Ŋwàʼlə̀ Mak 3:5 - The New Testament in the Babanki language

⁵ Yesò ki kaʼsə nə̀ vəwenə alə̀ mu tin wen fwi li alì be kusə̀ nshinsə byìʼì chiʼi kətʉ vəwenə. Ghə̀ mù gàʼ à wìʼ ayì la, “Nàʼsə kwoŋ wu.” Ghə̀ nàʼsə̀ no a zhʉ kò kwoŋ ayì to.

Ŋwàʼlə̀ Mak 3:5 Referans Kwoze

Ŋwàʼlə̀ Luk 6:10

Ghə̀ gàʼ alì ə ki kaʼsə nə̀ vəwenə no vətsèm mù gàʼ à wìʼ ayì la, “Nàʼsə kwoŋ wu.” Ghə̀ nàʼsə̀ no zhʉ kò, kəvu a kyì kə to.

Efisyàns 4:18

Vəwenə zhʉ ko andiʼ la və kɨ kənyʉ̀, ko və kɨ kənyʉ̀ kumə ntsìnə̀ Nyìngòŋ byìʼì kəkoyn kə vəwenə mu à vi nə̀ kətʉ̀kə ə tokə kì a vəwenə ə kiʼi.

Lumans 11:25

Kənyʉ̀ kə lyomtəkə kə tsen kə diʼ a ma kəŋ la ghə̀ŋ kɨ a vəlemə vwomə ndi kə nè ko ghə̀ŋ be ghaŋsə əwen. Kənyʉ̀ na kì ə diʼi la viʼi Islel vətsenvə diʼ luwen, to kətʉ ali diʼ ə na ə kwitə ə byɨmə azhʉ̀ a viʼi ətɨm vi a Nyìngòŋ ə tsuʼ tə ə byɨmə li mwetə.

Matìyò 12:13

Yesò mù gàʼ à wìʼ ayì la,“Nàʼsə kwoŋ wu.” Wìʼ ayì nàʼtə̀, no a zhʉ̀ kò, kwoŋ ayi to bè sə diʼ to nə̀ tsenghə yi.

Kəmwetə 6:16

ə̀ sə zɨmə̀ dzàŋə̀ pfensə nə̀ təghu gàʼà la, “Ghə̀ŋ fəŋkə à yès ə kətʉ ə̀ lyòmtə̀ yès fà wìʼ ghèn a ghə̀ ŋwʉʼ a kəfwon lə̀ bènə̀ fa ngəʼ a wàyn bi ənjɨ̀ diʼ ə ku à yès byìʼ tin ə fwi ə wen.

Hibùlù 5:9

Andiʼ ando ghə̀ nkʉʼʉ li myetə ando Nyìngòŋ ə kəŋ la ghə̀ ə ndiʼ, ghə̀ ghʉ̀ wen a Mbwòŋsə̀ ə viʼi vyi a və zhʉtə wen, la ghə̀ ne Mbwòŋsə̀ vəwenə to ghaynə ə mùʼ.

Hibùlù 3:17

Ali a ne vəndo la Nyìngòŋ ə fwisə tin a ngwʉ̀ʼsə məwumə ə nkàʼ a? Andiʼ to viʼi na venə a vəwenə ə nè mbyɨ lə, vəwenə mpfʉkə li a nse zɨm.

Efisyàns 4:30

Kə ghə̀ŋ a nə̀ nyʉ̀ a və a nè ko kəzhwì kə Ŋwoʼkə a saŋlə. Kəzhwì kə Ŋwoʼkə ken diʼ to nə̀ kənchʉtə kə a və ə nchʉ̀tə ghə̀ŋ nə̀ kəwenkə kəʼtə kətsi a, Nyìngòŋ lu mwetə zen kətʉ̀ ə kəŋkə̀.

Efisyàns 4:26

Kənyʉ̀ kə zaf ə wìʼ, kə ghə̀ a moʼtə kə ne ghə̀ nè mbyɨ. Kə kənyʉ̀ kə lu zaf ə wìʼ, ghə̀ ŋwʉʼmə nə̀ kəwenkə a wen bèm ə tʉʼ layn.

2 Kolìntyàns 3:14

Nò fa mpfen, vəwenə nyenə ko andiʼ la və kɨ kənyʉ̀, à sə diʼ tèbe layn ghə̀ŋ bo diʼ to ali. Vəwenə ndzàŋə̀ ŋwàʼlə̀ məkàyn mə mumə̀, ko və lu zhʉ kɨ. Kə ndiʼ alə̀ byìʼì ando kəfo ki bo chiʼtə ə tof ə vəwenə to chiʼtə, a diʼ to Yesò a ghə̀ zizi ghə̀ lyisə kəfo na kì.

Joyn 9:7

ə gàʼ a wen la, “Dyʉ̀ shʉ̀ ashɨ ə wu a kətsèm kə Silwàm.” Silwàm na ghèn ə ndiʼ a gaʼa lòʼ la, “tɨm.” Wìʼ ghèn ə dyʉ̀ shʉ̀ ə sə bwenə ə pfwo mu ghə̀ sə yenə əshi.

Ŋwàʼlə̀ Luk 17:14

Yesò yen vəwenə gàʼa la, “Ghə̀ŋ dyʉ̀, vəpfèm və ngə̀ŋ Nyìngòŋ yenə tsaʼa ghə̀ŋ.” Vəwenə sə dyʉ̀ a ji və chʉʼ vəwenə.

Ŋwàʼlə̀ Luk 13:15

Bobo bwènsə̀ gàʼ la, “Ghə̀ŋ viʼi kə wamə venə! Wìʼ diʼ à ghə̀ŋ a ntìntìn a ghə̀ lù a kətsi kəzhʉ̀tə kə, ghə̀ ghʉsə ke zas nyàm wen fa mbàyn ə dyʉ̀ nə̀ wen ku mu à wen a?

Hibùlù 3:10

A lə kənyʉ̀ ki a ghə̀ ə fwisə tin a ənòyn viʼi na vyi ə mu gàʼ la, ‘Təkwòʼtə̀ tə vəwenə ko təmə ti a nkayn vəwenə tyenə li ndzɨ̀mtə̀ tə soʼo tyomtə.’

Ŋwàʼlə̀ Mak 3:4

Ghə̀ chò, Yesò mù bèm à vəwenə la, “Soʼ byɨmə la və ne njùŋ a kətsi kə zhʉtəkə mu mbyɨ lo, ghə̀ byɨmə la və bwoŋsə wìʼ mu və zhwi wen zhwi lo?” Vəwenə chɨmə tò la kùʼ.