Ŋwàʼlə̀ Mak 6:12 - The New Testament in the Babanki language

¹² Vəwenə fʉ̀ mù sə ziʼì dyʉ̀ à viʼi la vəwenə kwitə tətyɨm tə vəwenə fà vəwenə a nyʉ̀ byɨvə

Ŋwàʼlə̀ Mak 6:12 Referans Kwoze

Matìyò 4:17

Əzìtə̀ fa mətsi ayì ədyʉ̀ nə̀ mbì, Yesò mù shə̀ʼtə̀ ntɨm Nyìngòŋ gàʼ à la,“Ghə̀ŋ kwetə tətyɨm təŋtə fa ghə̀ŋ a mbyɨsə byiʼàndo soʼ fòyn Nyìngòŋ boʼsə li.”

Shwèʼ 20:21

Mà tə mpfàntə̀ Vəjew wenə̀ viʼi tɨm la vəwenə kwitə tətyɨm tə vəwenə fà vəwenə mbyɨsə ə̀ bwènə̀ vì à Nyìngòŋ, ə̀ byɨmə à Bobo vəghəŋ Yesò Klistò.

Shwèʼ 11:18

Andìʼ ando Vəjew vəbyɨməvə nzhʉ kənyʉ̀ a Bità ngaʼà, vəwenə nko bè ghàm wen. Vəwenə sə bwomsə̀ Nyìngòŋ gàʼà la, “Nyìngòŋ be ku ji à viʼi tɨm la vəwenə kwitə tətyɨm tə vəwenə fa vəwenə a nyʉ̀ byɨvə ndi lu kiʼi bwòŋ.”

Shwèʼ 2:38

Bità bwènsə̀ gàʼ à vəwenə la, “No ghə̀ŋ vətsèm kwitə tətyɨm tyəŋtə fà ghə̀ŋ a nyʉ̀ byɨvə ə̀ shì mu ə dìʼ la ghə̀ŋ ə byɨmə li a Yesò Klistò ndi Nyìngòŋ lyèsə ku nyʉ̀ byɨvə ghə̀ŋ, ə̀ kù Kəzhwì kə Ŋwoʼəkə kènkə à ghə̀ŋ.

Ŋwàʼlə̀ Luk 13:3

Mà shə̀ʼtə̀ à ghə̀ŋ la kə ko diʼ ali no fa mpfen, ghə̀ŋ faŋ kè kwitə tətyɨm təŋtə fa nyʉ̀ byɨvə, ghə̀ŋ vətsèm lù lè tò ndə̀ŋndəŋ.

Ŋwàʼlə̀ Luk 11:32

A be lu ndìʼ a kətsi nsoʼ Nyìngòŋ, viʼi Nenivè be tɨmə ə ghàm ghə̀ŋ byìʼàndo vəwenə nzhʉtəli ziʼi Jonà ə kwitə tətyɨm tə vəwenə fa vəwenə mbyɨsə ə ghʉsə ntsìnə̀ byɨ vəwenə. Wìʼ diʼ a shə̀ luwen a ghə̀ cho Jonà.”

Matìyò 3:8

Ghə̀ŋ nè nyʉ a və diʼi la ghə̀ŋ kwitə li tətyɨm təŋtə fa mbyɨsə.

Matìyò 3:2

“Ghə̀ŋ kwitə tətyɨm təŋtə fà a ghə̀ŋ a mbyɨsə byìʼàndo soʼ fòyn Nyìngòŋ boʼsə li”

Shwèʼ 26:20

Ma tə zìtə̀ sə̀ ziʼi viʼi fa Damaskus a mbì, ə̀ ziʼi viʼi a Jelusalèm, ə̀ ziʼi viʼi a loʼ Judiyà no tsèm bè ziʼi viʼi tɨm la vəwenə kwitə tətyɨm tə vəwenə fà vəwenə nyʉ̀ byɨvə ə vì à Nyìngòŋ, la vəwenə nè nyʉ̀ vyi a və dìʼì la vəwenə kwitə li tətyɨm tə vəwenə.

