Ŋwàʼlə̀ Mak 4:12 - The New Testament in the Babanki language

¹² ndi vəwenə nki tò ki kò vəwenə lu nyenə; zhʉtə̀ nyʉ̀ tò zhʉtə alì kò vəwenə lù nkɨ kənyʉ̀ a və gàʼà, byìʼàndo vəwenə tu nyenə bè zhʉ kɨ nyʉ̀ mu vəwenə a bwènə̀ vì à Nyìngòŋ ghə̀ maʼa mbyɨsə vəwenə.”

Ŋwàʼlə̀ Mak 4:12 Referans Kwoze

Ŋwàʼlə̀ Luk 8:10

Yesò bwènsə̀ la, “Nyìngòŋ kuli tof à ghə̀ŋ la ghə̀ŋ nzhʉ be kɨ nyʉ̀ lyomtəvə vyi a və diʼì kùmə̀ soʼ fòyn Nyìngòŋ, alì a viʼi vətsen və, mà gàʼà tò ngàynsə ndi vəwenə nki shi alì kò vəwenə lə yenə kəfo, bè zhʉ nyʉ̀ kò vəwenə lə kɨ la və gàʼà la ghò lo.

2 Timotì 2:25

Tisə viʼi vyi a və nkəmə kənyʉ̀ ki a wu gàʼà nə̀ mbwaʼmə, kɨ la Nyìngòŋ ne nè ə vəwenə kwitə tətyɨm tə vəwenə fa vəwenə mbyɨsə ə bwènə̀ vi ə kɨ kənyʉ̀ ki a kə diʼ nəmwèʼè.

Hibùlù 6:6

ali be bwensə maʼa əbyɨmə ə wen, wìʼ zizi ko ghə̀ lu be gyàmtə̀ wen la ghə̀ kwitə ətyɨm ə wen byìʼì ando kə sə diʼ to la ghə̀ be ə bàyntə wàyn Nyìngòŋ ə diʼsə kətʉ kə wen ashɨ viʼi to a nfi.

Shwèʼ 3:19

Ma sə gàʼà à ghə̀ŋ la ghə̀ŋ kwitə lì tətyɨm ə̀ təŋtə ə̀ bwènə̀ vì à Nyìngòŋ a ghə̀ a shʉ nyʉ̀ byɨvə ghə̀ŋ ə màʼà. Bobo mu nè tətyɨm təŋtə tə nzhʉ̀tə̀ a zhʉ ayì,

Ŋwàʼlə̀ Mak 8:18

Byìʼì ghò a ghə̀ŋ kiʼì ashɨ ko ghə̀ŋ lə nyenə a? Kiʼ tiʼitiʼi kò andìʼ la və zhʉ a? Ghə̀ŋ ko bè kwòʼtə̀ kənyʉ̀ no a mpfen!