Ŋwàʼlə̀ Mak 5:7 - The New Testament in the Babanki language

⁷ ə̀ zɨ̀mə nò a gɨ to gàʼà la, “Wù kəŋə ghò fà mò a Yesò ə wàyn Nyìngòŋ yì a ghə̀ ŋaŋtə li nkwʉʼ lì? Mà sensə̀ wù a zhiʼ Nyìngòŋ la kə wù à ku ngəʼ à mò!”

Ŋwàʼlə̀ Mak 5:7 Referans Kwoze

Matìyò 8:29

Vəwenə yen Yesò tò yenə ə zɨmə bèm a wen la, “Wù kəŋ gho fà yès a, Wàyn Nyìngòŋ ghèn? Wù vì ə ku ngəʼ à yès mimbu kətsi kə ngəʼ yès kə kwʉʼ mu?”

Shwèʼ 16:17

Ghə̀ dzɨ̀mtə̀ yo və Bol, zɨmə̀ gàʼà vì tò la, “Viʼi venə diʼ viʼi a və shyèʼè à Nyìngòŋ yì a ghə̀ Ŋaŋtə Chò vənyìngòŋ no vətsèm lì. Vəwenə shə̀ʼtə̀ jì a Nyìngòŋ zì ghə̀ bwoŋsə ghə̀ŋ fa tsu.”

Ŋwàʼlə̀ Jud 1:6

Ghə̀ŋ kwoʼtə ətsɨŋsə Nyìngòŋ shisə a vəwenə moʼtə kəshi kì a Nyìngòŋ ə nku a vəwenə, ə chò kədyòʼ kì a vəwenə ə nkiʼ ali Nyìngòŋ ə nè, və kwiʼ vəwenə nə̀ məkwinkwinə to ghayn əmùʼ ə moʼ a kəbəŋ kəfenəkə vəwenə sə diʼ tsu kə̀ʼtə̀ to kətsi kə nsoʼ kə ghoʼo kə ə Nyìngòŋ.

Matìyò 26:63

Yesò chiʼ tò la a kùʼ, kətʉ akì mù gàʼ à wen la, “Mà gaʼà à wù la wù gàʼ tò nəmwèʼè a zhiʼ Nyìngòŋ a ghə̀ faŋə̀ tò ghàyn mùʼ. Shə̀ʼtə à yès la wù dìʼ Wìʼ yì a Nyìngòŋ ntsuʼ li ə̀ ghʉ ə wàyn Nyìngòŋ yì mu lo?”

Kəmwetə 12:12

No ghə̀ŋ vətsèm a ghə̀ŋ ə tsi a kàŋ, ghə̀ŋ ə nsaŋlə̀! Kə ne mfàynsə̀ à ghə̀ŋ vi a ghə̀ŋ ə tsi a nse nə̀ a mù məghoʼomə̀ byìʼàndo Deblə̀ shiʼi li ə̀ mvi à ghə̀ŋ, tin ə̀ wen ə fwi byìʼàndo ghə̀ kɨ la əzhʉ temsə̀ li ə shwèʼ ə wen ə me.”

Shwèʼ 19:13

Vəjew vətsenvə a və bè njèʼè dzɨ̀mə̀ shìsə zhwì byɨvə bè sə mwòmsə̀ ndzɨ̀mə̀ a zhiʼ Bobo Yesò. Vəwenə mbʉsə ndzɨ̀mə̀, vəwenə sə gàʼà la, “Ma gàʼà à ghə̀ŋ a zhiʼ Yesò yì a Bol ə̀ ziʼi byìʼì wen la, ghə̀ŋ fʉ fà wèn wìʼ ghèn.”

Ŋwàʼlə̀ Luk 8:28

Ando ghə̀ n-yenə Yesò ghə̀ ku nkəʼ dì ə fəŋ a wen ashɨ ə zɨmə no gɨ to gàʼà la, “Wù kəŋ ghò fa mò a Yesò, Wàyn Nyìngòŋ ghoʼo? Mà sensə̀ wù la kə wù a ku ngəʼ à mò.”

Ŋwàʼlə̀ Mak 3:11

Viʼi a və nkiʼ zhwì byɨvə nyenə wen no a zhʉ̀ kò, zhwì byɨvə a vyi nè vəwenə fəŋkə a nse sə zɨmə̀ dì gàʼà la, “Wù dìʼ wàyn Nyìngòŋ!”

Matìyò 4:3

Deblə̀ mù vì ə gàʼ a wen la,“A zhʉ a wu diʼi wàyn Nyìngòŋ, gàʼ li nguʼ sensə kaʼkə a kəfo kəzhɨkə, wù zhɨ.”

1 Joyn 3:8

A ə nè tè ndò nè mbyɨ mu ghə̀ dìʼ wù Deblə̀, byìʼàndo Deblə̀ ə ne li mbyɨ fa kənzìtə. Kənàʼ kə kənyʉ̀ a wàyn Nyìngòŋ ə̀ mvi a mbi dìʼ la ghə̀ mvi əbyɨsə təshyèʼ tə Deblə̀.

2 Bità 2:4

Ghə̀ŋ kɨli la Nyìngòŋ ə nko ə faŋ ke ə ku ngəʼ no tèbe a ətsɨŋsə wèn shisə a sə nè li mbyɨ. Ghə̀ ə mòʼo li shiʼsə nə̀ vəwenə akəshi kəbyɨkə ə kwiʼ ghàŋtə vəwenə a kəbəŋ kə fenəkə, vəwenə sə tsi to tsu kəʼtə kətsi kə nsòʼ.

