Ŋwàʼlə̀ Mak 9:28 - The New Testament in the Babanki language

²⁸ Yesò nè kwèn a ngə̀ŋ, ndzɨ̀mtə̀sə bàm wen sə nyoʼtə bèm à wen la, “Byìʼì ghò a kə yì nto ghoʼo yès, yès dzɨ̀m shìsə̀ kəzhwì kə byɨkə akì a?”

Ŋwàʼlə̀ Mak 9:28 Referans Kwoze

Ŋwàʼlə̀ Mak 7:17

Yesò nè lù mòʼtə̀ nòyn viʼi a vyi dyʉ̀ kwèn a ngə̀ŋ, ndzɨ̀mtə̀sə bàm wen sə gàʼ à wen la ghə̀ shə̀ʼtə̀ kənyʉ̀ a ngàyn yì ndìʼì.

Ŋwàʼlə̀ Mak 4:34

Ghə̀ nko shə̀ʼtə̀ kənyʉ̀ à vəwenə kèn la ghə̀ mò a nə̀ ngàyn, alì ghə̀ nè bwènə̀ dyʉ̀ a bàm, ghə̀ shɨ̀tə̀ shə̀ʼtə̀ kənyʉ̀ a ngàynsə a shìsə dìʼsə à ndzɨ̀mtə̀sə bàm wen.

Ŋwàʼlə̀ Mak 4:10

Nòyn yi nè gə̀sə̀ fa mbyɨ̀ Yesò ghə̀ faŋ tò wenə̀ viʼi ntɨm wen vi njʉ̀sə̀bò bènə̀ ndzɨ̀mtə̀sə bàm wen sətsensə. Vəwenə mù bèm à wen la ngàynsə ashìsə gàʼà la ghò lo.

Matìyò 15:15

Bità gàʼ à wen la, “Shə̀ʼtə̀ kənyʉ̀ a ngàyn ghèn ziʼi à yès.”

Matìyò 13:36

Andìʼ a zhʉ a Yesò wenə̀ ndzɨ̀mtə̀sə bàm wen ə̀ moʼtə li nòyn viʼi ə̀ bwènə̀ kwen a ngə̀ŋ, vəwenə gàʼ à wen la ghə̀ shə̀ʼtə̀ kənyʉ̀ a ngàyn ə̀ kəfʉ̀ʼ yì ziʼi.

Matìyò 13:10

Ndzɨ̀mtə̀sə bàm Yesò sə kwentə dyʉ̀ boʼsə wen ə̀ bèm la, “Byìʼì ghò a wu gàʼà a viʼi a ngàynsə a?”

Ŋwàʼlə̀ Mak 2:1

Andìʼ ando, Yesò bwènə̀ dyʉ̀ a Kabanùm, viʼi zhʉ̀ la ghə̀ pfwo li,

Ŋwàʼlə̀ Mak 3:20

Yesò nè bwènə̀ pfwo, viʼi bè vì zhùŋtə̀ à wen a mbyɨ̀ no vəghoʼo a ji a jì nko ndìʼ ə Yesò wenə̀ Ndzɨ̀mtə̀sə bàm wen sə zhɨ kəfo.

Ŋwàʼlə̀ Mak 9:27

Yesò ghaʼ kəvu kə wen ə̀ gyàmtə̀ wen ghə̀ lù tɨ̀mə.

Ŋwàʼlə̀ Mak 9:29

Ghə̀ gàʼ à vəwenə la, “Nki kəzhwì a kènkə dìʼ mu a zì à dzɨ̀m ə̀shìsə tò jɨ̀m. Kəfo kə kədyàŋ kə zi kò kə lù dzɨ̀m shìsə̀.”