Ŋwàʼlə̀ Mak 6:15 - The New Testament in the Babanki language

¹⁵ Viʼi vətsenvə gàʼà la, àdìʼ nshə̀ʼtə̀ Elijà a ghə̀ bwènə̀ mvi vətsenvə be gàʼà la àdìʼ nshə̀ʼtə̀ ghoʼo tsen to nə̀ shìsə a sə ndiʼì a tʉʼ mbì.

Ŋwàʼlə̀ Mak 6:15 Referans Kwoze

Matìyò 21:11

Viʼi vi bwènsə̀ la, “A dìʼ Yesò nshə̀ʼtə̀ ghoʼo yì a ghə̀ lù fa ntə̀ʼ Nazalèt a loʼ Galìlì.”

Ŋwàʼlə̀ Mak 8:28

Vəwenə gàʼ à wen la, “Viʼi gàʼà la wù diʼi Joyn wù ku à mù, vətsenvə gàʼà la wù diʼi nshyə̀ʼtə̀ Elijà, vətsenvə gàʼà la wù diʼi nshyə̀ʼtə̀ ghoʼo tsen.”

Matìyò 16:14

Vəwenə bwènsə̀ gàʼ la, “Viʼi vətsenvə gàʼà la wù dìʼ Joyn wù ku à mù, viʼi və tsenəvə gàʼà la wù dìʼ nshə̀ʼtə̀ Elijà, vətsenvə be gàʼà la wù dìʼ nshyə̀ʼtə̀ Jèlimayà ko nshyə̀ʼtə̀ ghoʼo tsen.”

Joyn 9:17

Və laʼtə to alə, vəwenə be bwensə bèm a wìʼ ghèn a Yesò ə chʉʼ li la, “Nò wù ə kwoʼtə la gho kumə wen a? A ko ghə̀ tə chʉʼ ashɨ a wu.” Wìʼ ghèn ə bwensə la, “Ghə̀ diʼ nshə̀ʼtə̀ ə ghoʼo.”

Joyn 7:40

Viʼi vətsenvə a ntìntìn ənòyn a yi ə zhʉ li kənyʉ̀ ki a Yesò ə gàʼ, ə sə gàʼa la, “nəmwèʼè wìʼ ghèn ə diʼ to no Nshə̀ʼtə̀ Nyìngòŋ ə ghoʼo.”

Joyn 6:14

Viʼi na vi ə yen li kənyʉ̀ kə kaynəkə na kènkə a Yesò nè ə sə gàʼ la, “A diʼ to no Nshə̀ʼtə̀ ə ghoʼo yì a ghə̀ ndiʼ lu vì a mbyi.”

Joyn 1:25

Vəwenə ə bèm mwètə̀ a wen la, “Wu ə ko diʼ wìʼ a və tsuʼ li, ko ndiʼ la wu diʼ Ilajà, ko Nshə̀ʼtə̀ ə ghoʼo yì a və ə kə̀ʼtə̀, ə sə kù mu mə ghò?”

Joyn 1:21

Vəwenə be bèm kwʉ̀ʼsə a wen la, “Wù ə diʼ no ndò? A diʼ wu Ilajà mu?” Joyn gàʼ la ghə̀ ko diʼ Ilajà. Vəwenə be mù bèm la ghə̀ diʼ Nshə̀ʼtə̀ ə ghoʼo yì a və ə kəʼtə li mu? Joyn ə bè tensə tò tensə.

Ŋwàʼlə̀ Luk 9:19

Vəwenə bwènsə̀ la “Və gàʼà la wu diʼ Joyn wù Ku Amù, vətsenvə gàʼà la wù diʼi nshə̀ʼtə̀ Elijà, vətsenvə gàʼà la wù diʼ nshə̀ʼtə̀ mu tsen a ghə̀ bwènə̀ nlù fa pfʉ.”

Ŋwàʼlə̀ Luk 9:8

vətsenvə gàʼà la nshə̀ʼtə̀ Elijà be bwènə̀ nvi, vətsenvə gàʼà la à diʼ nshə̀ʼtə̀ ghoʼo tsen tò nə̀ shìsə a sə ndiʼ a tʉʼʉ mbì a ghə̀ bwènsə̀li lu li fa pfʉ.

Ŋwàʼlə̀ Luk 7:39

Ando wù Falàsi yì a ghə̀ nlaʼà Yesò, nyen kənyʉ̀ akyì sə gàʼà a wen a ngə̀ŋ la, “Wìʼ ghèn tu ndìʼ nshə̀ʼtə̀ ghoʼo, mu ghə̀ kɨ li nkì wùwì ghèn a ghə̀ kùmə̀ wen lə̀ dìʼ wù nyʉ̀ byɨvə.”

Ŋwàʼlə̀ Luk 7:16

Fàyn ghaʼ no viʼi vətsèm tsu. Vəwenə sə kuʼsə Nyìngòŋ gàʼà la, “Nshə̀ʼtə̀ ghoʼo vì li a vəghəŋ a ntìntìn. Nyìngòŋ vì li ə lye viʼi wen!”

Ŋwàʼlə̀ Luk 1:17

Ghə̀ nè dyʉ̀ a shɨ nə̀ Bobo nə̀ kədyòʼ kə Nyìngòŋ ndə̀ŋndəŋ tò nə̀ Elija; ndì nè la vətiʼi wenə vunə vəwenə tsi ntsìnə̀ muʼ, bè nè la viʼi a və to kətʉ bwenə bwaʼmə, bè tof to nə̀ viʼi kənyʉ̀ kə tɨmə kə. Ghə̀ ne gyàmtə̀ ənè la viʼi sə̀ mbaʼtə ndiʼ wen və Bobo ti a kayn a byɨmə.”

Ŋwàʼlə̀ Mak 6:16

Helòd nè zhʉ̀ a lì gàʼ la, “Adìʼ Joyn wù ku à mù. Mà ə ne li və tin kətʉ kə wen, alì ghə̀ be mbwènsə̀ nlu fa pfʉ!”