Ŋwàʼlə̀ Mak 5:41 - The New Testament in the Babanki language

⁴¹ Ghə̀ dyʉ̀ ghàʼ kəvu kə wàyn ayì ə̀ gàʼ à wen la, “Talitha koum.” A diʼ la, “Wàyn wùwì ə tyetə, mà gàʼà à wù la wù lu!”

Ŋwàʼlə̀ Mak 5:41 Referans Kwoze

Ŋwàʼlə̀ Mak 1:31

Ghə̀ dyʉ̀ ghàʼ kəvu kə wen ə̀ tsòʼsə̀ wen, no a zhʉ̀ kò bvìʼ wen yì mè ghə̀ lù ku fozhɨvə vəwenə zhɨ.

Filìbàyns 3:21

Ghə̀ nè ə lyɨ kədyòʼ kì a kə nè la ə̀fo ə̀ tsèm ə ndiʼ à wen ə tyi əsoʼ ə kwitə wèn ə vəghəŋ ghenə a ghə̀ diʼ ə lu pfʉ lə̀, ghə̀ kaʼkə ndiʼ tò nə̀ əwèn ə̀ ŋwoʼghə wen.

Lumans 4:17

Kə diʼ to ndə̀ŋndəŋ ando və nyòʼo a Ŋwàʼlə̀ Nyìngòŋ a kəshi yi a ghə̀ ə gaʼa tsu a Ablaham la, “Ma wʉ̀ li wù a tìʼ a təloʼ to kədə̀ŋ.” Nyìngòŋ yi a Ablaham ə mbyɨmə ə wʉ̀ li wen a tìʼ a vəghəŋ. Ghə̀ nè li la viʼi və pfʉkəvə bwensə ə ntsi. Ghə̀ ə gaʼa to nə̀ əchʉ̀ la fo ndiʼ, və sə diʼ ko andiʼ la və ndiʼ.

Ŋwàʼlə̀ Mak 1:41

Yesò sə diʼ nə̀ kusə nshinsə à wìʼ ayì no nànto ə̀ nàʼsə̀ kəvu kə wen ə̀ kùmsə̀ wen ə̀ gàʼ la, “Ma kòŋ li, to lì.”

Ŋwàʼlə̀ Mak 5:40

Viʼi a vyi mù zìtə̀ sə chəʼə Yesò tò chəʼə. Ghə̀ dzɨ̀m vəwenə və fʉ̀kə̀ a kəbəŋ no vətsèm ə̀ mòʼtə̀ tò wen wenə̀ tìʼ wàyn ayì nə̀ lì wen bènə̀ ndzɨ̀mtə̀sə bàm wen shì sətaʼ a kəshi a wàyn yì nyoŋ tsu.

Ŋwàʼlə̀ Mak 5:42

Tò a zhʉ ayì, wàyn wùwì ayì lù sə jèʼè. Ghə̀ mbò dìʼ tò ngwʉ̀ʼ njʉ̀sə̀bò. Viʼi nè yen ando ghə̀ nlu lì sə̀ diʼ nə̀ kanə no vətsèm.