Shwèʼ 3:19

Ma sə gàʼà à ghə̀ŋ la ghə̀ŋ kwitə lì tətyɨm ə̀ təŋtə ə̀ bwènə̀ vì à Nyìngòŋ a ghə̀ a shʉ nyʉ̀ byɨvə ghə̀ŋ ə màʼà. Bobo mu nè tətyɨm təŋtə tə nzhʉ̀tə̀ a zhʉ ayì,

Ŋwàʼlə̀ Luk 24:47

bènə̀ la və a shə̀ʼtə̀ kənyʉ̀ kə Nyìngòŋ ndì viʼi wen azhiʼ no tə loʼ tə̀tsèm əzìtə̀ fa Jelusalèm Nyìngòŋ lyesə ku mbyɨsə vəwenə.

Ŋwàʼlə̀ Luk 15:10

Ma gàʼà ghə̀ŋ la wu ne nyʉ̀ byɨvə mùʼ sətsen kwitə tyɨm wen ə bwenə dyʉ̀ à Nyìngòŋ, ntsɨŋsə wen sə saŋlə̀ tò ndə̀ŋndəŋ.”

Ŋwàʼlə̀ Luk 15:7

Ma gàʼà ghə̀ŋ la kə lu ndiʼ tò alì a kaŋ. Saŋlə lu ndiʼ a kàŋ byìʼì wù ne nyʉ̀ byɨvə mùʼ a ghə̀ kwitə tyɨmə wen ə bwenə vi à Nyìngòŋ chò ando ghə̀ lu ndiʼ byìʼì viʼi və ghoʼvə vyi a və kwìʼtə la və ko bè diʼi kwitə tətyɨm tə vəwenə fa mbyɨsə.

Ŋwàʼlə̀ Luk 13:5

Kə ko diʼ ali no fa mpfen, alì mà gàʼà ghə̀ŋ la, ghə̀ŋ sətsèn faŋ kè kwitə tətyɨm təŋtə fa ghə̀ŋ nyʉ̀ byɨvə, ghə̀ŋ vətsèm be lə̀ lè tò ndə̀ŋndəŋ.”

Ŋwàʼlə̀ Mak 1:15

gàʼà la, “Zhʉ kwʉʼʉ̀ li, soʼo Fòyn Nyìngòŋ boʼsə li. Ghə̀ŋ kwitə tətyɨm təŋtə fà ghə̀ŋ a mbyɨsə ə̀ byɨmə ntɨm jùŋə ghèn.”

Matìyò 11:20

Viʼi ntə̀ʼ shìsə a Yesò ə nè nghoʼ nyʉ̀ kaynəvə tsu tyen la vəwenə kò kaʼsə tətyɨm tə vəwenə, Yesò mù sə ghàmə̀ vəwenə gàʼà la,

Matìyò 9:13

Ghə̀ŋ dyʉ̀ kəŋ kɨ̀ kənyʉ̀ kənkə a Nyìngòŋ gàʼ à wenə ŋwàʼlə̀ la, ‘Mà kusə shɨnsə a viʼi, kə ghə̀ŋ nə̀ shə̀ tò nyamsə a mo.’ Ma ko tə vi ə tisə viʼi vyì a və sə ti akayn, mà tə vi ə tisə viʼi və byɨvə.”

Ŋwàʼlə̀ Luk 9:6

Viʼi ntɨm wen a vyi mù fʉ̀ sə jèʼè dyʉ̀ no ntə̀ʼ sə tsèm shə̀ʼtə̀ dyʉ̀ nə̀ ntɨm jùŋ, bè chʉʼʉ viʼi no fe a vəwenə yenə.

Ŋwàʼlə̀ Mak 1:3

Wutsen ə zɨmə gàʼà fa nse zɨm la, ‘Ghə̀ŋ shɨtə jì Bobo. Ghə̀ŋ ne mə jìtə mə wen mə nàyn.’”

Matìyò 11:1

Andìʼ ando Yesò mwètə̀ əziʼi ndzɨ̀mtə̀sə bàm wen shì njʉ̀sə̀ bò, ghə̀ lù fa tsu sə shə̀ʼtə̀ kənyʉ̀ kə Nyìngòŋ be tyɨftə dyʉ̀ nə̀ viʼi a ntə̀ʼsə sətsensə a Galìlì.