Ŋwàʼlə̀ Mak 9:7 - The New Testament in the Babanki language

⁷ Mbòʼ shiʼi tò a zhʉ ayì chiʼtə vəwenə, gɨ̀ fʉ̀ fa tsu gàʼà la, “Ghèn dìʼ wàyn kòŋ mò. Ghə̀ŋ nzhʉ fà wen.”

Ŋwàʼlə̀ Mak 9:7 Referans Kwoze

2 Bità 1:17

A ndiʼ ando tiʼi wen, ə Bobo Nyìngòŋ kùʼsə wen ə ne la ghə̀ kiʼi əbayn ə ghoʼo ghə̀, yès yen. Yès ə zhʉ li ando Nyìngòŋ ghə̀ŋ a ghə̀ kiʼi kədyòʼ no kə tsèm ə gaʼa ə gàʼa la, “Ghèn diʼ wàyn əkòŋ ə mò, ma saŋlə kumə wen no nəkwoŋ.”

Matìyò 3:17

Tò a zhʉ a ghèn, gɨ fʉ vì fa kàŋ ə gàʼ la,“Ghèn diʼ wàyn kòŋ mò, mà saŋlə byìʼì wen nə̀ kwoŋ.”

Ŋwàʼlə̀ Mak 1:11

Gɨ̀ tsen fʉ̀ fa kàŋ gàʼà la, “Wù dìʼ wàyn kòŋ mò. Mà saŋlə̀ byìʼì wù nəkwoŋ.”

Kəmwetə 1:7

Ghə̀ŋ yen a! ghə̀ yì a ghə̀ vì a tì mbòʼsə. No viʼi vətsèm lu yen ə wen ə boʼsə nə̀ viʼi vyi a və nsù wen nə̀ ghoŋə lì. No viʼi vətsèm a kwi nse lu dì byìʼì wen. A dìʼ ə jì a kə lu ndiʼ.

Hibùlù 2:1

Ənyʉ̀ na venə ə diʼi la vəghəŋ ə diʼ ə be ə tuʼtə̀ ə ghaʼ kənyʉ̀ na kènkə a vəghəŋ zhʉ̀ lə ndi vəghəŋ na faŋ kò və lə ə ndì.

Joyn 20:31

Və nyoʼ kènkə alə ndiʼ ghə̀ŋ zhʉ̀, ə byɨmə la Yesò diʼ to no Klistò, ə Wàyn Nyìngòŋ, əbyɨmə ə na ghenə nè, ghə̀ŋ kiʼi ntsìnə̀ yì a ghə̀ ko lu mè a wen a əzhiʼ.

Joyn 6:69

Luwen yes ə byɨmə, be kɨ la, wù diʼ Wù Laynə Nyìngòŋ a wu vi fa kaŋ.”

Joyn 1:34

Ma diʼ mu ma yen li kənyʉ̀ na kènkə ando kə fʉ, ə sə shə̀ʼtə̀ a ghə̀ŋ la wìʼ na ghèn diʼ wàyn Nyìngòŋ.”

1 Joyn 5:20

Vəghəŋ ə̀ bè kɨ la wàyn Nyìngòŋ ə̀ mvi li ə̀ dìʼsə̀ vəghəŋ la vəghəŋ nkɨ Nyìngòŋ yì a ghə̀ diʼì nəmwèʼè. Vəghəŋ sə diʼ a kənyʉ̀ kə mùʼ vəghəŋ və wen yì a ghə̀ diʼì nəmwèʼè bènə̀ wàyn wen ə Yesò Klistò. Ghə̀ dìʼ Nyìngòŋ yì a ghə̀ diʼ nəmwèʼè be diʼ əbwòŋ a ghə̀ ko lu mè.

Lumans 1:4

Nyìngòŋ ə nlùsə Bobo vəghəŋ Yesò Klistò a ghèn fa pfʉ ə diʼ adyòʼ la ghə̀ diʼ to no Wàyn Nyìngòŋ, kiʼi Kəzhwì kə Nyìngòŋ.

Shwèʼ 8:36

Vəwenə sə jèʼè dyʉ̀ ə dyʉ̀ zaʼa a kəshi kətsenkə, ə̀ yèn mu, wù shwèʼ yì gàʼ à Filib la, “Yen mu a shèn a, ale zì à taʼsə no gho luwèn la kə mà shi mu a?”

