Ŋwàʼlə̀ Mak 11:33 - The New Testament in the Babanki language

³³ Vəwenə kwòʼtə̀ a lì ə̀ gàʼ à Yesò la, “Yès ko kɨ.” Yesò mù gàʼ à vəwenə la, “Nkàntə̀ mo li ko a shə̀ʼtə̀ kəshi a ma lyɨ̀ kədyòʼ fa tsu sə nè nyʉ̀ venə tsu.”

Ŋwàʼlə̀ Mak 11:33 Referans Kwoze

2 Kolìntyàns 3:15

Kə diʼ to no nəmwèʼè la à diʼ tèbè ə zàʼa fa layn, a zhʉ a vəwenə dzàŋə ŋwàʼlə̀ Əsoʼ ə Mosìs, ko və lu zhʉ kɨ tebè kɨ byìʼì ando kəfo kə bo chiʼtə ətof ə vəwenə to chiʼtə.

Lumans 1:28

Ando vəwenə tyenli əbyɨmə Nyìngòŋ, ghə̀ moʼtə li vəwenə a ntìntìn kwoʼtə ə nəkwoŋ ə vəwenə a ghèn, vəwenə sə kumə tsì, ne nyʉ̀ a və ko kwʉʼʉ.

Joyn 9:27

Wìʼ ghèn ə gàʼ la, “Mà sə diʼ mù ma shə̀ʼtə̀ li a ghə̀ŋ, ko ghə̀ŋ lu kòŋ ə zhʉ. Ghə̀ŋ be bèmə ə ne gho tsu a? Kə diʼ la ghə̀ŋ kəŋ be ndiʼ ndzɨ̀mtə̀sə bàm ə wen mu?”

Joyn 3:10

Yesò ə bèm a wen la, “A ko wù diʼ no ndìʼsə̀ ə ghoʼo alòʼ ə Islel, ko wù lu nkɨ tebè nyʉ̀ venə a le lo?”

Matìyò 21:27

Vəwenə kwòʼtə̀ a lì mù gàʼ à Yesò la, “Yès ko kɨ.” Yesò mù gàʼ à vəwenə la, “No nkàntə̀ mò li ko a shə̀ʼtə̀ kəshi kì a ma lyɨ̀ kədyòʼ fa tsu bu sə nè nyʉ̀ venə.”

Matìyò 16:4

A dìʼ tò kəlyɨŋ kə byɨkə anə̀ kènkə a kə ko ghʉ tyɨm wen à Nyìngòŋ a kə zì kə mbèmə̀ kəchwitə. Ghə̀ŋ ko a yen kəchwitə kətsenkə əchò tò nchwi Jonà.” Ghə̀ gàʼ a lì ə lù mòʼtə̀ vəwenə.

Matìyò 15:14

Ghə̀ŋ ghʉsə vəwenə tò a lì, vəwenə diʼ mfyɨ̀f alì kəŋ ndìʼì jì a vətsenvə. Kənfyɨf kə sətsèn ə ndìʼì jì a kətsenkə, vəwenə à tsèntə̀ fəŋkə a nkwòŋ no vətsèm.”

Ŋwàʼlə̀ Mak 11:32

Vəghəŋ sətsèn gàʼ la, ‘Kə nlu fà viʼi!’” (vəwenə mfànə̀ viʼi byìʼàndo viʼi vətsèm nkɨ la Joyn ndìʼ nshə̀ʼtə̀ ghoʼo.)

Ŋwàʼlə̀ Mak 12:1

Yesò mù zìtə̀ sə mò ngàynsə à ndzɨ̀mtə̀sə bàm wen, gàʼà la, “Wutsen nlù bòʼ sɨm ashɨ nkoʼ tsenghə a və dzàŋə̀ nə̀ glapesə wen ə̀ kwiʼ mbàyn ghə̀ nyɨŋ kàʼ sɨm ayi bè tyùŋə nkwòŋ a və a ŋwìʼì mu mə̀ ashɨ nkòʼ a mì shɨ̀tə̀ məlyʉ̀ʼ tsu bè bwòm kəshi kə ŋaŋtə kə à ntsɨ̀ŋ a ntìntìn sɨ̀m ayì mù ku sɨm ayi à viʼi la və nshyèʼè gə̀tə̀ ku wen nə̀ fo a və fʉ̀ fa tsu. Ghə̀ ku a lì lù dyʉ̀ a jèʼ a loʼ tsenghə no kəghaf.