Shwèʼ 1:13 - The New Testament in the Babanki language

¹³ Vəwenə nè kwèn a Jelusalèm ə kwen ə̀ kuʼu dyʉ̀ a tì lùmə ngə̀ŋ kàŋ yì a vəwenə ntsi tsu. A ndiʼ Bità, nè Joyn nə̀ Jems nə̀ Andɨ̀lò, a diʼ Filib nə̀ Tomòs, à diʼ Bàtòlòmiyà nə̀ Matìyò nə̀ Jems wàyn Alphùyùs, nə̀ Simon ə wù kənsɨ̀mtə̀, à be diʼ Judàs wàyn Jems.

Shwèʼ 1:13 Referans Kwoze

Shwèʼ 20:8

Andìʼ a tì ngə̀ŋ kàŋ yì a yès ntsèntə̀ tsu, nkɨsə ndìʼ tsu no səghoʼo.

Ŋwàʼlə̀ Luk 22:12

Ghə̀ a dìʼ tyì ngə̀ŋ kàŋ ghoʼo à ghə̀ŋ mu və shɨ̀tə̀li ghʉ fo tsèm tsu. Ghə̀ŋ dyʉ̀ mbì ə shɨ̀tə̀ fozhɨvə vəghəŋ tsu.”

Ŋwàʼlə̀ Mak 14:15

Ghə̀ à dìʼ tì ngə̀ŋ kàŋ ghoʼo mu və shɨtə̀ li mbaʼtə fo tsu. Ghə̀ŋ shɨtə fozhɨvə a vì tsu.”

Ŋwàʼlə̀ Mak 2:14

Ghə̀ nè lù sə njèʼè dyʉ̀ yèn Levì wàyn Alphùyùs a andiʼì wù tinə̀ kənsè ghə̀ ŋwʉʼ a tò yì a və ntinə kənsè tsu, ə̀ gàʼ à wen la, “Dzɨ̀mtə̀ mo” No a zhʉ̀ ko, ghə̀ lù sə dyʉ̀ fà wen a bàm.

Jems 1:1

A nyòʼò mò ə Jems ə wù shyèʼ ə̀ Nyìngòŋ wenə̀ Bobo Yesò Klistò nyòʼò ŋwàʼlə̀ ghèn: Mà toŋtə̀ viʼi Islel vəbyɨməvə no vətsèm a və saykə li ə̀ ndyʉ̀ a tyì mbyi.

Shwèʼ 12:17

Ghə̀ chìʼ vəwenə tò nə̀ avu, ə̀ shɨ̀tə̀ shə̀ʼtə̀ à vəwenə ando Bobo yì vì nlyɨ wen mfʉ̀ nə̀ wen fà ngə̀ŋ mfɨŋ, bè gàʼ la vəwenə shə̀ʼtə̀ kənyʉ̀ a kènkə à Jems bènə̀ à viʼi vəbyɨməvə vətsenvə. Ghə̀ gàʼ a lì, ə lù dyʉ̀ a kəshi kə kədyàŋ.

Shwèʼ 2:38

Bità bwènsə̀ gàʼ à vəwenə la, “No ghə̀ŋ vətsèm kwitə tətyɨm tyəŋtə fà ghə̀ŋ a nyʉ̀ byɨvə ə̀ shì mu ə dìʼ la ghə̀ŋ ə byɨmə li a Yesò Klistò ndi Nyìngòŋ lyèsə ku nyʉ̀ byɨvə ghə̀ŋ, ə̀ kù Kəzhwì kə Ŋwoʼəkə kènkə à ghə̀ŋ.

Ŋwàʼlə̀ Jud 1:1

A nyòʼò mò Jud ə lèmə̀ Jems ə nyòʼtə̀ ŋwàʼlə̀ ghèn a ghə̀ŋ. Mà diʼ wù ə shwèʼè ə Yesò Klistò. Ma nyòʼò ŋwàʼlə̀ ghèn a ghə̀ŋ a vəlemə və jùŋ və vyi a və ndzàŋ li ə shisə, ghə̀ŋ sə tsi a tyì əkòŋ Nyìngòŋ Tìʼ, Yesò Klistò ə sə lye ghə̀ŋ.

Gàlesìyà 2:9

A sə diʼ to ando Jems wenə Bità nə̀ Joyn a ndiʼ no nàʼ tovə ghaʼ nyʉ̀ a ntsèntə̀sə ə viʼi vəbyɨməvə yen la Nyìngòŋ ə diʼi li ətyɨm ə jùŋə ghə̀ a mò ə ne ma sə be shə̀ʼtə̀ ntɨm ə jùŋ na ghèn, vəwenə ku kəvu a yo Bànabàs, ə diʼi la yo vəwenə sə diʼ to a kənyʉ̀ kəmùʼ. Yo vəwenə mù ghʉ la, yès a nshə̀ʼtə̀ ntɨm ə jùŋ a viʼi a ko diʼ viʼi Jus vəwenə shə̀ʼtə̀ a viʼi Jus.

Gàlesìyà 1:19

Ma ko be yen wù ə ntɨm ə tsen tsu a bwen to Jems, à ndiʼ lèmə̀ Bobo Yesò.

