Ŋwàʼlə̀ Mak 4:14 - The New Testament in the Babanki language

¹⁴ Ngwàʼ yì a wìʼ yì mòʼò li dìʼ kənyʉ̀ kə Nyìngòŋ.

Ŋwàʼlə̀ Mak 4:14 Referans Kwoze

Shwèʼ 8:4

Viʼi vəbyɨməvə vi a və nsàykə̀ lì sə shə̀ʼtə̀ dyʉ̀ tò nə̀ ntɨm jùŋ no fe a vəwenə ndyʉ̀.

Matìyò 13:19

Viʼi vi a və zhʉ ntɨm kùmə̀ soʼ Fòyn Nyìngòŋ kò və lù nkɨ dìʼ to nə̀ ashɨ ngwàʼ yi a ghə̀ fəŋkə a kəghʉ̀ kə ji lì vəwenə zhʉ Deblə̀ vì soʼ lu nə̀ kəwenkə fà vəwenə a tətyɨm.

Ŋwàʼlə̀ Luk 8:11

“Kènkə diʼ kənyʉ̀ a ngàyn ghèn ziʼì. Ngwaʼ ayì diʼ tò nə̀ kənyʉ̀ kə Nyìngòŋ.

Matìyò 13:37

Yesò gàʼ à vəwenə la, “Wìʼ yì a ghə̀ nwe ngwàʼ jùŋə lì diʼ Wàyn Wìʼ.

Ŋwàʼlə̀ Mak 4:3

“Ghə̀ŋ zhʉtə a! wutsen nlu li ə̀ fʉ̀ ə mòʼo ngwàʼ wen,

Ŋwàʼlə̀ Mak 2:2

mù dyʉ̀ zhùŋtə̀ a ngə̀ŋ tsu no vəghoʼo a ji a no kəshi kə ko bè ndiʼ a tì ngə̀ŋ ko a kəbəŋ ə viʼi tɨmə tsu. Ghə̀ mù sə shə̀ʼtə̀ kənyʉ̀ kə Nyìngòŋ à vəwenə.

Ŋwàʼlə̀ Luk 1:2

Vəwenə nyòʼo nyʉ̀ mu vəghəŋ Zhʉ li fà viʼi vyi a və n-yèn nyʉ̀ avyi no fa kənzìtə, ando və nlyɨ̀ kəshi.

Matìyò 13:3

Ghə̀ shə̀ʼtə̀ nyʉ̀ no ghoʼo à vəwenə tò a ngàynsə. Ghə̀ zìtə̀ nə̀ ghèn la, “Wutsen nlù fʉ̀ əmoʼ ngwàʼ wen.

Ŋwàʼlə̀ Mak 4:13

Ando Yesò ngàʼa a lì mù bèm à vəwenə la, “Kə diʼ la ghə̀ŋ ko zhʉ kɨ ngàyn aghèn mu? Ghə̀ŋ le sətsèn fàŋ ke kɨ kənyʉ̀ a ngàyn ghèn ə dìʼsə, ghə̀ŋ bè lə̀ kɨ ngàyn tsen a?

Ŋwàʼlə̀ Mak 4:15

Tətyɨm tə viʼi vətsenvə diʼ to nə̀ ngwàʼ yì a ghə̀ fəŋkə a ji lì. Vəwenə dyʉ̀ zhʉ gaʼa Nyìngòŋ tò zhʉ ando və gàʼà Satan nyɨŋ vì shìsə̀ gàʼà ayì a və yì wè à vəwenə tətyɨm lì.