Ŋwàʼlə̀ Mak 12:1 - The New Testament in the Babanki language

¹ Yesò mù zìtə̀ sə mò ngàynsə à ndzɨ̀mtə̀sə bàm wen, gàʼà la, “Wutsen nlù bòʼ sɨm ashɨ nkoʼ tsenghə a və dzàŋə̀ nə̀ glapesə wen ə̀ kwiʼ mbàyn ghə̀ nyɨŋ kàʼ sɨm ayi bè tyùŋə nkwòŋ a və a ŋwìʼì mu mə̀ ashɨ nkòʼ a mì shɨ̀tə̀ məlyʉ̀ʼ tsu bè bwòm kəshi kə ŋaŋtə kə à ntsɨ̀ŋ a ntìntìn sɨ̀m ayì mù ku sɨm ayi à viʼi la və nshyèʼè gə̀tə̀ ku wen nə̀ fo a və fʉ̀ fa tsu. Ghə̀ ku a lì lù dyʉ̀ a jèʼ a loʼ tsenghə no kəghaf.

Ŋwàʼlə̀ Mak 12:1 Referans Kwoze

Ŋwàʼlə̀ Mak 13:34

Kə lu ndiʼ to nə̀ wìʼ a ghə̀ sə ndyʉ̀ a jèʼ nghʉ viʼi shwèʼ wen la və nlye fo wen, no mə ndò kiʼ kətʉ kə shwèʼ wen a ghə̀ ku. Ghə̀ mù gàʼ à wìʼ a ghə̀ ti a chʉ mbàyn la ghə̀ ntùʼtə̀ lyè.

Ŋwàʼlə̀ Mak 4:2

Ghə̀ dìʼsə̀ vəwenə no nə̀ nyʉ̀ ghoʼvə tò a ngàynsə. Ghə̀ gàʼ à vəwenə à wen a ziʼi la,

Matìyò 25:14

Yesò bè mò ngàyn tsen gàʼà la, “Soʼo fòyn Nyìngòŋ lu ndiʼ to nə̀ fətitì fə wutsen a ghə̀ nlù sə ndyʉ̀ a jèʼ ə̀ dzàŋtə̀ viʼi shwèʼ wen kù fo wen ə̀ la vəwenə zhʉsə ntùʼmə̀ nə̀ wenəvə.

Shwèʼ 7:38

A bè dìʼ tò wen a ghə̀ ndiʼì we vu Islel ando vəwenə ntsèntə̀ a nse zɨm. Ghə̀ ndìʼ tsu wenə̀ vətìʼ və vəghəŋ və mbì bènə̀ ntsɨ̀ŋ ngə̀ŋ Nyìngòŋ yì a ghə̀ ə gàʼ à wen a pfèn Sinyà ə̀ kù təsoʼ tìtə la ghə̀ ku à vəghəŋ.

Ŋwàʼlə̀ Luk 19:12

Yesò mò ngàyn ayi la, “Wyè ntuʼ tsen nlù li dyʉ̀ a loʼ tsen ghə̀ no kəghaf ədyʉ̀ shi àdyoʼ fa tsu ə bwènə̀ vì soʼo shə loʼ vəwenə,

Ŋwàʼlə̀ Luk 15:13

Mətsi chò tò nshə̀ʼ alə̀, ghə̀ tyetə yi baʼlə fo wen no tsèm ə lù dyʉ̀ a jèʼ a loʼ tsen ghə̀ no kəghaf. Ne dyʉ̀ zaʼa tsu ə zhɨ ko wen tsu no tsèm.

Ŋwàʼlə̀ Luk 8:10

Yesò bwènsə̀ la, “Nyìngòŋ kuli tof à ghə̀ŋ la ghə̀ŋ nzhʉ be kɨ nyʉ̀ lyomtəvə vyi a və diʼì kùmə̀ soʼ fòyn Nyìngòŋ, alì a viʼi vətsen və, mà gàʼà tò ngàynsə ndi vəwenə nki shi alì kò vəwenə lə yenə kəfo, bè zhʉ nyʉ̀ kò vəwenə lə kɨ la və gàʼà la ghò lo.

Matìyò 21:28

Yesò bè gàʼ à viʼi a vyi la vəwenə kwoʼtə kənyʉ̀ kùmə̀ ngàyn a ghə̀ nkəŋə mò mù gàʼ la, “Wutsen ndìʼ kiʼ vunə lʉmə wen vəbò. Ghə̀ dyʉ̀ gàʼ à wù mbì la, Fʉ̀ shwèʼ a sɨm lamsə̀ layn a wàyn ghom.”

Ŋwàʼlə̀ Luk 22:9

Vəwenə bwènsə̀ bèm a wen la “wu kəŋ la yès dyʉ̀ shɨ̀tə̀ fe?”

Matìyò 13:3

Ghə̀ shə̀ʼtə̀ nyʉ̀ no ghoʼo à vəwenə tò a ngàynsə. Ghə̀ zìtə̀ nə̀ ghèn la, “Wutsen nlù fʉ̀ əmoʼ ngwàʼ wen.

Matìyò 21:33

Yesò bè gàʼ à viʼi vi la vəwenə bè zhʉ̀tə ngàyn tsen. “Tì sɨ̀m tsen nlù bòʼ sɨm lamsə̀ lwi wen, kwìʼi mbàyn kaʼsə wen sɨm ayi, tyùŋə nkwòŋ yì a və ne nwìʼì lamsə̀ ayì tsu mu shɨ̀tə məlyʉ̀ʼ bè bwòm kəmbaŋ kə ngə̀ŋ ntsɨ̀ŋ a kəntìntìn kə sɨm ayì mù kù sɨm ayi la viʼi nshwèʼè gə̀tə̀ ku yì nə̀ fo vi a və fʉ̀ fa tsu. Ghə̀ ku a lì lù dyʉ̀ a jèʼ a loʼ tsenghə.

Matìyò 21:34

Zhʉ məkwòŋ nè kwʉ̀ʼ ghə̀ tɨm viʼi shwèʼ wen vətsenvə la və dyʉ̀ gàʼ à viʼi vi a ghə̀ tə ku sɨm ayi à vəwenə la vəwenə ku və wen vəlamsə̀.

Ŋwàʼlə̀ Mak 3:23

Yesò mù dzàŋ vəwenə ə̀ mò ngàynsə sətsensə à vəwenə la, “Satan lè zì ghə̀ ndzɨ̀mə̀ shìsə̀ tò Satan fà viʼi a wèn ale?”

Ŋwàʼlə̀ Mak 11:33

Vəwenə kwòʼtə̀ a lì ə̀ gàʼ à Yesò la, “Yès ko kɨ.” Yesò mù gàʼ à vəwenə la, “Nkàntə̀ mo li ko a shə̀ʼtə̀ kəshi a ma lyɨ̀ kədyòʼ fa tsu sə nè nyʉ̀ venə tsu.”