Ŋwàʼlə̀ Mak 5:34 - The New Testament in the Babanki language

³⁴ Yesò gàʼ à wen la, “Wàyn ghom, byɨmə wu ne li wù nto. Pfwo tò nə̀ mbwaʼmə̀. To fà wù a kwaʼa.”

Ŋwàʼlə̀ Mak 5:34 Referans Kwoze

Ŋwàʼlə̀ Luk 8:48

Yesò mù gàʼ à wen la, “Wàyn ghom, byɨmə wu nèli, wù nto. Pfwo tò nə̀ mbwaʼmə.”

Matìyò 9:22

Yesò ə kaʼsə ə yen wen ə mù gàʼ la, “Kə wu faynə a wàyn ə ghom. Byɨmə ə wu ne li wù to.” A diʼ toʼ zhʉ yi a wùwì a yi ə to tsu.

Ŋwàʼlə̀ Luk 18:42

Yesò mù gàʼa wen la, “N-yenə shi əbyɨmə wu ne li wu nto.”

Ŋwàʼlə̀ Luk 7:50

Yesò mù gàʼ à wùwì ayì la, “Byɨmə wù bwaʼsəli wù. Pfwo tò nə̀ mbwaʼmə.”

Ŋwàʼlə̀ Mak 5:29

Ando ghə̀ nkwòʼtə̀ a lì sə kùmsə̀ ndisə wen a shì tò kumsə zhʉ wen yi tin. Ghə̀ zhʉ kɨ̀ tò fà wen a wèn la yì to li.

Shwèʼ 14:9

Wìʼ aghèn ŋwʉʼʉ sə zhʉtə̀ ando Bol ngàʼà à viʼi. Bol ki wen tò fəchìʼ ə̀ yèn la ghə̀ kìʼ byɨmə mu ghə̀ zì ghə̀ nè ghə̀ to,

Ŋwàʼlə̀ Luk 17:19

A ndo ghə̀ ngaʼà ali mù gaʼa wù Sàmalitàn ayì la, “Lu dyʉ̀ à wù kəshi. Əbyɨmə wu nè li wu nto.”

Ŋwàʼlə̀ Mak 10:52

Yesò gàʼ à wen la, “Bwènə̀ mpfwo wù. Byɨmə wu ne li wù nto.” No a zhʉ̀ kò, ghə̀ bwènsə̀ sə̀ yenə shi ə̀ lù sə̀ dzɨ̀mtə̀ dyʉ̀ nə̀ wen.

Matìyò 9:2

Viʼi vətsen və lyɨ̀ wìʼ vì nə̀ wen mu ghə̀ kwaʼkə li, a Yesò, ghə̀ nyoŋ a ghàm. Yesò nè yen byɨmə yì a vəwenə nkiʼi ə gàʼ à wù kənkwaʼkə yì la, “Kə a fwaynə a wàyn ghom. Ma lyesə li nku mbyɨ shəsə.”

Ŋwàʼlə̀ Mak 3:10

byìʼàndo andìʼ a lì mu ghə̀ chʉʼ li viʼi no vəghoʼo. No ndo a ghə̀ nkwaʼa mù sə fosə̀ vì tò vi ndi əkùmsə̀ wen.

Ŋwàʼlə̀ Mak 5:33

Wùwì ayì mù sə fànə̀ tsɨŋtə̀ ando ghə̀ nyen li kənyʉ̀ a kə mfʉ à wen mù dyʉ̀ fə̀ŋ a shɨ Yesò ə̀ shə̀ʼtə̀ kənyʉ̀ à kə yì chò no kətsèm.

Shwèʼ 15:33

Vəwenə nè tsìtə tsu mətsi no alə̀, və mù bwènsə̀ tènsə la vəwenə pfwo tò nə̀ mbwaʼmə̀. Vəwenə mù bwènə̀ pfwo ə̀ dyʉ̀ yèn viʼi vyi a və ntɨmə̀ vəwenə lì,

Shwèʼ 16:36

Wìʼ ayì shə̀ʼtə̀ à Bol wenə̀ Silàs la və tɨm li ntɨm gàʼà la yì ghʉsə vəwenə, vəwenə ndyʉ̀. Ghə̀ gàʼ a lì mù gàʼ la, “Ghə̀ŋ fʉ lì mpfwo tò nə̀ mbwaʼmə̀.”

Jems 2:16

Ghə̀ŋ ə lè sətsèn mù gàʼ à wen la, “Wù jeʼ tò a nkàyn. Wù dyʉ̀ wù ə mòʼò kəfo kəlɨmtəkə be ə zhɨ no a nkàyn.” Alì fàŋ ə̀ ke ku kəfo fa ntìntìn fo avenə à wen, se yi ne ndiʼ ghò?