀ zhʉtə̀ nyʉ̀ vyi a viʼi ntɨm ə̀ Yesò nziʼì gə̀tə̀ no kənyʉ̀ kə kò akì a vəwenə nkiʼi zhɨ be jɨ̀mə̀ tò a kənyʉ̀ kə mùʼ.

Lumans 12:12

Ghə̀ŋ saŋlə kumə nyʉ̀ vyi a ghə̀ŋ kɨ la və diʼ ambì. Ngəʼsə nvi a ghə̀ŋ, ghə̀ŋ wensə to wensə be jɨ̀mə̀ to məzhʉ̀ ə tsèm.

Ŋwàʼlə̀ Luk 18:1

Yesò bè mò tò mu ngàyn tsen à ndzɨ̀mtə̀ sə bàm wen ə ziʼi vəwenə la vəwenə diʼi jɨ̀mə̀ tò məzhʉ tsèm, kò ve lù bwaʼa.

Matìyò 21:22

Ghə̀ŋ sətsèn njɨ̀mə̀ bèmə̀ no ghò à Nyìngòŋ ghə̀ à kù à ghə̀ŋ a zhʉ a ghə̀ŋ kiʼi byɨmə.”

Shwèʼ 2:1

Andìʼ ando kətsi kə ghoʼokə a və ndzàŋə̀ nə̀ Bentakòs mvi, viʼi vəbyɨməvə tsèntə̀ a kəshi kə mùʼ.

Ŋwàʼlə̀ Luk 11:13

A zhʉ a ghə̀ŋ viʼi nè nyʉ̀ byɨvə, zì ghə̀ŋ kɨ əku fo jùŋ və à vunə vəŋə, no Tìʼ ghə̀ŋ a ghə̀ diʼi a kàŋ ne faŋ ale ke ku Kəzhwì kəŋwoʼkə à viʼi vyì à və bèmə̀ à wen a?”

Shwèʼ 2:46

Vəwenə vi zhùŋtə̀ à ngə̀ŋ Nyìngòŋ tò mətsì ntsèm. Vəwenə nè fʉ̀, və sə jèʼè zhɨ tò à ngə̀ŋ a ngə̀ŋ be saŋlə̀ a kənyʉ̀ kə mùʼ,

Ŋwàʼlə̀ Luk 24:53

ə sə̀ kuʼsə̀ Nyìngòŋ no me zhʉ tsèm a wen a ngə̀ŋ.

Matìyò 12:46

Yesò mbu gàʼà à tənòyn tə viʼi a vyi a tə njèʼè fa wen a bàm, lì wen bènə̀ vəlèmə̀ və wen vì ə̀ tɨmə a kəbəŋ sə kəŋ jì əgàʼ à wen.

Ŋwàʼlə̀ Luk 24:10

Viʼi a və shə̀ʼtə̀ kənyʉ̀ a viʼi ntem gàʼa Nyìngòŋ ə ndi Mèli, a ghə̀ əlu fa Madalin Jowanà, Mèli ə li Jems bè nə̀ ki ve tsèm a və ndiʼ wen və wen,

Ŋwàʼlə̀ Luk 23:55

Kyì vyi a ghə̀ nvì wen vəwenə fa Galìlì, dzɨ̀mtə̀ dyʉ̀ yèn sè ayì bè yèn ando və nyòŋsə̀ bvenə wen.

Ŋwàʼlə̀ Luk 23:49

Viʼi ndoŋsə wen no vətsèm bènə̀ kyì a və ndzɨ̀mtə̀ wen fa Galìlì ntɨmə kəghaf ə yenə nyʉ̀ a venə no tsèm.

Ŋwàʼlə̀ Mak 16:1

Andìʼ ando kətsi kə zhʉ̀təkə nchò li, Mèli wù Magdala, Salomè bènə̀ Mèli Lì Jems zen njʉ̀sə̀ əzuʼ ə wen ədyʉ̀ əzuʼ kəmpfʉ kə Yesò tsu.

Ŋwàʼlə̀ Mak 15:40

Ki vətsenvə mbe ti no kəghaf yenə nyʉ̀ tsèm a və nchò. A ntìntìn ki avenə, à ndìʼ, Mèli wù Magdala, Mèli lì Jems tyetə wen ə Josèf bènə̀ Salomè.

Matìyò 27:55

Ki vətsenvə no vəghoʼo nti no kəghaf lyè nyʉ̀ avenə. Vəwenə mvi fa Galìlì wenə̀ və Yesò jèʼè gyàmtə̀ vì nə̀ wen.

Ŋwàʼlə̀ Luk 24:33

Tò a zhʉ a ghə̀ŋ, vəwenə lu tɨmə, ə bwènə̀ dyʉ̀ a Jelusalèm, ə yèn ndzɨ̀mtə̀ sə bàm Yesò njʉ̀ mùʼ bènə̀ viʼi vətsen və a və ndiʼi wenə̀ vəwenə, və tsèntə̀

Ŋwàʼlə̀ Luk 8:20

Wutsen shə̀ʼtə̀ a wen la, “Lì wu wenə vəlèmə vyə ti a kəbəŋ kəŋ əyen wù.”

1 Kolìntyàns 14:13

Kə lə diʼi la wìʼ yi a ghə̀ kɨ ə gàʼà təgàʼ tə kədyàŋ ndiʼ ə jɨ̀mə̀ la kəzhwì kə ku kwʉ̀ʼsə kədyòʼ, ghə̀ kɨ ə shə̀ʼtə ə làynsə nyʉ̀ vyi a ghə̀ gàʼà.