Ŋwàʼlə̀ Mak 12:7 - The New Testament in the Babanki language

⁷ Viʼi shwèʼè a vyi nè yen wàyn ayì tò yenə ə̀ gàʼ à vəwenə a ntìntìn la, ‘Ghèn dìʼ njɨ̀ngə̀ŋ tì sɨ̀m ghèn lə̀, vəghəŋ ghaʼ wen ə̀ zhwi ndi kiʼi fo vi a ghə̀ ndiʼi lu kiʼi!’

Ŋwàʼlə̀ Mak 12:7 Referans Kwoze

Shwèʼ 7:52

Andìʼ nshə̀ʼtə̀ ghoʼo kò a vətìʼ vəŋə və mbì mfàŋ li ke tsuʼ aghʉ wen a? Vəwenə zhwilə li viʼi vi a vəwenə mvì a tʉʼ mbì əshə̀ʼtə̀ byìʼì məvì Wù kənyʉ̀ kə tɨmə kə, à ndiʼ wen yì a ghə̀ŋ mbaʼlə̀ bè zhwi.

Shwèʼ 5:28

“Yès tə chòsə̀ soʼ la kə ghə̀ŋ be ziʼi viʼi nə̀ nyʉ̀ vyi a Yesò tə gàʼ la ghə̀ŋ nziʼì viʼi tsu. Ali ghə̀ŋ sə diʼ mu ghə̀ŋ ziʼi li viʼi no fe a Jelusalèm. Ghə̀ŋ yen kənyʉ̀ a ghə̀ŋ ə ne li a? Ghə̀ŋ kəŋə la viʼi nghàmə̀ yès gàʼà la à tə nè yès la və zhwi Yesò.”

Shwèʼ 2:23

Və mbaʼlə̀ li Yesò aghèn ando Nyìngòŋ ə̀ nshɨ̀tə̀ li ə̀ ghʉ bè kɨ, ghə̀ŋ zhwi wen a ji la ghə̀ŋ ə̀ nku wen à viʼi ne nyʉ̀ byɨvə. Vəwenə bantə wen a kəntò,

Ŋwàʼlə̀ Mak 12:12

Viʼi nè zhʉ̀ kənyʉ̀ a Yesò ngàʼà sə̀ mwòmsə̀ əghaʼ wen byìʼàndo vəwenə nkɨ la ghə̀ mò ngàyn ayì tò byìʼì vəwenə alì sə̀ fànə̀ nòyn viʼi yi a ghə̀ ndiʼì tsu mù ghʉ̀sə dyʉ̀ nə̀ wen ə̀ lù.

Matìyò 2:16

Helòd nè yen la viʼi və tofə və vyi lobtə̀li yì, kənyʉ̀ a kèn kə zaf wen no nə̀ ŋàŋ. Ghə̀ chòsə̀ soʼ la və zhwilə vunə lyʉmə a Bètelehèm nə̀ vunə a və sə̀ diʼ ngwʉ̀ʼsə bò byìʼì zhʉ a viʼi və tofəvə vyì nshə̀ʼtə̀ la fədzɨ̀ŋ fìfə nfʉ tsu.

Matìyò 21:34

Zhʉ məkwòŋ nè kwʉ̀ʼ ghə̀ tɨm viʼi shwèʼ wen vətsenvə la və dyʉ̀ gàʼ à viʼi vi a ghə̀ tə ku sɨm ayi à vəwenə la vəwenə ku və wen vəlamsə̀.

Ŋwàʼlə̀ Mak 12:6

Wìʼ muʼ a ghə̀ mfaŋə̀ à tì sɨ̀m aghèn ə ghə̀ tɨm ndìʼ tò wàyn kòŋ wen. Ghə̀ sə mwètə̀ tɨm wàyn wen ayì sə̀ kwòʼtə̀ tò fà wen a ngə̀ŋ la, ‘Vəwenə a fwàyn wàyn ghom.’

Ŋwàʼlə̀ Mak 12:8

Vəwenə gàʼ a lì mù ghaʼa wen ə̀ zhwi ə̀ shìsə̀ kəmpfʉ kə wen ə̀ tem maʼa fa tì sɨ̀m ayì.”

Hibùlù 1:2

Alì, à sə ə diʼ a mətsi mə kəmwètə mèyn ghə̀ gaʼa a vəghəŋ chò fa Wàyn wen. Nyìngòŋ ə nsə diʼ mu ghə̀ ghʉ̀ li la ghə̀ lu ku no tèbe ghò a mbyi a Wàyn wen, a ghə̀ ə shɨtə mbyi nə̀ no tèbe nə̀ ghò a ghə̀ diʼi tsu chò fa Wàyn ə wen a ghèn.