Ŋwàʼlə̀ Mak 9:29 - The New Testament in the Babanki language

²⁹ Ghə̀ gàʼ à vəwenə la, “Nki kəzhwì a kènkə dìʼ mu a zì à dzɨ̀m ə̀shìsə tò jɨ̀m. Kəfo kə kədyàŋ kə zi kò kə lù dzɨ̀m shìsə̀.”

Ŋwàʼlə̀ Mak 9:29 Referans Kwoze

Jems 5:15

Vəwenə sətsèn ə nè jɨ̀m aghenə byɨmə, Nyìngòŋ à chʉʼ wu kwaʼa ayì, Bobo be lùsə wen fa kwaʼa. A be ndiʼ la ghə̀ ne li mbyɨ, Bobo à lyèsə̀ mbyɨ wen ayì.

Matìyò 17:20

Yesò bwènsə̀ à vəwenə la, “A dìʼ byìʼàndo byɨmə ghə̀ŋ ə bwaʼa. Mà gàʼà à ghə̀ŋ nəmwèʼè la ghə̀ŋ sətsèn nkiʼ byɨmə ghə̀ tyetə to nə̀ shɨ ngwàʼ mostàd mu ghə̀ŋ zì ghə̀ŋ gàʼ à pfèn ghèn la ghə̀ lu fa kəshi ghèn dyʉ̀ no kəghaf, ghə̀ à dyʉ̀ tò a lì. Ghə̀ŋ tu nkiʼ byɨmə mu kənyʉ̀ kə ko to chò ghə̀ŋ. [

Efisyàns 6:18

Ghə̀ŋ sə ne nyʉ̀ a venə, ghə̀ŋ ə njɨ̀mə̀ a Nyìngòŋ to məzhʉ̀ ə tsèm, ando kəzhwì kə wen kə ə tisə ghə̀ŋ. Jɨ̀mə̀ la Nyìngòŋ gyamtə ghə̀ŋ no gho a ghə̀ŋ kəŋ. Ghə̀ŋ ə̀ tùʼmə̀, kə wìʼ ne ə lyesə ə jɨ̀m. Ghə̀ŋ mbe ə njɨ̀mə̀ a viʼi Nyìngòŋ no və tsèm.

2 Kolìntyàns 12:8

Ma sensə Bobo aghayn a tàʼ la ghə̀ shisə əkwaʼa na ghenə fa mo wèn,

2 Kolìntyàns 11:27

Ma shyèʼè li nchwosə, à viʼi aghayn to kədə̀ŋ, ma tsì to a məkəʼ, ə vi zhʉ tseghə, ma tsì ko andiʼ la ma zhɨ̀ tebè kəfo ko ndiʼ la ma nyʉ̀ tèbè mu, ko ndiʼ la ma kiʼi no kəfo ə zhɨ̀, ko andiʼ la ma kiʼi ngə̀ŋ ə tsì tsu, ko ndiʼ la ma kiʼi no tèbe ndisə ə mòʼ.

Ŋwàʼlə̀ Luk 11:26

kə mù bwènə̀ dyʉ̀ vì nə̀ zhwì byɨvə tsen sòmbo, və fwàynsə chò kəwenkə, zhwì a vi mu vì sə tsi a tì ngə̀ŋ a yi. A zhʉ a yì wìʼ ayi sə fwàynsə chò to ndo ghə̀ tə ndìʼ fa mbì.”

1 Kolìntyàns 9:27

Ma ghaʼa a wèn ə ghomə ndi ghə̀ kaʼkə ə zhʉ fa mò, bwen alì a mà shə̀ʼtə̀ ntɨm ə jùŋ, a lù ndiʼ a kəmwètə, Nyìngòŋ ə ghʉ̀ la ma ko kwʉ̀ʼ ə kiʼi əmòʼtə na yi.

Shwèʼ 14:23

Andìʼ no a ntsèntə̀ viʼi vəbyɨməvə,ko Bol wenə̀ Balnabas ə tsuʼ vəchəʼ və ngə̀ŋ Nyìngòŋ, ə̀ kù à vəwenə. Vəwenə nè tsu, vəwenə jɨ̀mə̀ bè bàmə chʉ̀ mù ghʉ̀sə vəchəʼ a vyi a avu Nyìngòŋ yì a vəwenə nghʉ choʼsə vəwenə à wen.

Matìyò 12:45

kə bwènə̀ dyʉ̀ lyɨ̀ zhwì byɨvə tsenəvə sòmbo, və fàynsə̀ chò kəwenkə, və tsèntə̀ vì sə tsi a wèn wìʼ ayì. Kə nè lyɨ̀ kəshi a lì, wìʼ ayì sə fàynsə̀ chò ando ghə̀ tə ndiʼ fa mbì. A dìʼ tò alə̀ a kə lə ndiʼ à viʼi və byɨvə kəlyɨŋ kə luwèn.”

2 Kolìntyàns 6:5

Və ghòmə li yès ə nshwin yès a nfɨŋ, ə tɨm ənòyn ə viʼi la və tsɨblə nə yès. Və nè li yès shyèʼ chò kədyòʼ ə kyeskə; yès tsì li mətsi mətsenə nə̀ jɨ̀ŋ, ko mbʉ̀nə ə ku əshɨ yesə.

Matìyò 17:21

Wìʼ zì ghə̀ dzɨ̀mə̀ shisə̀ nki kəzhwì kə byɨkə anə̀ kèn tò a zhʉ a ghə̀ jɨ̀mə̀ be bamə chʉ̀.”]

Ŋwàʼlə̀ Mak 9:28

Yesò nè kwèn a ngə̀ŋ, ndzɨ̀mtə̀sə bàm wen sə nyoʼtə bèm à wen la, “Byìʼì ghò a kə yì nto ghoʼo yès, yès dzɨ̀m shìsə̀ kəzhwì kə byɨkə akì a?”

Ŋwàʼlə̀ Mak 9:30

Vəwenə lù fa kəshi ayì sə jèʼè dyʉ̀ chò fa tì Galìlì, Yesò nko kòŋ la wìʼ kɨ la yì dìʼ tsu,