Ŋwàʼlə̀ Mak 4:38 - The New Testament in the Babanki language

³⁸ Kə nsə mfʉ̀ a lì, Yesò diʼ a tì nkànuʼ yì mu ghə̀ zhəʼtə li a kənbuŋtə̀ kə kwen sə bʉnə̀. Vəwenə zhòm wen ə̀ bèm à wen la, “Ndìʼsə̀, kə diʼ la yès ə pfʉkə dyʉ̀ kò wù lù nyenə mu?”

Ŋwàʼlə̀ Mak 4:38 Referans Kwoze

1 Bità 5:7

Ghə̀ŋ lyɨ̀ nyʉ̀ vyi no tsèm a və ku ngəʼ a ghə̀ŋ ə vi kù a wen byìʼì ando ghə̀ tuʼmə.

Hibùlù 4:15

Vəghəŋ ə kiʼi pfèm ngə̀ŋ Nyìngòŋ ə ŋaŋtə, ghə̀ shɨtə kɨ ji shisə a vəghəŋ ə bwaʼa fa tsù, mu mwòmsə ə mvi li a wen to a jisə a jisə, ndə̀ŋndəŋ ando ghə̀ vi a vəghəŋ, ali ghə̀ kò ghə̀ lə̀ nè mbyɨ.

Matìyò 8:25

Ndzɨ̀mtə̀sə bàm wen mù dyʉ̀ sə zhòmə wen gàʼ à la, “Bobo, lù ə bwòŋsə yès, yès a pfʉkə!”

Ŋwàʼlə̀ Luk 8:24

Vəwenə dyʉ̀ ə zhòmə wen gàʼà la, “Tìʼ, Tìʼ, lu, yès dìʼ a mə pfʉ!” Ghə̀ lù ə kənkə fwof bènə̀ mu a myì, ghə̀ tyinə ə shi chɨmə la moŋ.

Hibùlù 2:17

A lə kənyʉ̀ ki a kə ne ghə̀ kaʼkə sə diʼ to wìʼ to nə̀ vəghəŋ vəlemə və wen, ndi ghə̀ shɨtə kɨ ə shyèʼ to nə̀ pfèm ngə̀ŋ Nyìngòŋ ə ŋaŋtə be kusə shinsə a viʼi, shyèʼ a Nyìngòŋ ə nè la ghə̀ lyesə ku mbyɨsə viʼi.

Joyn 4:6

ə bwaʼ, ə shiʼi nyʉ̀ʼmə a ben kwoŋ yì a Jàkob ə tyùŋə və sə chʉ mu fa tsu. A ndiʼ a kəlyɨŋ kə zhʉ na ghèn, mu chwìchwì bayn li nto.

Matìyò 22:16

vəwenə mù tɨm ndzɨ̀mtə̀sə bàm vəwenə sətsensə bènə̀ viʼi shwèʼ Helòd vətsenvə gàʼà la vəwenə dyʉ̀ gàʼà Yesò la, “Ndìʼsə̀, yès kɨ la wù gàʼà tò nəmwèʼè, ziʼi tò kənyʉ̀ à diʼ tò kənyʉ̀ kə nəmwèʼè byìʼì Nyìngòŋ, kènla wù fwaynə təkwòʼtə̀ tə viʼi byìʼàndo à dìʼ à wù viʼi vətsèm diʼ tò ndə̀ŋndəŋ.

Ŋwàʼlə̀ Mak 4:37

Vəwenə sə ndyàŋə̀, fwof toghə tsenghə zìtə̀ sə chò tenə mu mə vi pfènə̀ a wèn nkànuʼ yì chò kwenə à yi tin ə̀ nè ghə̀ sə shwemə shiʼi a tì à mù.

Ŋwàʼlə̀ Mak 4:39

Ghə̀ lù kàyntə̀ nyʉ̀ à fwof ayi gàʼà la, “Bwaʼmə!” bè gàʼ à mu mì la,“Tɨmə tò a lì.” No a zhʉ̀ kò, fwof yi bwaʼ, shi chiʼ la kùʼ.