Ŋwàʼlə̀ Mak 7:19 - The New Testament in the Babanki language

¹⁹ Kə diʼ alə̀ byìʼàndo ghə̀ zhɨ kəfo kò kə lu ndyʉ̀ à wen a tyɨm. Ghə̀ zhɨ kə dyʉ̀ à wen a bèm, fa tsu kə chò fʉ̀ tò fʉ fà wen a wèn.” (Yesò ngàʼà a lì ədìʼ la no kəfo kəzhɨkə kə kò kə laynə a məzhɨ.)

Ŋwàʼlə̀ Mak 7:19 Referans Kwoze

Matìyò 15:17

Ghə̀ŋ ko yenə la no ghò a wìʼ zhɨ ə shiʼì à wen a bèm kə be chò fʉ fà wen a wèn,

1 Kolìntyàns 6:13

Wìʼ zizi ghə̀ gàʼà la, “Ghə̀ŋ zhɨ no tèbe ghò, kə kwenə to bèm, əbèm diʼ to kəshi kə fozhɨvə.” Kə diʼ to no nəmwèʼè, ali Nyìngòŋ ə diʼ lù byɨbsə ə bèm na yi boʼsə nə̀ ə fozhɨvə. Əwèn wìʼ ko diʼ la və ə̀ ne nyʉ̀ ə kəfwaʼlə tsu, və boŋsə diʼ ə nè shyèʼ a Bobo, a diʼ Bobo a ghə tuʼmə nə̀ əwèn a yi.

Shwèʼ 11:9

Gɨ̀ yì bè gàʼ la, ‘Nyìngòŋ sətsèn ghʉ̀ la kəfo kə laynə kwʉ̀ʼʉ̀ a məzhɨ, mu wù ko diʼ gàʼ la soʼ loʼ wù ko byɨmə.’

Shwèʼ 10:15

Gɨ̀ ayì bè gìsə̀ gàʼ à wen la, “Ma sətsèn ghʉ̀ la kəfo kə laynə wù ko diʼi gàʼ la soʼ loʼ ghə̀ŋ ko byɨmə.”

Ŋwàʼlə̀ Luk 11:41

Ghə̀ŋ nə̀ mbòŋsə ku fo a ghə̀ŋ kiʼi à viʼi kəfem ndi no məghò ne ndiʼ layn a ghə̀ŋ.

Kòlòsyàns 2:16

Kə le diʼi la kə ghə̀ŋ moʼtə wìʼ ə tɨmə to nə̀ wìʼ ə soʼo əku təsoʼ a ghə̀ŋ kumə kəfo kì a ghə̀ŋ zhɨ kò vi a ghə̀ŋ nyʉ̀. Kə ghə̀ŋ moʼtə wìʼ ghaʼa ghə̀ŋ la ghə̀ŋ gumlə Nyìngòŋ nəkwoŋ a mətsi mə ghoʼo mə mətsenə a ngʉ̀ʼ kò a və sàŋ və tsenəvə kò a mətsi mə chʉʼ lòʼ Vəjus mətsen.

Ŋwàʼlə̀ Mak 7:18

Yesò gàʼ à vəwenə la, “Ghə̀ŋ bò bu tò ngu to nə̀ viʼi vətsenvə mu? Ghə̀ŋ kɨ la no tè ghò a wìʼ zhɨ ko zì ghə̀ ne la kə ghə̀ a ndiʼ nə̀ laynə.