Ŋwàʼlə̀ Mak 9:10 - The New Testament in the Babanki language

¹⁰ Vəwenə zhʉ kənyʉ̀ a Yesò yì gàʼ alì sə kantə̀ tò à vəwenə a ntìntìn la, “Wàyn Wìʼ lè zì ghə̀ lu ale fa pfʉ a?”

Ŋwàʼlə̀ Mak 9:10 Referans Kwoze

Shwèʼ 17:18

Ndìʼsə̀ sə sətsensə ndìʼ tsu a və ə ndzàŋə̀ nə̀ ndzɨ̀mtə̀sə Ebikulyan nə̀ viʼi Stoyk yen Bol, vətsenvə mù sə bèmə̀ la, “Nki ndìʼsə̀ ghèn lè mwòmsə̀ əgàʼ la ghò, ko ndiʼ la ghə̀ kɨ no kənyʉ̀ a?” Vətsenvə gàʼ la, “Ghə̀ mwòmsə̀ əgàʼ kənyʉ̀ byìʼì vənyìngòŋ və ətɨm.” Vəwenə ngàʼà alə̀ byìʼàndo Bol nziʼi nyʉ̀ byìʼì Yesò be ziʼi la viʼi lu bwènə̀ lù fà pfʉ.

Joyn 12:16

A ndiʼ ando nyʉ̀ a venə nfʉ, ndzɨ̀mtə̀sə bàm Yesò sə yenə ko andiʼ la və kɨ. Ghə̀ lu lù fa pfʉ, ə bwenə dyʉ̀ akəshi kə kùʼsə wen, vəwenə mu kwoʼtə la à diʼi nyʉ̀ mu və ə nyoʼo kumə wen no tsèm, viʼi be nè to li a wen.

Ŋwàʼlə̀ Mak 9:32

Vəwenə nko kɨ̀ kənyʉ̀ a ziʼi ghenə nshyə̀ʼtə̀ alì sə fànə̀ əbèm à wen.

Matìyò 16:22

Bità gùftə̀ wen a bàm sə̀ ghàmə̀ wen gàʼà la, “Nyìngòŋ bʉʼsə la kə nki kənyʉ̀ alə̀ lə̀ fʉ à wù a Bobo.”

Ŋwàʼlə̀ Mak 9:9

Vəwenə nè bwènə̀ sə nshiʼi fa pfen ayì, Yesò kàyn la kə vəwenə à shə̀ʼtə̀ kənyʉ̀ akì à wìʼ əzaʼa fa tʉʼ a Wàyn Wìʼ lu lù fa pfʉ.

Ŋwàʼlə̀ Mak 9:11

Vəwenə bèm à Yesò la, “Byìʼì ghò a ndìʼsə̀sə təsoʼ sə gàʼà la adìʼ vì Elijà a mbì a?”