Shwèʼ 7:37

Mosìs à aghèn dìʼ wìʼ yì a ghə̀ nlù gàʼ à viʼi Islel la, ‘Nyìngòŋ lu tsuʼ wìʼ ə ghə̀ ndiʼ nshə̀ʼtə̀ ghoʼo fà ghə̀ŋ a ntìntìn ə tɨm à ghə̀ŋ ndə̀ŋndəŋ ando ghə̀ tɨ̀m mo. A lu ndiʼ wìʼ mu və tsuʼ tò fà ghə̀ŋ a ngwaʼa ngə̀ŋ.’

Shwèʼ 1:9

Ando ghə̀ ngaʼà nyʉ̀ a venə ə mwètə̀, Nyìngòŋ lyɨ̀ wen ə̀ kuʼsə a kàŋ vəwenə yenə ando ghə̀ kuʼu. Ghə̀ kuʼ alə̀ ə̀ lè a tì mbòʼsə.

Joyn 19:7

Viʼi Jus venə be gàʼ kwʉ̀ʼsə to la, “Yès kiʼi əsoʼ ghə̀ diʼi la ghə̀ diʼ ə pfʉ̀ byìʼì ando ghə̀ ghʉ̀ la ghə̀ diʼi Wàyn Nyìngòŋ.”

Joyn 9:35

Yesò ə zhʉ̀ li la və dzɨ̀m li ə shisə wìʼ yi a ghə̀ tə chʉʼ li fa ngə̀ŋ ntsentə, ə kəŋ ə dyʉ̀ nə̀ wen, ə bèm a wen la, “Wù lə byɨmə li a wàyn Wìʼ a?”

Joyn 5:37

Nò tèbe Tìʼ yì a ghə̀ tɨmə mo gàʼà li to nə̀ nchwò nsòʼ kumə mò. Ghə̀ŋ ko tɨmə zhʉ̀ gɨ wen, ghə̀ŋ ə ko tɨmə yèn to ando ghə̀ kə̀ʼə̀.

Joyn 5:18

Əgaʼa ghenə mu ne viʼi Jus mu sə kəŋ jisə ə zhwi wen byìʼì ando ghə̀ nko kwaʼa to soʼ kətsi kə tʉʼ loʼ, ali be sə toŋtə Nyìngòŋ nə̀ Tìʼ wen diʼi la ghə̀ diʼi ndə̀ŋndəŋ wenə Nyìngòŋ.

Joyn 1:49

Nàtanyèl ə mu gàʼ la, “ndìʼsə̀ wu diʼ wàyn Nyìngòŋ, wù diʼ Fòyn a viʼi Islel!”

Matìyò 27:54

Kətʉ kə vəsugyèʼ kì a kə ntsɨ̀ŋə̀ Yesò lì wenə̀ vəsugyèʼ və tsenəvə nè yèn ando shi ntsɨ̀ŋtə̀ bènə̀ nyʉ̀ kanəvə tsenəvə vi a və mfʉ̀ faynə ə ghaʼ vəwenə, vəwenə mù gàʼ la, “Nəmwèʼè wìʼ ghèn tə ndiʼ wàyn Nyìngòŋ.”

Matìyò 27:43

Ghə̀ choʼsə̀ à Nyìngòŋ be gàʼà la ghə̀ dìʼ wàyn wen. Vəghəŋ yen lì la Nyìngòŋ la gyàmtə̀ wen luwèn lo.”

Ŋwàʼlə̀ Mak 9:6

Ghə̀ nko kɨ̀ la ghə̀ gàʼà la ghò lo byìʼàndo kənyʉ̀ akì kə mfàynsə̀ à vəwenə no nànto.

Ŋwàʼlə̀ Mak 9:8

Vəwenə ki kaʼsə kò vəwenə bè yèn wìʼ əchò Yesò wenə̀ vəwenə.

Ŋwàʼlə̀ Luk 3:22

Kəzhwì kəŋwoʼkə shiʼi a wen kətʉ, kəʼə to nə̀ kəlàto, gɨ fʉ̀ fa kaŋ gàʼà la “Wu diʼ wàyn kòŋ mo, ma saŋlə byìʼì wu nə̀ kwoŋ.”

Joyn 12:28

Diʼi kədyòʼ ə kyəkə a viʼi a Tìʼ!” To alə, gɨ̀ ə fʉ̀ fa kàŋ ə gàʼ la, “Mà sə diʼ mù ma diʼi li, diʼ ə be a diʼ ə kwʉ̀ʼsə.”