Ŋwàʼlə̀ Mak 6:41 - The New Testament in the Babanki language

⁴¹ Ghə̀ mù shì təghɨf tə kəbayn tìtə tətàyn nə̀ shʉ shìsə səbò ə̀ ki kùʼsə nə̀ kàŋə, ə̀ kʉ̀ kəzòŋ à Nyìngòŋ, mù byəʼlə kəbayn akì ə̀ kù la ndzɨ̀mtə̀sə bàm wen sə tomtə a shɨ viʼi vi. Ghə̀ be lyɨ̀ shʉ shìsə səbò ə̀ gə̀tə̀ à viʼi no vətsèm.

Ŋwàʼlə̀ Mak 6:41 Referans Kwoze

Matìyò 14:19

Ghə̀ mù gàʼ à nòyn viʼi vi la vəwenə ŋwʉʼtə dyʉ̀ a agəŋ. Ghə̀ bè mù shì təghɨf tə kəbayn kə məka tì tə tàyn bènə̀ shʉsə shì sə bò ə̀ ki kùʼsə nə̀ kaŋ kù kəzòŋ a Nyìngòŋ, byə̀ʼ kəbàyn akì tsèntə̀ kù a ndzɨ̀mtə̀sə bàm wen la sə gətə à viʼi a vyi.

Ŋwàʼlə̀ Mak 7:34

mù ki kùʼsə nə̀ kaŋə ə̀ dèm bè mù gàʼ à wen la, “Ephatha” àdìʼ mu ghə̀ gàʼ la, “Bòʼmə!”

Ŋwàʼlə̀ Luk 24:30

Ando ghə̀ ŋwʉʼmə wenə vəwenə a kəchiʼ əzhɨ, ghə̀ lyɨ̀ kə̀bayn ə bwaʼsə̀, ə byəʼlə bè mù ku a vəwenə

Ŋwàʼlə̀ Luk 9:16

Yesò shi təghɨf tə kəbayn a tìtə nə̀ shʉ shi səbò ə ki kuʼsə nə̀ kaŋ ə ku kəzòŋ a Nyìngòŋ ə byèʼ ku a ndzɨ̀mtə̀sə bàm wen la sə gə̀tə̀ a viʼi a vyì.

1 Kolìntyàns 10:31

Kə lə diʼ la, ghə̀ŋ sə nzhɨ̀ no tèbe ghò, kò ghə̀ŋ nyʉ nyʉ, kò ghə̀ŋ nè no tèbe ghò, ghə̀ŋ ne to ə ku kuʼsə a Nyìngòŋ.

Joyn 17:1

Yesò ə gàʼ mwetə nyʉ̀ na venə ə ki kuʼsə nə̀ kaŋə ə jɨ̀m la, “Tìʼ, əzhʉ̀ kʉʼʉ li luwen. Nè viʼi yen kədyòʼ kə kaynə kə ə wàyn wù ndiʼ ghə̀ nè, viʼi yen kyəkə,

Joyn 11:41

Ghə̀ gàʼ ali, və mu lyisə ngùʼ ayì. Ghə̀ ki kuʼsə nə̀ kaŋə ə gàʼ la, “Ma ku kəzòŋ à wu a Tìʼ byìʼàndo wù nə̀ zhʉtə mò,

Ŋwàʼlə̀ Mak 14:22

Vəwenə nè sə nzhɨ, Yesò lyɨ̀ kəbàyn ə̀ kù kəzòŋ à Nyìngòŋ ə̀ byəʼ kù à vəwenə gàʼà la, “Ghə̀ŋ ghaʼ ə̀ zhɨ. Ghenə diʼi wen ghomə.”

Kòlòsyàns 3:17

Ghə̀ŋ nè no tèbe ghò, kò ghə̀ŋ gaʼa gaʼa, ghə̀ŋ gàʼa to a azhiʼ Bobo Yesò, ku kəzòŋ a Nyìngòŋ, ə Tìʼ chò fa wen.

Lumans 14:6

Wìʼ yi a ghə̀ yenə la kətsi kətsenkə ə kuʼmə chò kə tsenkə ə ne alə̀ ə kuʼsə Nyìngòŋ tsu. Wìʼ a ghə̀ zhɨ to fo ə tsèm ə ku kùʼsə a Nyìngòŋ byìʼì ando ghə̀ zhʉ sə nzhɨ, ghə̀ ku kəzòŋ a Nyìngòŋ. Wìʼ a ghə̀ ko bamə fo ə tsevə ə ne alə̀ be ə ku kùʼsə a Nyìngòŋ byìʼì ando ghə̀ zhʉ sə nè ali, ghə̀ ku kəzòŋ a Nyìngòŋ.

Joyn 6:23

Məbaŋ mə tsenə mə lù fa Tàybelìyàs ə vì tɨmə a ben kəshi yi a Yesò ə bwaʼsə fozhɨvə vyi ə ku a viʼi tsu li la vəwenə zhɨ.

Joyn 6:11

Yesò ə mu shi kəbayn a kì ə ku kəzòŋ a Nyìngòŋ, mu ku la və gətə a viʼi a venə. Ghə̀ be shi shʉ̀ shisə ə ku to kəzòŋ a Nyìngòŋ ə gə̀tə̀ a viʼi, no ndò ə zhɨ kwiʼ to ando ghə̀ kòŋə.

Matìyò 26:26

Vəwenə sə mbu zhɨ Yesò lyɨ̀ kəbayn kə məka ə̀ kù kəzòŋ à Nyìngòŋ mù bwəʼ ə̀ kù à ndzɨ̀mtə̀sə bàm wen gàʼà la, “Ghə̀ŋ ghaʼ ə̀ zhɨ. Ghenə diʼ wen ə ghomə.”

Matìyò 15:36

Vəwenə nè ŋwʉʼtə, Yesò shi təghɨf tə kəbayn tə məka titə sòmbo nə̀ məshʉ̀tə mì ə̀ kù kəzòŋ à Nyìngòŋ mù byəʼə̀ kù à ndzɨ̀mtə̀sə bàm wen, vəwenə mù gə̀tə̀ dyʉ̀ à viʼi vi.

Shwèʼ 27:35

Bol ngàʼ a lì ə̀ lyɨ̀ kəbayn ə̀ kù kəzòŋ à Nyìngòŋ tò à vəwenə a shɨ mù byəʼ ə̀ zìtə̀ sə zhɨ.

Ŋwàʼlə̀ Mak 6:40

Vəwenə mù ŋwʉʼ. Tənòyn tə tsentə kiʼ viʼi məwum ntàyn ntàyn, vətsenvə kiʼ viʼi ghɨ.

Ŋwàʼlə̀ Mak 6:42

Vəwenə zhɨ kwiʼ no vətsèm.

Ŋwàʼlə̀ Mak 8:19

A ndìʼ ando mà mbyəʼlə, təghɨf tə kəbayn tìtə tətàyn ə zhis viʼi nkamsə sətàyn, ghə̀ŋ mboŋtə byəʼ və lwin a nkyèsə sə shə̀ʼ lì?” Vəwenə gàʼ la, “A ndiʼi nkyèsə njʉ̀sə̀bò.”