Ŋwàʼlə̀ Mak 14:2 - The New Testament in the Babanki language

² Vəwenə mù sə gàʼà à vəwenə a ntìntìn la, “Kə vəghəŋ à ghàʼ wen a mətsi mə̀ kəzhɨ mèn, a bwen a lì viʼi à zìtə̀ soyn.”

Ŋwàʼlə̀ Mak 14:2 Referans Kwoze

Joyn 12:19

Viʼi Falàsi ə sə gàʼa to a vəwenə a ntìntìn la, “Kə le diʼi la kənyʉ̀ kətsen ko be diʼ vəghəŋ nè. Yen to ando mbyi ə tsèm sə dyʉ̀ to fa wen abàm a!”

Joyn 7:40

Viʼi vətsenvə a ntìntìn ənòyn a yi ə zhʉ li kənyʉ̀ ki a Yesò ə gàʼ, ə sə gàʼa la, “nəmwèʼè wìʼ ghèn ə diʼ to no Nshə̀ʼtə̀ Nyìngòŋ ə ghoʼo.”

Ŋwàʼlə̀ Luk 20:6

Vəghəŋ sətsèn gàʼ la, ‘A nku viʼi ku adyòʼ à wen,’ viʼi vətsèm à tem ə zhwilə vəghəŋ nə̀ ngùʼsə byiʼ ando vəwenə nkɨ la Joyn ndiʼi nshə̀ʼtə̀ ghoʼo.”

Ŋwàʼlə̀ Mak 11:32

Vəghəŋ sətsèn gàʼ la, ‘Kə nlu fà viʼi!’” (vəwenə mfànə̀ viʼi byìʼàndo viʼi vətsèm nkɨ la Joyn ndìʼ nshə̀ʼtə̀ ghoʼo.)

Ŋwàʼlə̀ Mak 11:18

Tʉtʉ vəpfèm və ngə̀ŋ Nyìngòŋ wenə̀ ndìʼsə̀sə təsoʼ nè zhʉ̀ kənyʉ̀ akì mù sə kəŋə ji əzhwi Yesò. Vəwenə mfànə̀ wen byìʼàndo nòyn yi no tsèm ndìʼ nə̀ kanə byìʼì nyʉ̀ a ghə̀ diʼsə.

Matìyò 26:5

Vəwenə gàʼ à vəwenə a ntìntìn la,“Kə vəghəŋ à ghaʼ wen a məzaʼsə̀ ghèn byìʼì ko viʼi à lùsə soyn.”

Matìyò 26:2

“Ghə̀ŋ kɨ la à fàŋ tò mətsì mbò luwèn və zìtə̀ əzhɨ kətsi kə məzaʼsə̀. A dìʼ zhʉ a və ne ghaʼ Wàyn Wìʼ ku və bantə wen a kəntò.”

Ŋwàʼlə̀ Mak 14:1

A nè sə ndiʼ a lì mu à fàŋ tò mətsi mbò fa kətsi kə məzaʼsə̀ nə̀ mətsi mì a və zhɨ kəbàyn kè nə̀ fəshɨ̀ŋ fə tsu, tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ sə kəŋə jì ənyoʼtə ghaʼ Yesò ə zhwi.

Ŋwàʼlə̀ Mak 14:3

Yesò lù dyʉ̀ a Betanì sə̀ diʼ a ngə̀ŋ wìʼ a və ndzàŋə̀ nə̀ Simon a ghə̀ nsə̀ diʼ mu ghə̀ kwaʼa li nə̀ kənsòtə̀ kə. Ghə̀ nè ŋwʉʼʉ sə nzhɨ, wùwì tsen vì kwen a ngə̀ŋ ayì nə̀ fəshoʼ fə mənzhiʼ mu və shɨ̀tə̀ nə̀ ngùʼ tsen a və dzàŋə̀ nə̀ alàbàstà. Mənzhiʼ mə ko toghə mə nlèmtəmə̀ mə ntsenə̀ diʼ tsu mu və shɨ̀tə̀ nə̀ nald. Ghə̀ bòʼ fəshoʼ afì ə̀ shʉ̀ʼtə̀ mənzhiʼ a mì a kətʉ Yesò.

Ŋwàʼlə̀ Luk 22:1

Ando kətsi kəghoʼkə a və nzhɨ kəbayn kə məka kèn nə̀ fəshɨ̀ŋ fə tsu, mboʼsə̀ vì a və ndzàŋ nə̀ məzaʼsə̀,