Shwèʼ 15:13

Vəwenə nè gàʼ ə̀ mwètə̀, Jems lù tɨ̀mə ə̀ gàʼ la, “Vəlèmə̀ vwomə, ghə̀ŋ zhʉtə mò a!.

Shwèʼ 4:19

Bità wenə̀ Joyn bòŋsə̀ bwènsə̀ bèm a vəwenə la, “Ghə̀ŋ kwòʼtə̀ la à bòŋ kə kò ashɨ Nyìngòŋ a? La yès zhʉ fa Nyìngòŋ mu la yès zhʉ fa ghə̀ŋ lo?

Shwèʼ 4:13

Bità gàʼ a lì, viʼi a vyi yen nki tətyɨm tətotə tì a wenə̀ Joyn nkìʼ be kɨ la vəwenə diʼ to mbʉ viʼi byìʼàndo vəwenə nko kɨ ŋwàʼlə̀. A ndìʼ a zhʉ ayì a vəwenə mù be kɨ̀ la Bità wenə̀ Joyn ndìʼ viʼi jèʼè Yesò.

Shwèʼ 2:14

Bità ando ghə̀ ndiʼì wenə̀ viʼi ntɨm ə̀ Yesò vətsenvə vi njʉ̀mùʼ mù fʉ̀tə̀ vì ə̀ gàʼ a gɨ to la, “Ghə̀ŋ ə viʼi Jus bènə̀ ghə̀ŋ vi no vətsèm a ghə̀ŋ ə tsi a Jelusalèm, ghə̀ŋ zhʉtə à! Ghə̀ŋ diʼi əkɨ la,

Joyn 21:2

Ndzɨ̀mtə̀sə bàm ə̀ Yesò sə tsèntə diʼ to kəshi kə mùʼ sòmbo, a diʼ Saymun Bità nə̀ Tòmos yi a və toŋtə la Didimùs, nə̀ Nàtanyèl ə wàyn ə wù ə ntə̀ʼ Kanà, alòʼ ə Galìlì, nə̀ vunə Zebedì, benə ndzɨ̀mtə̀sə bàm wen sə tsensə sə bò,

Joyn 18:17

Və sə kwen ali, wàyn wùwì na yì ə bèm a Bità la, “A wù diʼ alə̀ diʼ ə dzɨ̀mtə̀ əbam wìʼ na ghèn ə tsen?” Bità ə tensə ə gàʼ la, “Ma ko diʼ dzɨ̀mtə̀ əbàm wen.”

Joyn 11:16

Nò zhʉ̀ko, Tòmos yi a və mbe toŋtə wen la Didimùs ə gàʼ a ndzɨ̀mtə̀sə bàm Yesò sə tsensə la, “vəghəŋ boŋ dyʉ̀ fa bàm ndìʼsə̀, ghə̀ sə pfʉ, vəghəŋ boŋ pfʉkə dyʉ̀.”

Ŋwàʼlə̀ Mak 14:33

Ghə̀ gàʼ a lì ə̀ lyɨ̀ Bità, Jems nə̀ Joyn wenə̀ vəwenə mù sə dyʉ̀ a muʼu. Nyʉ̀ zìtə̀ sə ku ngəʼ à wen a kwòʼtə̀ no nànto, ghə̀ be diʼ tò a nshinsə a nshinsə.

Ŋwàʼlə̀ Mak 9:2

A sə ndiʼ a bàmə mətsi ntʉfə, Yesò lyɨ̀ Bità, Jems bènə̀ Joyn wenə̀ vəwenə kuʼ a kwi pfen dyə̀fə tsen, kò wìʼ ndiʼ tsu. Ne kuʼ zaʼa tsu, kə̀ʼə̀ wen bvʉ̀tə̀ kwitə tò a vəwenə a shɨ.

Ŋwàʼlə̀ Mak 5:37

Ghə̀ sə ndyʉ̀ a ngə̀ŋ wìʼ ayì kò ghə̀ lù lyɨ̀ wutsen əcho Bità nə̀ Jems wenə̀ lèmə̀ wen Joyn.

Matìyò 9:9

Yesò lù fa tsu sə dyʉ̀ yen wìʼ, a zhiʼi wen ndìʼ Matìyò, ghə̀ ŋwʉʼ atò yì a və tinə kənsè tsu Yesò gàʼ à wen la, “Dzɨ̀mtə̀ mo.” No a zhʉ kò, ghə̀ lù sə dzɨ̀mtə̀ dyʉ̀ fa wen a bàm.

2 Joyn 1:1

A nyòʼò mò ə chəʼ ngə̀ŋ ə̀ Nyìngòŋ nyòʼò ŋwàʼlə̀ ghèn à wùwì yì a Nyìngòŋ ə ntsuʼ li wenə vunə wen a mà kòŋə̀ no nəmwèʼè. A ko kòŋə̀ tò mò, viʼi vətsèm a və kɨ nəmwèʼè ə bè kòŋə̀ vəwenə,

1 Kolìntyàns 15:7

Ghə̀ ndiʼi li wèn ə wen a Jems ə be diʼ a viʼi ntɨm, no və tsèm.

Joyn 14:22

Ghə̀ gaʼa ali, Judàs, a nkò diʼ ghətsen yi a və toŋtə la Iskalìyòt li ə bèm la, “Wù a diʼ ji shəsə a yes ale a Bobo a viʼi mbyi be a faŋ ke yen a?”