Ŋwàʼlə̀ Mak 1:24

ə̀ gàʼ la, “Wù kəŋə ghò à yès a ntìntìn a Yesò wàyn wù Nazalèt ghèn, wù vi əbyɨsə yes mu? Mà kɨ li wìʼ a wù diʼ wen. A dìʼ wù, wu ŋwoʼə Nyìngòŋ.”

Matìyò 16:16

Simon Bità bwènsə̀ la, “Adìʼ ə wìʼ yì a Nyìngòŋ ntsuʼ li ə̀ ghʉ, wàyn Nyìngòŋ yì a ghə̀ faŋə̀ tò ghan mùʼ lì.”

Hibùlù 7:1

Mèlìkisedèk a ghèn ə ndiʼ fòyn ntə̀ʼ ghoʼo a Salèm be diʼ pfèm ngə̀ŋ Nyìngòŋ ghoʼo. Andìʼ to ando Ablaham dyʉ̀ ə temə ghòŋ wenə viʼi wen ə zhɨ̀ təfòyn to kədə̀ŋ ə bwènə̀ sə pfwo, Mèlìkisedèk ə yenə li wen a ji ə bwàʼsə wen.

Hibùlù 2:14

Vunə a venə a ghə̀ ngaʼa ə ndiʼ to no viʼi a və kiʼi njòsə wen. A le kənyʉ̀ ki a kə nè, Yesò ə bwensə ə sə diʼ wìʼ to nə̀ vəwenə ndi ghə̀ pfʉ ə byɨbsə wèn yi a ghə̀ ne la viʼi mpfʉ, à ji Deblə̀.

Shwèʼ 8:36

Vəwenə sə jèʼè dyʉ̀ ə dyʉ̀ zaʼa a kəshi kətsenkə, ə̀ yèn mu, wù shwèʼ yì gàʼ à Filib la, “Yen mu a shèn a, ale zì à taʼsə no gho luwèn la kə mà shi mu a?”

Joyn 20:31

Və nyoʼ kènkə alə ndiʼ ghə̀ŋ zhʉ̀, ə byɨmə la Yesò diʼ to no Klistò, ə Wàyn Nyìngòŋ, əbyɨmə ə na ghenə nè, ghə̀ŋ kiʼi ntsìnə̀ yì a ghə̀ ko lu mè a wen a əzhiʼ.

Ŋwàʼlə̀ Luk 6:35

Alì ma sə gàʼ à ghə̀ŋ la, ghə̀ŋ kòŋ viʼi kəbàyn ghə̀ŋ ə nè njùŋ à vəwenə, choʼo fo à vəwenə no bè a zhʉ a ghə̀ŋ ko kɨ la vəwenə lə̀ bwènsə̀ ku. Ghə̀ŋ ne nè ali, ndi mòʼtə̀ ghə̀ŋ lu ghoʼ? Ghə̀ŋ bè ndiʼ la ghə̀ŋ diʼ vunə Nyìngòŋ tìʼ ghoʼo byiʼàndo ghə̀ tuʼmə nə̀ viʼi və nè nyʉ̀ byɨvə bènə̀ viʼi a və ko lu yenə njùŋ.

Ŋwàʼlə̀ Luk 4:34

“Wemey! wù kəŋ gho a yes a ntìntìn a Yesò, wàyn wu Nazalèt ghèn, wù vì byɨbsə yes mu? Ma kɨli wìʼ a wu diʼ wen wù diʼ wù ŋwoʼə Nyìngòŋ.”

Ŋwàʼlə̀ Luk 1:32

Ghə̀ lu kwi kuʼ ə ndiʼ wu ghoʼo Nyìngòŋ yì a ghə̀ tyiftəli la və kə dzàŋ wen nə̀ wàyn Nyìngòŋ bè ku kəkɨ kə təfòyn tiʼi wen a wen à mù diʼ kəkɨ kə Devìt.

Ŋwàʼlə̀ Mak 14:61

Yesò chɨmə la kùʼ. Kətʉ kə tʉtʉ vəpfèm və ngə̀ŋ Nyìngòŋ kì bèm à wen la, “Wù bè dìʼ Klistò yì adiʼ wàyn Nyìngòŋ yì a yès ə kuʼsə̀ lì?”

Lumans 16:20

Ghə̀ŋ nè alə ndi Nyìngòŋ ghə̀ŋ a ghə̀ kù mbwaʼmə na ku kədyòʼ a ghə̀ŋ, ghə̀ŋ tsəʼsə Satan nə̀ aghʉ. Bobo vəghəŋ Yesò Klistò ə diʼi ətyɨm ə jùŋ ghə̀ ə wen a ghə̀ŋ.

Ŋwàʼlə̀ Mak 5:6

Ghə̀ nè yèn Yesò tò yenə fa kəghaf ə̀ nyɨŋ vì fə̀ŋ à wen a shɨ,

Ŋwàʼlə̀ Mak 5:8

(Ghə̀ ngàʼà a lì byìʼàndo Yesò nkàntə̀ nyʉ̀ a wen gàʼà la, “Fʉ fa wèn wìʼ ghèn a kəzhwì kə byɨkə kènkə!”)

Jems 2:19

Ghə̀ŋ ə nè a nkàyn ando ghə̀ŋ ə byɨmə la Nyìngòŋ dìʼ tò mùʼ. No tè zhwì byɨvə byɨmə be tsɨŋtə̀ nə̀ fanə.